სამეგრელო-ზემო სვანეთის მხარეში სახელმწიფო რწმუნებული - გუბერნატორი ლევან შონია, GEM fest-ის დამფუძნებელ გიორგი სიგუას USAID-ის პროექტის „ზრდა საქართველოში“ ხელმძღვანელ ბრაიან კინგს, ფერმერთა ასოციაციისა და საქართველოში მოქმედი ტურისტული კომპანიების წარმომადგენლებს შეხვდა.

შეხვედრას ადგილობრივი ხელისუფლების წარმომადგენლებიც ესწრებოდნენ. მხარეებმა რეგიონში ტურიზმის კუთხით მიმდინარე და დაგეგმილი საქმიანობები განიხილეს.

შონიამ აღნიშნა, რომ მსგავსი პროექტების განხორციელება მნიშვნელოვანია რეგიონისთვის, განსაკუთრებით კი, გამყოფი ხაზის მიმდებარე სოფლებში მცხოვრები მოსახლეობისთვის.

სიგუას განცხადებით, საერთაშორისო ორგანიზაციების მხარდაჭერა და ტურისტული კომპანიების დაინტერესება ხელს შეუწყობს ფესტივალის განვითარებას.

„ამერიკის შეერთებული შტატების საერთაშორისო განვითარების სააგენტო“ - USAID ახორციელებს პროექტს - „ზრდა საქართველოში“, რომელიც ჩართულია ანაკლია-განმუხურის ტურისტული ინფრასტრუქტურის განვითარებაში და თანამშრომლობს GEM fest-თან. 5 წლიანი პროექტი მიზნად ისახავს რეგიონში კვალიფიციური კადრების გადამზადებას.

GEM fest – 2017 14 ივლისს დაიწყება და 14 აგვისტოს დასრულდება.