ახალი ამბები
ზოდელავასა და წითლიძის წინააღმდეგ შონიას საჩივარზე გადაწყვეტილება 19 დეკემბერს გამოცხადდება
სამეგრელო-ზემო სვანეთის ყოფილი გუბერნატორის ლევან შონიას სარჩელზე ანა წითლიძისა და მურთაზ ზოდელავას წინააღმდეგ გადაწყვეტილება 19 დეკემბერს გახდება ცნობილი. ამის შესახებ რადიო „ათინათს“ „ნაციონალური მოძრაობის“ ზუგდიდისა და სამეგრელოს ორგანიზაციების თავმჯდომარეების ინტერესების დამცველმა მირანდა გოგოხიამ უთხრა.

ცილისწამებაზე ზუგდიდის რაიონულ სასამართლოში პროცესი გუშინ გაიმართა, სადაც მხარეებმა საკუთარი არგუმენტები წარადგინეს.


alt

ყოფილი გუბერნატორის ლევან შონიას ინტერესებს აღნიშნულ საქმეში როლანდ შონია იცავს. მისი ინფორმაციით, მოპასუხე მხარეს არავითარი სამართლებრივი არგუმენტი არ ჰქონდა.

„ყველა მათი არგუმენტი იყო სამარცხვინო, უსაფუძვლო და სასაცილო. უარყვეს კიდეც, რასაც ბატონ ლევანს ედავებოდნენ და ამბობდნენ, ეს საზოგადოებრივი აზრია და საქვეყნოდ ცნობილია, რომ, მაგალითად, ზუგდიდში კონტრაბანდული სიგარეტი იყიდებაო. ეს არგუმენტი არ არის. როცა ადამიანს სისხლის საქმეს ედავები, მინიმუმ, მტკიცებულებები უნდა გქონდეს“, - უთხრა რადიო „ათინათს“ შონიამ.

ის დარწმუნებულია, რომ სასამართლო დააკმაყოფილებს შონიას სარჩელს და დადგინდება ცილისწამება.

მირანდა გოგოხიამ პროცესის მიმდინარეობაზე ჩვენთან არ ისაუბრა, თუმცა გვითხრა, რომ მათ საკუთარი პოზიციები მტკიცედ დაიცვეს.

alt

„ჩვენ ვრჩებით, რა თქმა უნდა, ჩვენს აზრზე და მყარად ვდგავართ, დავიცავთ ამ პოზიციას“, - თქვა გოგოხიამ.

სამეგრელო-ზემო სვანეთის გუბერნატორმა ლევან შონიამ, ცილისმწამებლური განცხადებების გავრცელებისთვის „ნაციონალური მოძრაობის“ სამეგრელოს რეგიონალური ორგანიზაციის თავმჯდომარის მურთაზ ზოდელავას და ზუგდიდის საკრებულოს ფრაქცია "ნაციონალური მოძრაობის" თავმჯდომარის ანა წითლიძეს წინააღმდეგ სასამართლოში სარჩელი მიმდინარე წლის ივნისში შეიტანა. როგორც მაშინ შონიას პრესსამსახურმა განმარტა, საქმე ეხება სხვადასხვა მედიასაშუალებაში წითლიძისა და ზოდელავას მიერ გუბერნატორის „პატივის, ღირსების და საქმიანი რეპუტაციის შემლახველი“ ცნობების გავრცელებას.

ამავე თემაზე:

სამეგრელოს გუბერნატორი ენმ-ს წევრებს სასამართლოში უჩივის 
Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
20 / ივნისი 2024
ზუგდიდის მუნიციპალიტეტის მერიამ მოწყვლადი ჯგუფებისთვის დაფნის ბაღების მოსაშენებლად 20 000 ლარი გამოყო.
20 / ივნისი 2024
მუხურის თაფლის-ლეუკუნეს ჯარების ბიომეურნეობა ბიო-სერტიფიცირებულია. ამის შესახებ ინფორმაციას ფეისბუქზე ფოტოგრაფი რომან თოლორდავა ავრცელებს.
20 / ივნისი 2024
ეკონომიკის მინისტრის ლევან დავითაშვილის განცხადებით, ანაკლიის ღრმაწყლოვანი პორტის პროექტში სხვადასხვა პარტნიორისგან შემდგარი კონსორციუმი ითანამშრომლებს სახელმწიფოსთან, ხოლო გამარჯვებულად ჩინური კომპანიის
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 25 °C
img
სოხუმი 25 °C
img
ფოთი 25 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.