ახალი ამბები
ჟურნალისტისა და საჯარო მოხელეების განსხვავებული ჩვენებები კორცხელის საქმეზე
ზუგდიდის რაიონულ სასამართლოში კორცხელის საქმეზე მოწმეების დაკითხვა გრძელდება. დღეს ბრალდების მხარის 5 მოწმე დაიკითხა, მათ შორის ინტერნეტგამოცემა „ლაივპრესისა“ და რადიო „თავისუფლების“ჟურნალისტი თამარ ზანთარაია და მუნიციპალიტეტის საკრებულოს თავმჯდომარე მაიზერ ნანავა.

ჟურნალისტის თამარ ზანთარაიას თქმით, ინციდენტში სწორედ სასამართლოს დარბაზში მყოფი. ბრალდებული სპორტსმენები მონაწილეობდნენ, თუმცა მას სახელები და გვარები არ დაუკონკრეტებია. მან პროცესზე აღნიშნა, რომ სპორტული აღნაგობის ადამიანები ადგილზე პერიოდულად ჩნდებოდნენ, ფიზიკური დაპირისპირება კი ადგილზე „ნაციონალური მოძრაობის“ ერთ-ერთი ლიდერის ნიკა მელიას გამოჩენის შემდეგ დაიწყო.

„მელია რომ მოვიდა, იყო რაღაც დუდუნის მსგავსი და მერე პირდაპირ დაარტყეს მელიას. აქცენტი იყო ძირითადად რამდენიმე ლიდერზე, რომლებიც, თავის მხრივ, თავდაცვის რეჟიმში იყვნენ. სპორტსმენები სხვადასხვა უცენზურო შეძახილით მისდევნდნენ. ასევე, მინდა აღვნიშნო, რომ გარკვეულწილად დაუცველობის განცდა იყო, რადგან ადგილზე მხოლოდ რამდენიმე სამართალდამცავი იყო მობილიზებული, თუმცა, ისინი მართლა თავდადებით ცდილობდნენ წესრიგის დაცვას“, - აღნიშნა ზანთარაიამ.



ჟურნალისტის დაკითხვის დროს მოსამართლე შოთა ბიჭიამ ბრალდებულების ადვოკატს ზურაბ ბელთაძეს რამდენჯერმე მოუწოდა, რომ კითხვები აღელვების გარეშე დაესვა. ბელთაძის გაღიზიანება კი ზანთარაის სიტყვებმა გამოიწვია, როცა, მისი თქმით, ჟურნალისტებმა სპორტსმენებს მათი იქ ყოფნის მიზეზი ჰკითხეს. ადვოკატი დაინტერესდა, რატომ არ დაუსვეს მსგავსი კითხვა პოლიტიკური პარტიების წარმომადგენლებს, რაზეც ზანთარაიამ უპასუხა, რომ ეს კითხვა ყოფილი მმართველი გუნდის წარმომადგენლებსაც დაუსვეს, რის შემდეგაც „ნაციონალური მოძრაობის“ ლიდერებმა მოსალოდნელი პროვოკაციის შესახებ განცხადება გააკეთეს.

„ჟურნალისტები, ბუნებრივია, ვცდილობდით, გაგვერკვია, რას აკეთებდნენ სპორტსმენები საარჩევნო უბნის სიახლოვეს, თუმცა სხვადასხვა პასუხი მივიღეთ. ზოგადად, ჩვენ მიმართ აგრესიულები იყვნენ, კამერა რამდენჯერმე დამიხურეს, მუშტებით გვემუქრებოდნენ, გვაგინებდნენ“, - თქვა პროცესზე ჟურნალისტმა.

ზანთარაიასგან განსხვავებული ჩვენება მისცეს სასამართლოს მუნიციპალიტეტის საკრებულოს თავმჯდომარემ და ზუგდიდის მუნიციპალიტეტის საკრებულოს თავმჯდომარის თანაშემწემ, ასევე, „ქართული ოცნების“ საარჩევნო შტაბის წარმომადგენელმა თემურ ჭითანავამ.

სოსო ლაგვილავას თქმით, ბრალდების სკამზე არა სპორტსმენები, არამედ ის პოლიტიკოსები უნდა ისხდნენ, ვინც ინციდენტის პროვოცირება მოახდინა.

მათივე მტკიცებით, ფიზიკური დაპირისპირება ყოფილი მმართველი გუნდის ლიდერის ნიკა მელიას გინებას მოყვა.

„თურმე, იგინებოდა, ჩხუბობდა იმ ადამიანებთან, ვინც იქ იყო. ამას ამბობდა ადგილზე მყოფი ხალხი“, - აღნიშნა მაიზერ ნანავამ. მისი თქმით, მას ბრალდებული სპორტსმენები იქ არ უნახავს.

„მელია გვაგინებდა ყველას, რასაც გულანთებული ახალგარზდების მხრიდან გულანთებული პასუხი მოყვა. ამ ჩხუბის გამო წავაგეთ იმ დღეს არჩევნები“, - თქვა ჭითანავამ.

მან პროცესზე აღნიშნა, რომ საარჩევნო უბნის სიახლოვეს"ნაციონალური მოძრაობის" მანქანა იყო, სადაც ხელკეტები იდო, თუმცა მას ეს ადგილზე არ უნახავს. 

"ეს კადრები ტელევიზიით ნახა ყველამ და მეც", - თქვა ჭითანავამ.

ნიკა მელიას მხრიდან გინების ფაქტთან დაკავშირებით, ზანთარაიამ განაცხადა, რომ ამის შესახებ იქ მყოფი ადამიანებისგან მანაც გაიგო, თუმცა, თავად მას მელიას გინება არ გაუგია.

პროცესის დასრულების შემდეგ მაიზერ ნანავამ ჟურნალისტებთან კომენტარის გაკეთება არ ისურვა. შემდეგი პროცესი მოსამართლე შოთა ბიჭიამ 2 ოქტობერს ჩანიშნა.

22 მაისს, შუალედურ არჩევნებში, კორცხელის საარჩევნო უბანთან, სპორტსმენები „ერთიანი ნაციონალური მოძრაობის“ ლიდერებს დაუპირისპირდნენ.

დაზიანებები მიიღო რამდენიმე მათგანმა, მათ შორის გიგა ბოკერიამ, ნიკა მელიამ, თენგიზ გუნავამ. მათ სახეზე სისხლის კვალიც აღენიშნებოდათ. ექვსი ადამიანი სხვადასხვა სახის დაზიანებით ზუგდიდის რეფერალურ საავადმყოფოშიც იყო გადაყვანილი, მათ შორის- ორი პოლიციელი.



Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
16 / ივნისი 2024
გუდაუთის რაიონის სოფელ კალდახვარასთა ავტოსაგზაო შემთხვევა მოხდა.
16 / ივნისი 2024
"იუვენტუსის" აკადემიის ფეხბურთელები საქართველოში დაბრუნდნენ და ქომაგებმა სპორტსმენებს წალენჯიხის მთავარ მოედანზე საზეიმო დახვედრა მოუწყვეს.
15 / ივნისი 2024
საქართველოს პრეზიდენტი სალომე ზურაბიშვილი შვეიცარიაში, უკრაინის მშვიდობის სამიტის ფარგლებში უკრაინის პრეზიდენტს ვოლოდიმირ ზელენსკის შეხვდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« ივნისი 2024 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
ზუგდიდი 25 °C
img
სოხუმი 23 °C
img
ფოთი 24 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.