რეგიონი
ანაკლიის პორტის ტერიტორიაზე მიწის მესაკუთრეების ნაწილი კომპენსაციას ითხოვს (ვიდეო)
ანაკლიის ღრმაწყლოვანი პორტის ტერიტორიაზე არსებული მიწის ნაკვეთის მესაკუთრეთა ნაწილი საკუთრების უფლების აღდგენას და შესაბამისი კომპენსაციის მიღებას ითხოვს. უძრავი ქონების ყოფილი მეპატრონე ამბობს, რომ მას აღნიშნულ ტერიტორიაზე კვების ობიექტი ჰქონდა. შპს „ედელვაისის“ დირექტორი მადონა ლაშხია ამბობს, რომ მის მიერ 2006 წელს სოფელ ანაკლიაში შესყიდულ მიწის ნაკვეთზე საკუთრების უფლების დამადასტურებელი დოკუმენტი უზენაესი სასამართლოს მიერ 2010 წელს გაბათილდა.



„ეს ტერიტორია ვიყიდე 2006 წელს. მოვაწყე ბუნგალო და პატარა ბიზნესი მქონდა. 2010 წელს კი მომივიდა წერილი, რომ ეს მიწა უკანონოდ იყო გასხვისებული ამხანაგობა „თოლიას“ მიერ და ჩამომერთვა საკუთრების უფლება. თუ "თოლიამ" წლების წინ უკანონოდ გაასხვისა, მე რა შუაში ვარ, ჩემამდე ოთხ პირზე იყო გასხვისებული. მივმართე ეკონომიკისა და მდგრადი განვითარების სამინისტროსაც, თუმცა უწყებაც უზენაესი სასამართლოს გადაწყვეტილებას ეყრდნობა, რაც უკანონოა. ამ მიწაში ფული მაქვს გადახდილი და ამის დამადასტურებელი საბუთებიც მაქვს. შვიდი წელი გაჩერებულია ჩემი ბიზნესი, ახლაც არანაირ პასუხს არ მაძლევენ, დღე-დღეზე პორტის მშენებლობა იწყება და გამოდის, რომ ფული წყალში გადამიყრია. ვითხოვ სამართლიანობის აღდგენას, წინააღმდეგ შემთხვევაში, აქ დავდგები და პორტის მშენებლობის უფლებას არ მივცემ“, - აცხადებს მადონა ლაშხია.



ადგილზე ამხანაგობა „თოლიას“ წამომადგენელი გურამ თირქიაც იმყოფებოდა. მისი თქმით, აღნიშნული მიწის ნაკვეთი კანონის დაცვით, მან კერძო მესაკუთრისგან წლების წინ იყიდა და შემდეგ გაასხვისა. როგორც მან ჟურნალისტებთან განაცხადა, იგივე პრობლემა მას საკუთარ მიწის ნაკვეთთან დაკავშირებითაც აქვს და სამართლის აღდგენას ითხოვს.



„იმ ტერიტორიაზე მაქვს სახლი და მიწის ნაკვეთი, სადაც პორტი უნდა აშენდეს. 2002 წლიდან 2010-მდე ბიუჯეტში, მიწის გადასახადი ყოველთვიურად 5000 ლარის ოდენობით შემქონდა. თუ მე არ მეკუთვნოდა ეს მიწა, ფულს რატომ მახდევინებდნენ? ექვსი წელია ამ საქმეს არკვევენ. ყველაფრის დამადასტურებელი საბუთები მაქვს და არანაირ უკანონობას არ აქვს ადგილი. მოვუწოდებ ახლანდელ ხელისუფლებას, ნუ გაიმეორებენ იგივე შეცდომებს, რასაც წინა ხელისუფლების დროს ჩადიოდნენ. ჯერჯერობით, აქ ვერ დაიწყებენ მშენებლობას, სანამ არ გაირკვევა ეს საკითხი. მშენებლობა რომ დაიწყონ, ჩემი სახლი უნდა დაშალონ, რის უფლებასაც მე არ მივცემ “, - აღნიშნა გურამ თირქიამ.

აღნიშნული ტერიტორიის ყოფილი მეპატრონეები ამბობენ, რომ იგივე პრობლემა მათ მსგავსად 40-მდე მესაკუთრეს აქვს და თუ ეს საკითხი არ მოგვარდება, ისინი პორტის მშენებლობას შეაფერხებენ.

"ანაკლიის განვითარების კონსორციუმის" პრესსამსახურში აცხადებენ, რომ  ყოფილ მესაკუთრეებს უკვე ესაუბრნენ და აღნიშნული საკითხი მათ კომპეტენციას ცდება.






Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
28 / მარტი 2024
საქართველოს ეროვნული ნაკრების გამარჯვებას და მათ მიერ ევროპის ჩემპიონატზე თამაშის უფლების მოპოვებას სოციალური ქსელების აფხაზურ სეგმენტში განიხილავენ.
28 / მარტი 2024
სოფლის მეურნეობისა და გარემოს დაცვის მინისტრის ოთარ შამუგიას განცხადებით, მცირე ზომის სასოფლო-სამეურნეო ტექნიკის შეძენას მაღალმთიან დასახლებებში მცხოვრები პირები სახელმწიფოს 70 %-ის თანადაფინანსებით შეძლებენ.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 11 °C
img
ფოთი 10 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.