ყოფილი საჯარო მოხელეები ზუგდიდის გამგეობას ნეპოტიზმში ადანაშაულებენ (ვიდეო)
15:26 / 01.02.2017
ზუგდიდის მუნიციპალიტეტის გამგეობის საზოგადოებასთან ურთიერთობის
სამსახურის ყოფილმა უფროსმა მაია
ღურწკაიამ, სხვა გათავისუფლებულ საჯარო მოხელეებთან ერთად, ბრიფინგი
გამართა. ისინი სამსახურიდან მათ გათავისუფლებას უკანონობას უწოდებენ
და საატესტაციო კომისიას სხდომის ოქმების გაყალბებაში
ადანაშაულებენ.
ღურწკაიას განმარტებით, სხდომის ოქმზე იმ პირის ხელმოწერაა, რომელიც,
მათივე თქმით, სხდომაზე არ უნახავთ. გარდა ამისა, მისი
თქმით, მუნიციპალიტეტის გამგეობა გვერდს უვლის კონკურსის ორ ეტაპს -
დოკუმენტების გადამუშავებასა და ტესტირებას და თანამდებობებზე
მოვალეობის შემსრულებლებს მხოლოდ გასაუბრების საფუძველზე ნიშნავს.
„ეს არის ნეპოტიზმი, ეს არის პოლიტიკური ნიშნით გათავისუფლება. მათ
მოჰყავთ თავიანთი ნათესავები ჩვენს თანამდებობებზე და მოჰყავთ ის
ადამიანები, ვინც ჰყავდათ მათ პარტიაში დასაქმებული“, -
განმარტა ღურწკაიამ.
გამგებლის მოადგილემ და საატესტაციო კომისიის ხელმძღვანელმა მამუკა
წოწერიამ ყველა ბრალდება უარყო და განაცხადა, რომ საჯარო სამსახურის
შესახებ კანონი იძლევა საშუალებას, ადამიანები გასაუბრების საფუძველზე
დაინიშნოს. მისი თქმით, ამით ხარჯებიც შემცირდა.
„ერთადერთი კრიტერიუმი სამსახურში აყვანის იყო პროფესიული და
პიროვნული თვისებები... არანაირი ნეპოტიზმი და პოლიტიკური
საფუძველი აქ არ ყოფილა. რაც შეეხება ოქმების გაყალბებას, არსებობს
რეგისტრაციის ფურცელი, რომელზეც ყველა წევრს ხელი აქვს მოწერილი“, -
აღნიშნა წოწერიამ.
ცნობისთვის, გამგეობიდან 28 თანამშრომელი, ნოემბერში ჩატარებული
ატესტაციის შედეგად, სამსახურიდან დაითხოვეს. მათ საქმეს ზუგდიდის
რაიონული სასამართლო განიხილავს. ყოფილი საჯარო მოხელეების უფლებებს
საია იცავს. ორგანიზაციის იურისტის მირზა მამულაძის ცნობით, გამგეობამ
ზემო აღნიშნული გასაუბრების (სხდომა) აუდიო ჩანაწერი ვერ წარმოადგინა,
რადგან, მისივე ინფორმაციით, ადმინისტრაციული ორგანო აუდიო ჩაწერას არ
ახორციელებდა, რამაც სხდომის გამჭვირვალობა კითხვის ნიშნის ქვეშ
დააყენა.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
გარემოსდაცვითი ზედამეხედველობის დეპარტამენტის სამეგრელო-ზემო სვანეთის რეგიონული სამმართველოების თანამშრომლებმა ბზის უკანონო მოპოვებისა და ტრანსპორტირების ფაქტი გამოავლინეს.
ზუგდიდის სოფელ კახათის პირველი საჯარო სკოლის დირექტორი მანანა მებონია სოციალურ ქსელში პოსტს აქვეყნებს, რომელშიც ის იხსენებს, თუ როგორ გაემგზავრა კახათის სკოლის 20 - მდე მსაწავლებელი ტრაგიკულად დაღუპული ეროვნული მოძრაობის "დუღაბის", მერაბ კოსტავას ხსოვნისთვის პატივის მისაგებად თბილისში.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები