დევნილები სამინისტროს წარმომადგენლებს ანაკლიაში დაუპირისპირდნენ (ვიდეო)
17:21 / 10.03.2017
ზუგდიდის რაიონული საავადმყოფოს ყოფილ შენობაში მცხოვრები
დევნილების ნაწილი ლტოლვილთა სამინისტროსსამხარაულის
ექსპერტიზის პასუხის
დამალვაში ადანაშაულებენ. მათი განმარტებით, აღნიშნული დასკვნა,
რომელიც ჯერ კიდევ 2 წლის წინ არსებობდა,
საკმარისი მიზეზი იყო ამორტიზირებული შენობიდან მათი გამოსახლებისა და
ახალი საცხოვრებელი ფართის უზრუნველსაყოფად.
ისინი სამინისტროს წარმომადგენლებთან შესახვედრად ანაკლიაში ჩავიდნენ,
სადაც დევნილთა ერთ-ერთ კომპაქტურ ჩასახლებაში შეხვედრა იმართებოდა.
თუმცა,უწყების წარმომადგენლებმა მათთან საუბარი არ ისურვეს. შენობიდან
გამოსულებს დევნილები ხმაურით დახვდნენ და მათ ტერიტორიის დატოვების
უფლება არ მისცეს. ვითარება ადგილზე მობილიზებულმა სამართალდამცავებმა
განმუხტეს.
„დევნილთა სამინსტრომ დაგვიმალა სამხარაულის
ექსპერტიზის პასუხი, რომელიც უკვე 2015 წელს არსებობდა.
დასკვნის მიხედვით შენობა, სადაც ჩვენ ვცხოვრობთ სიცოცხლისთვის
საშიშია. ამ დოკუმენტის არსებობის შესახებ სახალხო დამცველის აპარტის
რეგიონული დეპარტამენტის უფროსმა ლევან პაპავამ გვითხრა“,- თქვა
ტარიელ ქობალიამ.
განსახლებისა და ლტოლვილთა მინისტრის სოზარ სუბარის მრჩეველი
ლევან ტერაშვილი დევნილების ბრალდებებს უარყოფს და
აცხადებს, რომ ამ შენობიდან მათი გასახლება, მხოლოდამხოლოდ მათთვის
მინიჭებული ქულების მიხედვით მოხდება.
„კომისიამ დაასრულა მუშაობა და ამ დღეებში მოხდება დევნილების
შესახელება ბარამიას ქუჩაზე, ამისთვის კი აპლიკანტს შესაბამისი ქულები
უნდა ჰქონდეს. ვისაც არ მოსწონს თავისი ქულები, მას აქვს გასაჩივრების
უფლება და ამისთვის მან შესაბამისი პროცედურები უნდა გაიაროს“, -
განაცხადა ლევან ტერაშვილმა.
დევნილები პერმანენტული აქციებით იმუქრებიან.
ცნობისთვის, რაიონული საავადმყოფოს შენობაში მცხოვრები რამდენიმე
დევნილი ჩასახლების ეზოს სახელდახელოდ აგებულ კარავში, ორ
კვირაზე მეტხანს შიმშილობდა. ისინი მათთვის მინიჭებული
ქულების გადამოწმებას და საცხოვრებელი ფართებით უზრუნველყოფას
ითხოვდნენ.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
2023 წელს ოკუპირებული აფხაზეთის მიმართულებით ცხელი ხაზი 374-ჯერ გააქტიურდა. ამის შესახებ სახელმწიფო უსაფრთხოების სამსახურის ყოველწლიურ ანგარიშში ვკითხულობთ.
ზუგდიდში პირველი საზოგადოებრივი ორგანიზაცია ასოციაცია "ათინათი", რომელიც 28 წლის განმავლობაში არაერთი მიმართულებით მუშაობს და მრავალფეროვან პროექტებს ახოციელებს, ე.წ. "აგენტების" კანონს ეწინააღმდეგება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები