გრიგოლ ვაშაძე ანაკლიაში: სამეგრელო არის სახელმწიფოებრივი აზროვნების მაგალითი (ფოტო, ვიდეო)
21:39 / 25.07.2018
გაერთიანებული ოპოზიციის საპრეზიდენტო კანდიდატმა გრიგოლ ვაშაძემ
წინასაარჩევნო კამპანია სამეგრელოდან
დაიწყო. ის მოძრაობის "ძალა ერთობაშია" ლიდერებთან ერთად ზუგდიდში
მატარებლით დღეს ჩამოვიდა. პრეზიდენტობის კანდიდატი ზუგდიდის ქუჩებში
მოქალაქეებს გაესაუბრო, საბოლოოდ კი შეხვედრა ანაკლიაში
ადგილობრივებთან გამართა.
ვაშაძის თქმით, კამპანიის სამეგრელოდან დაწყების მთავარი მიზეზი ის
არის, რომ სამეგრელო სახელმწიფოებრივი აზროვნების მაგალითია. მან აქ
არსებულ პრობლემებზე გაამახვილა ყურადღება.
„აქაური მაცხოვრებელი პატრიოტიზმში არავის შეეჯიბრება, თუმცა, თუ
საჭირო გახდა, სამეგრელოდან პატრიოტიზმის ექსპორტი შეიძლება.
სამწუხაროა, რასაც აქ ვხედავთ. ყველაფერი გაჩერებულია. არაა სამუშაო
ადგილები, ღირსეული შემოსავლები, ადამიანები ვერ ხედავენ
პერსპექტივას, ჩავარდნილია საკურორტო სეზონი. ასე გაგრძელება არ
შეიძლება. ჩვენ ამ არჩევნებში სამეგრელოს თითოეულ მოსახლესთან ერთად
აუცილებლად გავიმარჯვებთ და გადავაყენებთ მთავრობას, რომელიც უსუსური,
უცოდინარი, უქნარა და ამავე დროს, მავნებელია ჩვენი სამშობლოს
ინტერესების მიმართ“, - აღნიშნა ვაშაძემ.
მასთან ერთად ადგილობრივებს მოძრაობის ლიდერებიც გაესაუბრნენ. მათ
შორის „ეროვნულ-დემოკრატიული პარტიის“ თავმჯდომარე ბაჩუკი ქარდავაც
იყო, რომელიც საკუთარი კანდიდატის გამარჯვებაში დარწმუნებულია.
ამასთან, მან 11 ოპოზიციური პარტიის გაერთიანებაზეც ისაუბრა და თქვა,
რომ მათი მთავარი მიღწევა ერთიანობა და საკუთარ რიგებში ხალხისთვის
მისაღები ადამიანების ყოფნაა.
„ჩვენს მოძრაობაში, რომელშიც პოლიტიკურ პარტიებთან ერთად
საზოგადოებრივმა ჯგუფებმაც მოიყარა თავი, მთავარი და
დამაგვირგვინებელი წარმატებაა ის, რომ გრიგოლ ვაშაძემ მიიღო ჩვენი
შეთავაზება და გადაწყვიტა, კენჭი იყაროს საპრეზიდენტო არჩევნებში.
ბევრი ცდილობს, მათ შორის, ბიძინა ივანიშვილი, რომ ამ საპრეზიდენტო
არჩევნებს, თითქოს, არ მიანიჭოს დიდი პოლიტიკური მნიშვნელობა და
საზოგადოებას უთხრას, რომ არც აქვს მნიშვნელობა, თუმცა ეს ასე არ
არის. ჩვენ გავიმარჯვებთ და ამის კვალდაკვალ შევცვლით ხელისუფლებას,
რათა შევაჩეროთ უკუსვლა და წავიდეთ განვითარებისკენ“, - თქვა
ქარდავამ.
რაც შეეხება ამომრჩევლებს, მათ ვაშაძის კანდიდატურა მოსწონთ და
არჩევნებში მისი გამარჯვების იმედი აქვთ.
„კარგი გადაწყვეტილებაა, რომ ვაშაძე არის კანდიდატი. გვაქვს იმედი,
რომ აუცილებლად გაიმარჯვებს და იქნება უკეთესი მომავალი ჩევნი
ქვეყნისთვის“, - უთხრა ჟურნალისტებს ერთ-ერთმა ანაკლიელმა ჯილდა
შენგელიამ.
გრიგოლ ვაშაძე პრეზიდენტობის კანდიდატად ქუთაისში, ბაგრატის ტაძრის
ეზოში გამართულ ღონისძიებაზე წარადგინეს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, სამეგრელოში უკანონო სახერხი საამქრო გამოავლინეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები