სამეგრელო-ზემო სვანეთის სამხარეო ადმინისტრაცია ახალი წლის დღეებში დაგეგმილი კონცერტების განრიგს აქვეყნებს. ღონისძიებები ცხრა ქალაქში ჩატარდება.

ზუგდიდის მუნიციპალიტეტი

31 დეკემბერს 22 საათზე რუხში  საახალწლო კონცერტი გაიმართება, რომელშიც მონაწილეობას მიიღებენ ფოლკლორული ანსამბლები „ოდოია“, „ჩელა“, „ცისკარი“, მუსიკალური ბენდები „UNDER-7“, „MIX“ და მომღერლები: ლაშა თოდუა, ნანა ჩიქავა, ვახო გოგილავა. 

2-3 იანვარს კულტურის ცენტრ ,,ოდიშის’’ ფოიეში მოეწყობა საახალწლო კარნავალი სოციალურად დაუცველი ბავშვებისათვის. კარნავალის ბოლოს პატარები საჩუქრად ტკბილეულს მიიღებენ.

ქალაქი ზუგდიდი

3-4 იანვარი შშმ ბავშვების, აუტიზმის და დღის ცენტრის აღსაზრდელების, მრავალშვილიან ოჯახთა მოზარდების, მარტოხელა დედის შვილების, დედ-მამით ობოლი ბავშვებისთვის დაგეგმილია მოსწავლე-ახალგაზრდობის სასახლეში საახალწლო გასართობი პროგრამა. 

ფოთი

29 დეკემბერს ფოთის თეატრში წარმატებული სპორტსმენების დაჯილდოების ცერემონიალი გაიმართება. 

2,3,4 იანვარი – საბავშვო სპექტაკლები და საახალწლო გასართობი შოუ პროგრამა პანტომიმის თეატრის მსახიობების მონაწილეობით. ღონისძიების ფარგლებში მოხდება შშმ ბავშვების, რეაბილიტაციის ცენტრის, მრავალშვილიან ოჯახთა მოზარდების, მარტოხელა დედის შვილების, დედ-მამით ობოლი ბავშვების საახალწლო ნუგბარით დასაჩუქრება.

მესტია

31 დეკემბერი : 
18:00 საათი – თოვლის ბაბუას და ფიფქიას მარხილით სვლა დაბა მესტიის ცენტრალურ ქუჩებში, რომლებიც საჩუქრებს დაურიგდებენ ბავშვებს.
22:00 საათზე მესტიის მოედანზე ღია ცის ქვეშ მოწყობილ სცენაზე ადგილობრივი ანსამბლები და ახალგაზრდა შემსრულებლები გამართავენ კონცერტს.
23:00 – 01:30 საათზე მუსიკალური ბენდი ჩაატარებს დასკვნით კონცერტს, რომელიც ფეიერვერკით დასრულდება.

ჩხოროწყუ

31 დეკემბერს 20:00 საათზე გაიმართება გალა კონცერტი, რომელშიც მონაწილეობას მიიღებენ ადგილობრივი ანსაბლები და მომღერლები. ჩხოროწყუს ცენტრში ახალი წლის შეხვედრა ფეიერვერკით დასრულდება. 

აბაშა

20-30 დეკემბერს სკოლამდელი აღზრდის დაწესებულებებში საახალწლო კარნავალები ჩატარდება.
31 დეკემბერი ღია ცის ქვეშ გაიმართება საახალწლო კონცერტი ადგილობრივი ფოლკლორული, ქორეოგრაფიული ანსამბლების, ვოკალური ჯგუფებისა და მომღერლების მონაწილეობით. 

ხობი

30 დეკემბრის გალა კონცერტი.

სენაკი

31 დეკემბერი, 22 საათი, ქალაქის ცენტრალური მოედანი – საახალწლო გალა-კონცერტი, რომელიც ფეიერვერკით დასრულდება.


წალენჯიხა

31 დეკემბერი – კონცერტი ადგილობრივი ანსამბლების მონაწილეობით.

მარტვილი

29, 30 დეკემბერი- საზეიმო ღონისძიებები მუნიციპალიტეტის საჯარო სკოლებში.
30 დეკემბერი, 16:00 სთ -  საზეიმო კონცერტი მარტვილის ტრიფონ ხუხუას სახელობის კულტურის სახლში.
31 დეკემბერი 24:00 სთ. ახალი წლის შეხვედრა ფეიერვერკით.