აზიურ ფაროსანასთან ბრძოლის საკოორდინაციო შტაბში, შედგა რიგით მე-2 მრგვალი მაგიდა. შეხვედრაში მონაწილეობა მიიღეს საქართველოს თხილის მწარმოებელთა ასოციაციის (GHGA), "ფერერო/აგრიჯორჯიას", სურსათის ეროვნული სააგენტოს და სოფლის მეურნეობის სამინისტროს წარმომადგენლებმა, შეხვედრაში ასევე მონაწილეობდნენ მოწვეული უცხოელი ექსპერტები.

შეხვედრაზე ჩატარდა "GHGA აზიური ფაროსანას მონიტორინგის პროგრამის" პრეზენტაცია, რომლის შესახებაც ისაუბრა მოწვეულმა ექსპერტმა მატეო მასპერომ (იტალია), აღნიშნული პროგრამა მავნებლის პოპულაციის მონიტორინგთან ერთად მოიცავს დამატებით დაკვირვებას აზიური ფაროსანას თვისებებზე და ქცევაზე, როგორც სასოფლო ასევე არასასოფლო კულტურებზე, სხვადასხვა რეგიონში და განსხვავებულ კლიმატურ ზონებში. ასოციაციის სპეციალისტები ახდენენ ინფორმაციის გენერირებას საქართველოს თხილის მწარმოებელი რეგიონებიდან, სამეგრელო, გურია, იმერეთი, აჭარა, კახეთი. აღნიშნული რეგიონები დაყოფილია 12 მაკრო და 50 მიკრო ზონად, რომლებიც განსხვავდება არსებული კლიმატური და ტემპერატურული თავისებურებებით.



GHGA აღმასრულებელი დირექტორის გიორგი თოდუას განცხადებით აღნიშნული პროგრამის ფარბლებში ფერმერებს მიმდინარე სეზონზე გადაეცათ 100 ერთეული მაღალი ეფექტურობის შესაწამლი აპარატი, არსებული მონაცემებით პირველი წამლობა (მარტი-აპრილი) ჩაატარა ფერმერების 63.2%_მა, ხოლო მეორე წამლობა (აპრილი-მაისი) ფერმერების 78.3%_მა. არსებული მონაცემებით სოფლებში სადაც წარმოდგენილია საქართველოს თხილის მწარმოებელთა ასოციაცია, 5000 მდე ფერმერმა ჩაატარა გეგმიური წამლობა, ხოლო ასოციაციის SMS კომუნიკაციის სისტემის საშუალებით წამლობასთან დაკავშირებული რეკომენდაციები მიიღო 8200 მდე ფერმერმა. ასევე ამ დროისათვის "საქართველოს თხილის მწარმოებელთა ასოციაციის" მიერ შექმნილი "ფერმერთა მომსახურების ცენტრის სერვისებით უკვე ისარგებლა დაახლოებით 3500 მდე ფერმერმა. ამ დროისათვის აქტიურად მიმდინარეობს მე-3 წამლობის სამუშაოები აზიური ფაროსანას და სხვა მავნებელ-დაავადებების წინააღმდეგ.