გოჩა ფიფია: 2008 წლის აგვისტოში საომარი მოქმედებები მიხეილ სააკაშვილმა დაიწყო (ვიდეო)
12:55 / 09.11.2018
მოძრაობა "მართალი არჩევანის" ხელმძღვანელი და ყოფილი პარლამენტარი გოჩა ფიფია 2008 წლის აგვისტოში საომარი მოქმედებების
დაწყებაში საქართველოს ყოფილ პრეზიდენტს მიხეილ სააკაშვილს ადანაშაულებს. მისი თქმით, სააკაშვილმა ომი არა როგორც ქვეყნის პრეზიდენტმა, არამედ, როგორც "ნაცისტური მოძრაობის" ლიდერმა დაიწყო.
"თუ ჰიტლერი წარმოადგენდა მთელ გერმანიას და არა ნაცისტურ მოძრაობას, მაშინ ომი დაიწყო გერმანიამ. საომარი მოქმედებები მიხეილ სააკაშვილმა დაიწყო, როგორც არა საქართველოს პრეზიდენტმა, არამედ ნაცისტური მოძრაობის პარტიის ხელმძღვანელმა და მე ამას ვამბობ 2008 წლიდან", - თქვა ფიფიამ.
დღეს გოჩა ფიფია ზუგდიდელებს შპს "ენგურის" შენობაში შეხვდა და ისინი დაგეგმილ ღონისძიებებზე მიიწვია. მისივე თქმით, "მართალი არჩევანი" დროებითი მოვლენაა "ნაცისტური რეჟიმის" დასამარცხებლად.
ფიფია იყო მე-6 მოწვევის პარლამენტის წევრი და რეგიონული პოლიტიკის, თვითმმართველობისა და მაღალმთიანი რეგიონების კომიტეტის წევრი 2004-2008 წლებში.
48 საათიანი პატიმრობის შემდეგ, ზუგდიდელი აქტივისტი, როსტომ ზარანდია თავისუფალია. მან გვითხრა, რომ კანონსაწინააღმდეგო არაფერი ჩაუდენია. ზარანდია წინასწარი დაკავების იზოლატორში იმყოფებოდა და მას შემდეგ, რაც ოცდაოთხსაათიანი ვადა ორჯერ ამოიწურა, გამოუშვეს. მისივე თქმით, დაკავების მომენტში, მას პოლიციელებმა სიტყვიერი და ფიზიკური შეურაცხყოფა მიაყენეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები