ახალი ამბები
ოკუპირებულ გალში კვარაცხელიას გარდაცვალების შესახებ მინისტრი ევროსაბჭოს გენმდივანს ესაუბრა
ქეთევან ციხელაშვილი ევროსაბჭოს გენმდივანს შეხვდა, სადაც ისეთ საკითხებზე ისაუბრა, როგორიცაა საქართველოს ოკუპირებულ რეგიონებში არსებული ვითარება, საქართველოს მოქალაქის გაურკვეველ ვითარებაში დაღუპვის ფაქტი და მთავრობის სამშვიდობო ინიციატივა.

სამინისტროს ინფორმაციით, ტორბიორნ იაგლანდს სახელმწიფო მინისტრმა მადლობა კონსოლიდირებული ანგარიშისთვის გადაუხადა, რომელიც ოკუპირებულ ტერიტორიებზე არსებული ვითარების შესახებ რეგულარულად გამოიცემა და უმნიშვნელოვანესია ამ პრობლემის შესახებ რეალური სურათის შესაქმნელად საერთაშორისო საზოგადოებისთვის.

,,ირაკლი კვარაცხელიას გარდაცვალება გაურკვეველ ვითარებაში და უკანონო პატიმრობისას რა თქმა უნდა არის ის მძიმე და ტრაგიკული შემთხვევა რომელიც ჩვენ გვქონდა ბოლო პერიოდში. ვისაუბრეთ ასევე წლის დასაწყისიდან ერთი თვის განმავლობაში აფხაზეთის, ხოლო 2 თვის განმავლობაში ცხინვალის მიმართულებით მოძრაობის ფაქტობრივად სრულ ჩაკეტვაზე, რამაც ძალიან შეუშალა ხელი მოსახლეობას, რომ სასიცოცხლოდ მნიშვნელოვანი ინტერესები დაეკმაყოფილებინა. ვისაუბრეთ იმაზე, რომ ზოგადად მზარდი არის წნეხი ოკუპაციის პირობებში, განსაკუთრებით აფხაზეთისა და ცხინვალის რეგიონში მცხოვრებ მოსახლეობაზე, გალში და ახალგორში მცხოვრები ქართველების მიმართ კიდევ უფრო მეტი დისკრიმინაციული ზომები ტარდება და ამ ვითარებაში აუცილებელია საერთაშორისო ყურადღების მაქსიმალურად მობილიზება, კრიტიკულად მნიშვნელოვანია ის, რომ პირველი იყოს ინფორმაცია, მეორე ის, რომ ჩვენ გვქონდეს დღის წესრიგში საერთაშორისო უსაფრთხოების მექანიზმები, მათ შორის ადამიანის უფლებების დაცვის მექანიზმების წვდომის საკითხი. მესამე ის, რომ გადავდგათ კონკრეტული ნაბიჯები ერთის მხრივ რუსეთთან მიმართებაში დეოკუპაციის, ხოლო მეორეს მხრივ იგივე ხალხთა შორის კონტაქტების წახალისებისთვის.“-განაცხადა ქეთევან ციხელაშვილმა.

შეხვედრის დროს გენერალურმა მდივანმა კიდევ ერთხელ გამოხატა მხარდაჭერა მთავრობის სამშვიდობო ინიციატივაზე ,,ნაბიჯი უკეთესი მომავლისკენ“ და მისი განხორციელების გზებით დაინტერესდა. ოკუპირებულ რეგიონში არსებულ ვითარებას და ირაკლი კვარაცხელიას გაურკვეველ ვითარებაში დაღუპვის ფაქტზე სახელმწიფო მინისტრი ასოცირების საბჭოს სხდომაზეც ისაუბრებს.

ამავე თემაზე:

გაეროში კვარაცხელიას გარდაცვალების ფაქტი რუსული ოკუპაციის შედეგად შეაფასეს
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 16 °C
img
ფოთი 17 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.