ქემოკლიძე: დე-ფაქტო ხელისუფლებას კანჯი-ოღლის დაკავების პოლიტიკური მზაობა არ აქვს (ვიდეო)
14:15 / 21.03.2018
აფხაზეთის დე-ფაქტო ხელისუფლებას გიგა ოთხოზორიას მკვლელობაში
ბრალდებული რაშიდ კანჯი-ოღლის დაკავების
პოლიტიკური მზაობა არ აქვს. ამის შესახებ ჟურნალისტებს გალის
შეხვედრის დასრულების შემდეგ სახელმწიფო უსაფრთხოების სამსახურის
ანალიტიკური დეპარტამენტის უფროსის მოადგილემ კახაბერ ქემოკლიძემ
განუცხადა. მისი შეფასებით, ეს პოზიცია სერიოზული პრობლემაა და ამ
მიმართულებით მუშაობა უნდა გაგრძელდეს.
„განსაკუთრებული ყურადღება გავამახვილეთ სწორედ ამ საკითხზე, თუმცა
მოცემულობა არ შეცვლილა, რაც მნიშვნელოვანი პრობლემაა. სუს-ი ამ
საკითხზე სიღრმისეულად მუშაობს და გავაგრძელებთ აქტიურად მუშაობს“, -
აღნიშნა ქემოკლიძემ.
გარდა ამისა, დღევანდელ შეხვედრაზე ბოლო ერთი თვის განმავლობაში
საოკუპაციო ხაზსა და მიმდებარე ტერიტორიაზე მიმდინარე მოვლენები, მათ
შორის საქართველოს მოქალაქეების უკანონო დაკავების ფაქტები
განიხილეს.
„საქმე ეხება გობეჩიას, წურწუმიასა და ზარანდიას. დე-ფაქტო
ხელისფლებამ დაადასტურა, რომ გობეჩია გათავისუფლდა, თუმცა, ის
რეგიონში რჩება. რაც შეეხება დანარჩენ ორს, ისინი ე.წ. ციხეში
რჩებიან. ჩვენ მათ მოვუწოდეთ, რომ იყოს მაქსიმალური ლოალურობა, რათა
მალე გათავისუფლდნენ“, - თქვა კახაბერ ქემოკლიძემ.
რაც შეეხება საპარლამენტო რეზოლუციის პროექტს, რომელიც ე.წ.
„ოთხოზორია-ტატუნაშვილის სიის“ სახელითაა ცნობილი, მან განმარტა, რომ
სუს-ი სიღრმისეულად გაეცნობა აღნიშნულ დოკუმენტს, რის შემდეგაც მკაფიო
პოზიციას დააფიქსირებს.
ინციდენტების პრევენციისა და მათზე რეაგირების ფარგლებში მორიგი
შევხედრა 25 აპრილს არის დაგეგმილი.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ზუგდიდელი მარიამ ფიფია იმ ახალგაზრდებს შორისაა, რომლებმაც, საკმაოდ მაღალი კონკურსის პირობებში შეძლეს ევროპული უნივერსიტეტის გაცვლითი პროგრამის სტიპენდიის მოპოვება.
ზუგდიდის მუნიციპალიტეტის მერის მამუკა წოწერიას თქმით, ზუგდიდი უერთდება "ქართული ოცნების" მიერ თბილისში დღეს, 29 აპრილს, "აგენტების კანონის" მხარდასაჭერად დაგეგმილ კონტრაქციას.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები