ახალი ამბები
პრემიერ-მინისტრი: ანაკლიის პორტის მშენებლობაზე დასასაქმებლად ადგილობრივებისთვის მოსამზადებელი სკოლა გაიხსნება
საქართველოს პრემიერ-მინისტრის გიორგი კვირიკაშვილის ინფორმაციით, ანაკლიის განვითარების კონსორციუმი ადგილზე მსხვილი პროფესიული სასწავლებლის გახსნას გეგმავს. ამის შესახებ მან საქართველოს პარლამენტში რიგგარეშე სესიაზე ქალაქ ზუგდიდის მაჟორიტარი დეპუტატის კითხვის პასუხად განაცხადა.

ქვარაია დაინტერესდა, რა გეგმებია შემუშავებული იმისთვის, რომ პორტის მშენებლობაზე ადგილობრივები დასაქმდნენ.



„გამოვყოფ ანაკლიის ღრმაწლოვანპორტს, რომელიც საუკუნის პროექტადაა შეფასებული. სწორედ ამ საკითხზე მექნებოდა შეკითხვა. ბევრი ადამიანი ელოდება მუშაობის დაწყებას, განსაკუთრებით კი - ადგილობრივი მოსახლეობა, ხშირ შემთხვევაში ადგილობრივი მოსახლეობის კვალიფიკაცია არ შეესაბამება მოთხოვნებსა და სტანდარტებს, რომ დასაქმდნენ ანაკლიის პორტის პროექტის სამუშაოებზე. როგორია თქვენი ხედვა, რა გეგმებია გათვალისწინებული, რომ მოხდეს ამ ადამიანების გადამზადება და შემდეგ მათი დასაქმება. როგორ მოხდება პრიორიტეტის მინიჭება მათთვის? ვფიქრობ ეს ძალიან მნიშვნელოვანია ამ ადამიანებისვის“, - იკითხა ქვარაიამ.

კვირიკაშვილის თქმით კი, მნიშვნელოვანია, რომ ანაკლიის პორტი ადგილობრივებისთვის იყოს სარგებლის მომტანი.

„საინვესტიციო კონსორციუმს აქვს გეგმა, რომ ადგილზე გააკეთოს მოსამზადებელი სკოლა, სადაც დროის მოკლე პერიოდში სპეციალურად მომზადდება ადგილობრივი კადრები, იქ მაცხოვრებლები, რომ დასაქმდნენ მშენებლობაში. ეს ვალდებულებად აქვს აღებული კონსორციუმს, რომ იყოს საშუალება ადგილობრივები სპეციალობების შესაბამისად გადამზადდნენ და დასაქმდნენ“, - განაცხადა პრემიერმა.

მისივე ინფორმაციით, პირველი სამშენებლო პროცესი პორტის ტერიტორიაზე 2 დღეში დაიწყება.



ზუგდიდის მაჟორიტარმა მუნიციპალიტეტში მიმდინარე სხვა პროექტებზეც გაამახვილა ყურადღება. მისი შეფასებით, მთავრობის შემადგენლობა კვირიკაშვილის მეთაურობით წარმატებული.

„მთავრობის ის შემადგენლობა, რომელსაც თქვენ ხელმძღვანელობდით იყო წარმატებული და მე დარწმუნებული ვარ ის პროგრამა, რომელიც თქვენ დღეს წარმოგვიდგინეთ, ასევე იქნება წარმატებული. ამ წარმატებულობის მაგალითად ძალიან ბევრი უკვე განხორციელებული პროექტების მოყვანა შეიძლება. გამოვყოფდი ზუგდიდში ტექნოპარკის ინოვაციური პროექტის განხორციელებასა და ზუგდიდის ბოტანიკური ბაღის რეაბილიტაციის დაწყებას, რომელსაც ზუგდიდი და სამეგრელო ძალიან დიდი ხანია ელოდებოდა», - აღნიშნა ქვარაიამ.

პარლამენტში რიგგარეშე სესიის პლენარულ სხდომაზე მთავრობის განახლებული შემადგენლობისათვის ნდობის გამოცხადების საკითხი განიხილება, სადაც პრემიერ-მინისტრი და მთავრობის წევრები დეპუტატების კითხვებს პასუხობენ.

ამავე თემაზე:

ანაკლიის პორტის სამშენებლო სამუშაოების დაწყების ცერემონიას პრემიერ-მინისტრი დაესწრება

Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
13 / მაისი 2025
2025 - 2026 სასწავლო წელს სოხუმში ისევ მოსალოდნელია სირიელი სტუდენტების ჯგუფის ჩამოსვლა. ეს უკვე მეორე ნაკადია, რომელიც აფხაზეთის სახელმწიფო უნივერსიტეტში ისწავლის. ამის შესახებ სირიის არაბთა რესპუბლიკაში „აფხაზეთის რესპუბლიკის საგანგებო და სრულუფლებიანმა ელჩმა“ მუჰამედ ალიმ განაცხადა.
13 / მაისი 2025
საქართველოს შინაგან საქმეთა სამინისტროს საინფორმაციო ანალიტიკური დეპარტამენტის სტატისტიკით, 2025 წლის პირველ კვარტალში (იანვარი, თებერვალი, მარტი) სამეგრელო-ზემო სვანეთში ოჯახში ძალადობის მსხვერპლი 106 პირი იყო. აქედან 88 - მდედრობითი, 18 - მამრობითი სქესისაა.
12 / მაისი 2025
„საქართველოს პოლიტიკური ელიტა ვერ შეეგუა რეალობას. აფხაზეთი დამოუკიდებელი სახელმწიფოა. ვკითხოთ ჩვენს მოქალაქეებს, არიან თუ არა ისინი ოკუპირებულები. ჩვენ თავისუფლები ვართ, ჩვენ ვავითარებთ ჩვენს კულტურასა და ტრადიციებს. ესაა დამოუკიდებლობა. საქართველოს განცხადებები პოლიტიკურია“, - ამის შესახებ ოკუპირებული აფხაზეთის ე.წ. პრეზიდენტმა ბადრა გუნბამ "რია ნოვისტისთან" ინტერვიუში თქვა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« მაისი 2025 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.