რეგიონი
ვასილ გაბუნია: ხობში აღმოჩენილი მინერალები სეპტარიებია და შესაძლოა, 2-3 მლნ წლის იყოს
მდინარე ხობისწყლის კალაპოტში რამდენიმე დღის წინ აღმოჩენილი დიდი ზომის მინერალები ე.წ. დალექვის თავისებურებით გამორჩეული კონკრეცია-სეპტარიებია, რომლებსაც არანაირი კავშირი არ აქვთ განამარხებულ ფაუნასთან - ამონიტებთან. ამის შესახებ რადიო "ათინათს"ილიას უნივერსიტეტის პროფესორმა ვასილ გაბუნიამ უთხრა.

"მსგავსი გეოლოგიური ფორმები ნაპოვნია მდინარე ხანის ხეობაში, ქალაქ ბაღდადთან. მათი პოლირებული ანათლები ფართოდ გამოიყენებოდა, როგორც ძვირფასი მოსაპირკეთებელი მასალა, რადგან შიგნით ხშირად გვხვდება სხვადასხვა სახის და ფერის კვარციტები. ასეთი ადგილები, როგორც წესი, გეოტურიზმის განვითარებას უწყობს ხელს", - აღნიშნა მან.


პალეონტოლოგი მიიჩნევს, რომ სეპტარია საინტერესო ლითოლოგიური მოვლენაა, რომელიც მინერალოგებმა და ლითოლოგებმა უნდა შეისწავლონ.

"შესწავლილი უნდა იქნას როგორც დალექვის სისწრაფე, ასევე თერმული წყლების ზემოქმედება (თუ ასეთიც იღებდა მის წარმოქმნაში მონაწილეობას). რაც შეეხება მათი წარმოქმნის სისწრაფეს - დიამეტრიდან გამომდინარე 2-3 მილიონი წელი მიმდინარეობდა. რაც შეეხება ამონიტებს, ისინი 65 მილიონი წლის წინ კომეტის ვარდნის შემდეგ გადაშენდნენ დინოზავრებთან ერთად", - ამბობს პროფესორი.

კითხვაზე, რამდენად მიზანშეწონილი მათი წარმოშობის ადგილიდან გადატანა, გაბუნია გვპასუხობს, რომ ამან შეიძლება სეპტარიები დააზიანოს.

"გასათვალისწინებელია საერთაშორისო გამოცდილება. არაა გამორიცხული, რომ გარემოს შეცვლამ მათი დაზიანება გამოიწვიოს. თან მუზეუმში ან ქალაქის პარკში დადებული სეპტარია არ მგონია ისეთივე შთამბეჭდავი იყოს, როგორც ახლაა", - თვლის ვასილ გაბუნია.



ხობის სამონასტრო კომპლექსის მიმდებარედ, მდინარე ხობისწყლის კალაპოტში რამდენიმე დღის წინ აღმოჩენილ იქნა კონკრეციები. ისინი ხობის მუნიციპალიტეტის მერიის სპეციალისტმა ძეგლთა დაცვისა და ტურიზმის საკითხებში გოგიტა ჩიტაიამ შენიშნა. მან ფაქტის ამსახველი ფოტოები საქართველოს ალექსანდრე ჯავახიშვილის სახელობის გეოგრაფიული საზოგადოებაში გააგზავნა.

"არსებული ნიმუშები დიდი ხნის წინათ გადაშენებული ზღვის ცხოველებს, ე.წ. ამონიტებს გვანან, რომლებიც დაახლოებით 60 მილიონი წლის წინათ ბინადრობდნენ", - ნათქვამია ზურაბ ჯანელიძეს წერილში.

პროფესორის რეკომენდაციით, აღმოჩენილი წარმონაქმნების გადატანა ისეთ ადგილზე უნდა მოხდეს, სადაც მოხდება მათი დაცვა. გარდა ამისა, ისინი პალეონტოლოგებმა და ლითოლოგებმა უნდა შეისწავლონ.
ხობის მუნიციპალიტეტის მაჟორიტარი დეპუტატი ირაკლი ბერაია ამბობს, რომ ზემოაღნიშნული აღმოჩენით დაინტერესებულია და ადგილზე სპეციალისტების ჩაყვანას გეგმავს.

ამავე თემაზე:

ხობში აღმოჩენილი კონკრეციები შესაძლოა 60 მილიონი წლის იყოს

Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
24 / ივნისი 2024
აფხაზეთის დე ფაქტო რესპუბლიკის სოფელ გაგიდაში ზუგდიდელი 17 წლის მოზარდი ზღვაში გუშინ საღამოს დაიხრჩო. ამის შესახებ ინფორმაცია რადიო "ათინათს" გაგიდაში მცხოვრებმა პირმა დაუდასტურა.
24 / ივნისი 2024
ფსოუზე, ე.წ. საგუშაგოს ზონასთან მომხდარ მკვლელობაში ეჭვმიტანილები დააკავეს, ინფორმაციას ოკუპირებული აფხაზეთის ე.წ. პროკურატურა ავრცელებს.
24 / ივნისი 2024
გარემოს ეროვნული სააგენტოს ინფორმაციით, 25 ივნისის დღის ბოლოდან 26 ივნისის დღის ბოლომდე საქართველოში მოსალოდნელია დროგამოშვებით წვიმა ელჭექით და დასავლეთის მიმართულების ძლიერი ქარი.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 26 °C
img
სოხუმი 26 °C
img
ფოთი 26 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.