ცესკოს ინფორმაციით, ამ ეტაპზე 107 უბნიდან 80 უბნის მონაცემებია დათვლილი. პროპორციული სიით პარტიებს შორის პროცენტები ასე გადანაწილდა. პირველ ადგილზე „ქართული ოცნება“ 19 444 ხმით ლიდერობს, რაც 54, 82 %-ს უდრის. მეორე ადგილზე კი „ერთიანი ნაციონალური მოძრაობაა“ ხმების 23, 52 %-ით, რაც 8 343 ხმის ტოლია.

„ევროპულმა საქართველომ“ დათვლილი უბნების მონაცემების მიხედვით, სულ 5187 ხმა, ანუ 14, 62 % მიიღო, მეოთხე ადგილზე კი „ლეიბორისტული პარტია“ გავიდა ხმების 1,99 %-ით, რაც 707 ხმაა.

შემდეგ მოდის „თავისუფალი საქართველო“ 647 ხმით, რაც საერთო რაოდენობის 1, 82 %-ს შეადგენს, „პატრიოტთა ალიანსი“ 566 ხმით, რაც 1, 59%-ია, 427 ხმა, ანუ 1, 2% მიიღო „თავისუფლება - ზვიად გამსახურდიას გზამ“, ყველაზე ნაკლები 143 ხმა კი „რესპუბლიკურმა პარტიამ" მიიღო და 0, 4 % მოაგროვა.