საქართველოს ახალგაზრდა იურისტთა ასოციაციის ზუგდიდის ოფისის
წარმომადგნლებმა პროექტის ,,მიგრაციის მართვის განვითარება
საქართველოში’’
შესახებ შეხვედრა გამართეს. ორგანიზაციის იურისტებმა პროექტზე
მუშაობისას მიღებული ინფორმაცია და გამოცდილება ადგილობრივი
საზოგადოებრივი ორგანიზაციისა და მედიის წარმომადგენლებს გაუზიარეს.
ამასთან, შეხვედრაზე ემიგრანტების გარშემო არსებულ პრობლემებზე და
მათი მოგვარების გზებზე იმსჯელეს.
მიგრაციის პროექტის რეგიონალური ოფიცრის მარიამ გოროზიას თქმით,
ძირითადი პრობლემა მდგომარეობს იმაში, რომ ემიგრანტების გამოგზავნილი
თანხა საკვებზე, კომუნალურ გადასახადებზე და მკურნალობაზე იხარჯება და
არ იდება თუნდაც ინვესტიციაში და განათლებაში. მისივე თქმით, ,,საია’’
ამ პრობლემების გარშემო მუშაობას განაგრძობს და უკვე ახალი პროექტის
შემუშავებას გეგმავს, რომელიც უშუალოდ შედეგზე იქნება
ორიენტირებული.
,, ჩვენ ვცდილობთ ე.წ. „ტვინების გადინება“ ქვეყნიდან ტვინების
ცირკულირებით შევცვალოთ და უკვე ჩამოსულმა ემიგრანტებმა შეძლონ
თავიანთი უნარ-ჩვევები, განათლება და მათი რესურსი უკვე თავიანთი
ქვეყნის განვითარებას მოახმარონ. ამ საკითხში სახელმწიფოს როლი ძალიან
დიდია. რამოდენიმე რეინტეგრაციის პროგრამა ემიგრანტებისთვის უკვე
არსებობს, მაგრამ ეს არ არის საკმარისი და ამ მიმართულებით ახალი
პროექტების და პროგრამების შემუშავება უნდა გაგრძელდეს. ასევე, უნდა
დაიხვეწოს კანონპროექტი ამ მიმართულებით და უნდა შემუშავდეს ისეთი
ეფექტური მექანიზმები, რომელიც ხელს შეუწყობს ქართველი ემიგრანტების
ინტეგრაციას, მათ განვითარებას და მათი ეკონომიკური ფონის გაზრდას
’’,- თქვა გოროზიამ.
აღნიშნული პროექტის მიზანი საქართველოში მიგრაციული ფონის და ამ
კუთხით არსებული პრობლემების დადგენა იყო. პროექტი ევროკავშირის
ფინანსური მხარდაჭერით ხორციელდება.
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ამერიკელი კონგრესმენი, ჯო უილსონი აცხადებს, რომ სირიის საგარეო საქმეთა მინისტრს სთხოვა, სირიამ გაიწვიოს რუსეთის მიერ საქართველოს ოკუპირებული ტერიტორიების „დამოუკიდებლობის“ აღიარება.
გარემოს ეროვნული სააგენტოს ინფორმაციით, 18-19 მაისს საქართველოში იქროლებს დასავლეთის მიმართულების ძლიერი ქარი. ამასთან, მოსალოდნელია წვიმა, ზოგან ძლიერი, ელჭექით, აღმოსავლეთ საქართველოში შესაძლებელია სეტყვა.
სოხუმის აეროპორტთან დაკავშირებით მოსალოდნელ სკანდალზე წერს ინფორმაციული სააგენტო „აიაშარა“. გამოცემის ცნობით, სარემონტო და სამშენებლო სამუშაოების შესასრულებლად დაქირავებული სამშენებლო კომპანიების თანამშრომლები გაიფიცნენ. ამავე ცნობით, 15 მაისის შემდეგ, 8 - მდე სამშენებლო კომპანიის არც ერთი თანამშრომელი არ გამოსულა სამსახურში. მიზეზად, ხელფასის გადაუხდელობა სახელდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები