სიკეთე გადამდებია - ECG-თავისუფალი მოქალაქის საქველმოქმედო კონცერტი (ვიდეო)
12:12 / 06.04.2017
სენაკის მოსწავლე-ახალგაზრდობის ცენტრში პროგრამა „მომავლის
თაობის“ ფარგლებში სენაკის კერძო
სკოლა-ლიცეუმში შექმნილი სამოქალაქო კლუბის ინიციატივით, ასოციაცია
„ათინათისა“ და სენაკის მუნიციპალიტეტის გამგეობის მხარდაჭერით
საქველმოქმედო საღამო გაიმართა. კონცერტზე შემოსული თანხა კი მთლიანად
5 სოციალურად დაუცველ ოჯახს მოხმარდება. საღამოზე ცნობილი გახდა
სენაკი სკოლა-ლიცეუმის გადაწყვეტილება, რომლის თანახმადაც ამ
სოციალურად დაუცველი ოჯახების 2 პირველკლასელი სკოლაში უფასოდ
ისწავლიან.
„ამ საღამოთი ყველას მოვუწოდეთ, რომ ვაკეთოთ სიკეთე.
აუცილებელია საზოგადოებრივი აქტიურობა, საზოგადოებრივი პრობლემების
გათავისება“, - თქვა ლიცეუმის დირექტორმა ნანა
ნორაკიძემ.
სამოქალაქო კლუბის ლიდერის ანა დადიანის თქმით, ისინი ყოველკვირეულად
„ერთი კარტოფილის აქციის“ ფარგლებში თითო სოციალურად დაუცველ ოჯახს
ეხმარებიან.
„გადავწყვიტეთ უფრო გაგვეფართოებინა ეს საზღვრები. გვინდა,
მადლობა გადავუხადოთ მუნიციპალიტეტის გამგეობასა და „ათინათს“ გაწეული
დახმარებისთვის“, - უთხრა რადიო „ათინათს“
დადიანმა.
ღონისძიებაში ცეკვისა და სიმღერის ადგილობრივი ანსამბლები და
ინდივიდუალური შემსრულებლები მონაწილეობდნენ.
პროექტი „მომავლის თაობა“ საქართველოს განათლებისა და მეცნიერების
სამინისტროს მხარდაჭერით, აშშ-ის საერთაშორისო განვითარების ცენტრის
(USAID) დაფინანსებით, ორგანიზაცია PH International-ის მიერ
ხორციელდება.
48 საათიანი პატიმრობის შემდეგ, ზუგდიდელი აქტივისტი, როსტომ ზარანდია თავისუფალია. მან გვითხრა, რომ კანონსაწინააღმდეგო არაფერი ჩაუდენია. ზარანდია წინასწარი დაკავების იზოლატორში იმყოფებოდა და მას შემდეგ, რაც ოცდაოთხსაათიანი ვადა ორჯერ ამოიწურა, გამოუშვეს. მისივე თქმით, დაკავების მომენტში, მას პოლიციელებმა სიტყვიერი და ფიზიკური შეურაცხყოფა მიაყენეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები