ახალი ამბები
სოხუმში წითელი ცხვირგრძელას მიერ განადგურებული ათამდე პალმა მოჭრეს
სოხუმში გამართულ პრესკონფერენციაზე ეკოლოგიის და გარემოს დაცვის საკითხებზე იმსჯელეს. ჟურნალისტების კითხვები, ძირითადად, ბოლო წლებში გავრცელებული მევნებელი მწერების წინააღმდეგ გატარებულ ღონისძიებებს ეხებოდა, წერს ინტერნეტ-გამოცემა „აიაირა“.

ეკოლოგიისა და ბუნების დაცვის კომიტეტის წარმომადგენელმა საველი ჭითანავამ განაცხადა, რომ აზიური ფაროსანას წინააღმდეგ მიმართული ღონისძიებების გატარებისასა, პესტიციდები სიფრთხილით გამოიყენეს, ფლორისა და ფაუნისთვის შესაძლო ზიანის თავიდან ასაცილებლად და მავნებლის გადანდგურების მექანიკურ მეთოდსაც მიმართეს. აფხაზი სპეციალისტების შეფასებით, ამან კარგი შედეგი გამოიღო და ფაროსანას რაოდენობა 50 მილიონით შემცირდა.

"ამ მიმართულებით სამუშაოები გრძელდება, განსაკუთრებით ოჩამჩირის, გუდაუთის და ტყვარჩელის რაიონებში... თუმცა, მიუხედავად ამისა, მოსავალი მაინც არ გვაქვს... ფაროსანაზე უფრო სერიოზულ საშიშროებას, სოკოვანი დაავადებები წარმოადგენენ. მათ წინააღმდეგ, სამწუხაროდ, არანაირი ზომები არ გატარებულა“ - აღნიშნა ჭითანავამ.

შეხვედრაზე კიდევ ერთ მავნებელზე, პალმის ცხვირგძელაზე გაამახვილეს ყურადღება, რომელიც კრასნოდარის მხარიდან გავრცელდა აფხაზეთის ტერიტორიაზე. საველი ჭითანავას ინფორმაციით, მავნებელთან ბრძოლის ერთადერთი საშუალება ხეების მოჭრა, შემდეგ კი მათი დაწვაა.

"სამწუხაროდ სოხუმში ბოლოს ერთი თვის განამვალობაში შვიდი დაზიანებული პალმა დაფიქსრიდა. გუშინ, კიდევ სამი გამოავლინეს. დაავადების აღმოჩენის შემდეგ, მავნებელთან ბრძოლის ერთადერთი მეთოდი, ხის მოჭრა, დაწვაა. უტილიზაციის მხოლოდ ეს ფორმაა ეფექტური“, - ამბობს ეკოლოგი.

მან აღნიშნა, რომ პალმის ცხვირგძელაზე მონიტორინგის მიზნით "რესპუბლიკაში" საგანგებო შტაბი შეიქმნა.

პრესკონფერენციაზე საუბარი ბზის ალურასაც შეეხო, რომელმაც აფხაზეთის ტერიტორიაზე არსებული ბზის დიდი ნაწილი გაანადგურა. კოლხური ბზა, ამჟამად, მხოლოდ 60-70 ჰექტარზეა შემორჩენილი. საველი ჭითანავამ განაცხადა, ბზის ალურის გასანადგურებლად ტარდება რეგულარული ღონისძიებები ბზიფის ხეობაში, შარშან შვიდჯერ შეიწამლა ნარგავები, წელს - ოთხჯერ. სპეციალისტმა იმედი გამოთქვა, რომ ისინი შეძლებენ ბზის რეაბილიტაციას და შენარჩუნებას.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 17 °C
img
ფოთი 15 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.