ზუგდიდის სოფლებში, დარჩელსა და ორსანტიაში აბონენტებს გუშინ საღამოდან დღეს დილამდე ელექტროენერგია მმართველი პარტიის თავმჯდომარის ბიძინა ივანიშვილის მიერ სამეგრელოში შეძენილი ხეების ტრანსპორტირების გამო არ მიეწოდებოდათ. „ენერგო-პრო ჯორჯიაში“ რადიო „ათინათს“ უთხრეს, რომ კომპანიაში განცხადება არაგაბარიტული ტვირთის გადატანასთან დაკავშირებით შევიდა.

„კომპანიისთვის არ აქვს მნიშვნელობა, რა სახისაა ეს ტვირთი. ჩვენ უსაფრთხოების ზომების გათვალისწინებით, ვალდებულები ვართ, შესაბამისი ზომები მივიღოთ“, - აღნიშნეს "ენერგო-პრო"-ში.

ამ დროისთვის აღნიშნულ სოფლებს ელექტროენერგია უწყვეტ რეჟიმში მიეწოდებათ.

რაც შეეხება ზუგდიდის ცენტრალურ ქუჩებს, მათ დენის მიწოდება, კომპანიის ინფორმაციით, დილის 4 საათზე აღუდგა. მათივე ცნობით, დაზიანება იმდენად დიდი მასშტაბის იყო, რომ ადგილზე დამატებითი ჯგუფებიც იყო მობილიზებული.

რუსთაველისა და გამსახურდიას ქუჩების ნაწილს დენი გუშინ დღის 15:00 საათზე სადენების დაზიანების გამო შეუწყდა.

ამავე თემაზე:

ზუგდიდის ცენტრალური ქუჩების ნაწილს ელექტროენერგია არ მიეწოდება