ახალი ამბები
ზედა ეწერში ენმ-ის მაჟორიტარი დეპუტატობის კანდიდატს მუქარაში ადანაშაულებენ (ვიდეო)
ზედა ეწერში არსებული მიწის ფართობის მფლობელები „ნაციონალური მოძრაობის“ მაჟორიტარი დეპუტატობის კანდიდატს ნატაშა აფხაზავას შანტაჟსა და მუქარაში ადანაშაულებენ. მესაკუთრეების, მამა-შვილ ანურ და გიორგი ზაქარაიას თქმით, ნაკვეთში აფხაზავა თანმხლებ პირთად ერთად მივიდა და მათ მოსახლეობისთვის სავალი გზის გახსნა მოსთხოვა. მას შემდეგ კი, რაც მფლობელებმა განუცხადეს, რომ ისინი მიწას კანონიერად ფლობენ, აქციებითა და საბოლოოდ საკუთრების წართმევით დაემუქრა.

„მოვიდნენ გუშინ. აფხაზავამ თავი წარმოგვიდგინა, როგორც „ნაციონალური მოძრაობის“ აქტიურმა წევრმა და მოვთხოვა, რომ დაგვეთმო მოსახლეობისთვის გზა, წინააღმდეგ შემთხვევაში კი აქციებითა და გზების გადაკეტვით დაგვემუქრა. გვითხრა, რომ საერთოდ ზედა ეწერში არ შემოგვიშვებდნენ და მიწას წაგვართმევდნენ. მე ვუპასუხე, რომ არსებობს სასამართლო და შეუძლიათ მიმართონ მას“, - აღნიშნა ანურ ზაქარაიამ.



მესაკუთრეები ამბობენ, რომ მოსახლეობას მსგავსი პრეტენზია არ აქვს და აღნიშნულ ინციდენტს პოლიტიკურ მოტივს უკავშირებენ და აცხადებენ, რომ აფხაზავას მოთხოვნა წინასაარჩევნო პიარის ნაწილია.

„არჩევნები მოახლოვდა და უნდათ, ალბათ, ქულების დაწერა. თუმცა, ეს არის კერძო საკუთრება, მსგავსი ფაქტებით ხელი ეშლება სამუშაო პროცესს, რომელშიც 20-მდე ადამიანია დასაქმებული. ამიტომაც ჩვენ დღეს პოლიციაში შევიტანეთ განცხადება ნაკვეთში შემოჭრისა და მუქარის ფაქტზე“, - თქვა გიორგი ზაქარაიამ.



მესაკუთრეების ინტერესების კანონიერებასა და „ნაციონალური მოძრაობის“ მიერ დაგეგმილ ინციდენტზე საუბრობს გამგებელი ირაკლი თორდია. მისი თქმით, არავითარი საბაბი იმისა, რომ მიწა სავალი გზით შუაზე გაიყოს, არ არსებობს. ჟურნალისტებთან თორდიამ აღნიშნა, რამდენიმე ხნის წინ ადგილობრივებისგან მსგავსი პრეტენზია ნამდვილად იყო, თუმცა მათთან მისასვლელი ორი გზა თავისუფალია.

„ნაციონალები“ შემოიჭრნენ კერძო ტერიტორიაზე და იმუქრებოდნენ, რომ არ მისცემდნენ მუშაობის საშუალებას. გარდა ამისა, დაუბარეს, რომ მოსახლეობასთან ერთად მოვიდოდნენ. მე, როგორც გამგებელმა, ადგილობრივებს ვკითხე ამის შესახებ, თუმცა მათ უარი განუცხადეს, რადგან ზაქარაიებს კანონიერად აქვთ ეს ტერიტორია დამოწმებული და აქვთ კერძო ბიზნესი და იმის ალბათობა, რომ რამე უკანონო იყოს, არ არსებობს“, - განმარტა თორდიამ.



თავის მხრივ, ნატაშა აფხაზავამ ჟურნალისტებთან კომენტარის გაკეთება არ ისურვა, თუმცა, აღნიშნა, რომ სავალი გზის გახსნასთან დაკავშირებით პრეტენზიები მოსახლეობას აქვს. რაც შეეხება მუქარას მიწის წართმევასთან დაკავშირებით, ის მსგავს ფაქტს კატეგორიულად უარჰყოფს.

