ზუგდიდის მუნიციპალიტეტის ჯანდაცვის კომისიამ 2017 წელს პირველი სხდომა ჩაატარა, რომელსაც მუნიციპალიტეტის გამგებელი ლაშა გოგია უძღვებოდა. ბენეფიციარებს ოპერაცია, ძვირადღირებული სხივური თერაპია, კომპიუტერული და მაგნიურ-რეზონანსული გამოკვლევა დაუფინანსდათ. ,,C” ჰეპატიტის დიაგნოსტიკის პროგრამაში - 28 ბენეფიციარი, 7 მოქალაქე კი აუტიზმის სპექტრის დარღვევის მქონე ბავშვთა რეაბილიტაციის პროგრამაში ჩაერთო. ფენილკეტონურიით დაავადებული ბავშვის სპეციალიზირებული საკვებით უზრუნველსაყოფად თვიურად 500 ლარი ერიცხება ერთ მოქალაქეს (ბავშვის დედას). აღნიშნულ სამედიცინო მომსახურებებზე გამგეობის ჯანდაცვის ბიუჯეტიდან 27 863 ლარი დაიხარჯა.

2017 წლიდან ზუგდიდის მუნიციპალიტეტის გამგეობის ჯანდაცვის პროგრამაში ცვლილებები შევიდა, რომლის თანახმად, ქიმიოთერაპიის, რადიო თერაპიის, სხივური თერაპიისა და ჰორმონო თერაპიის საჭიროების მქონე მოქალაქეები დაფინანსდებიან.  მკურნალობისა და გამოკვლევების ხარჯებს, 500 ლარის ფარგლებში, აუნაზღაურებენ ნეიოსენსორული ტიპის სმენის დაქვეითების მე-3, მე-4 ხარისხის მქონე 0-18 წლამდე სოციალურად დაუცველ ბავშვებს. ასევე, მედიკამენტებით დაფინანსდებიან პენსიონერები, რისთვისაც მაქსიმალური ლიმიტი 200 ლარია.