შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, ისინი აფხაზური მედიასაშუალების მიერ გამოქვეყნებული სიის განხილვასა და შინაარსის შეფასებაში ვერ შევლენ.

„გარკვეულ ორგანიზაციებს და ჯგუფებს, შესაძლოა, ჰქონდეთ სხვადასხვა რეაქცია ე.წ. ოთხოზორია-ტატუნაშვილის სიაზე, შესაბამისად, ერთ–ერთი აფხაზური მედიასაშუალების მიერ გამოქვეყნებული ამ სიის განხილვასა და შინაარსის შეფასებაში ვერ შევალთ. რაც არის მნიშვნელოვანი, გახლავთ ის, რომ „ოთხოზორია–ტატუნაშვილის“ სია, რომელიც მომზადდა პარლამენტის შესაბამისი რეზოლუციის მიხედვით, არის ბრალდებულთა და მსჯავრდებულთა სია იმ პირებისა, რომელთა მიმართ არსებობს კონკრეტული სისხლის სამართლის საქმეები, რომელთაც, სამწუხაროდ და საუბედუროდ, ჩაიდინეს ძალიან მძიმე დანაშაულებები ადამიანის სიცოცხლის და უფლების წინააღმდეგ. ამ სიის ამოცანა გახლავთ ის, რომ ხელი შეეწყოს სამართლის აღსრულებას საერთაშორისო სანქციების დაწესების გზით და რაც მთავარია, ხელი შეეწყოს პრევენციას მსგავსი დანაშაულებების. მე სრულიად დარწმუნებული ვარ, რომ აფხაზეთსა და ცხინვალის რეგიონებში კრიმინალის პრევენცია არის საზოგადოების ინტერესში, რადგან კრიმინალს არ გააჩნია ეთნიკურობა, ეს არის მთავარი ამოცანა და მეტსაც ვიტყვი, ცხადია, დავას არ იწვევს, რომ მკვლელი უნდა იყოს დასჯილი. მგონია, რომ მომავალში ყველა ფორმატი უნდა გამოვიყენოთ და საერთო ძალისხმევა მივმართოთ დანაშაულის და კრიმინალის აღკეთასა და პრევენციაზე“, –განაცხადა ქეთევან ციხელაშვილმა.

ვეტერანთა საზოგადობრივი ორგანიზაცია „არუაა“ დე ფაქტო აფხაზეთის პარლამენტს ოთხოზორია ტატუნაშვილის სიის საპასუხოდ „ხიშბა- სიგუას“ სიის მიღების წინადადებით მიმართვას. ინფორმაციას „ნუჟნაია გაზეტა“ ავრცელებს.

ამავე თემაზე:

დე ფაქტო აფხაზეთში „ოთხოზორია - ტატუნაშვილის“ სიის საპასუხო სია მომზადდა