ენმ-ის ზუგდიდის ორგანიზაციის თავმჯდომარის ანა წითლიძის თქმით, პარტია მუქარის ფაქტზე პოლიციაში ჩივილს გიორგი ზაქარაიას მიმართ გეგმავს.

„აფხაზავა და ჩხეტია წევრები მშვიდობიანი გზით აპირებდნენ მათთან მოლაპარაკებებს, თუმცა მოგვიანებით, გიორგი ზაქარაია ჩვენი პარტიის წევრს, მანუჩარ ჩხეტიას მოუვარდა სახლში და ფიზიკური ანგარიშსწორებით დაემუქრა“, - აღნიშნა წითლიძემ.

აღნიშნული მიწის ფართობი ზედა ეწერის ცენტრალურ საავტომობილო გზასა და ხერგიანის ქუჩას შორისაა. აქ მცხოვრებლები ამბობენ, რომ პირდაპირ გამავალი გზის არქონა მათთვის, უკვე მეორე, წელია, სერიოზული პრობლემაა. მათივე თქმით, მათ 100 მეტრის ნაცვლად კილომეტრზე მეტი მანძილის გავლა უწევთ.

„აქ არ შემოდის ტრანსპორტიც. ძალიან რთულია, წვალობს მთელი უბნის მოსახლეობა. რა თქმა უნდა, გვაქვს პრეტენზიები, თუმცა, მიწის მესაკუთრე უარს აცხადებს გზის გახსნაზე“, - უთხრა რადიო „ათინათს“ ადგილობრივმა ზინა ფარჯიანმა.
ადგილობრივი ხელისუფლების მხრიდან უყურადღებობაზე საუბრობს ხერგიანის ქუჩის ერთ-ერთი მცხოვრები რუსუდან გურჩიანიც.

„ხელისფლების წარმომადგენლებს მივმართეთ და დახმარებას დაგვპირდნენ, თუმცა არაფერი შეცვლილა. გზა გადაგვიკეტეს. განსაკუთრებით, ასაკოვნებს გვიჭირს. ამხელა გზაზე ტვირთის ტარებაც რთულია“, - თქვა გურჩიანმა.



ზედა ეწერში, ზაქარაიების კუთვნილ მიწის ფართობზე თხილის პლანცატიებია. გარდა ამისა, კერძო ბინესმენები ადგილზე სამეურნეო საქმიანობასაც აწარმოებენ.

Print Email
FaceBook Twitter
რ ე კ ლ ა მ ა
ზუგდიდში თანამედროვე სტანდარტის შესაბამისი ავტოპარკი შენდება.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი პროგრამა "აწარმოე საქართველოში" ბენეფიციარს მარინა ქარდავას და ახალგაზრდა მეწარმეს ირაკლი ჩიქავას ესტუმრა,
გაეროს 75-ე გენერალურ ასამბლეაზე საქართველოს პრემიერ მინისტრის მიმართვას ზუგდიდის მაჟორიტარი დეპუტატობის კანდიდატი ირაკლი ჩიქოვანი
კორონავირუსი
ზუგდიდის საზოგადოებრივი ჯანდაცვის ცენტრის ინფორმაციით ქალი, რომელსაც კორონავირუსი გუშინ დაუდასტურდა და ამ დრომდე სახლში 2 ბავშვთან ერთად იმყოფებოდა,
გუდაუთის საავადმყოფოში გასული 24 საათის განმავლობაში კიდევ ერთი კოვიდდადასტურებული პაციენტი გარდაიცვალა,
ქუთაისის ინფექციურ საავადმყოფოში კორონავირუსით პაციენტი გარდაიცვალა. 59 წლის ქალი ბათუმიდან იყო გადაყვანილი.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
26 / სექტემბერი 2020
ზუგდიდში თანამედროვე სტანდარტის შესაბამისი ავტოპარკი შენდება.
26 / სექტემბერი 2020
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი პროგრამა "აწარმოე საქართველოში" ბენეფიციარს მარინა ქარდავას და ახალგაზრდა მეწარმეს ირაკლი ჩიქავას ესტუმრა,
26 / სექტემბერი 2020
ზუგდიდის საზოგადოებრივი ჯანდაცვის ცენტრის ინფორმაციით ქალი, რომელსაც კორონავირუსი გუშინ დაუდასტურდა და ამ დრომდე სახლში 2 ბავშვთან ერთად იმყოფებოდა,
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 20 °C
img
ფოთი 18 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.