ახალი ამბები
ევროპარლამენტარები პრემიერს კერზაიას საქმის გამოძიებისკენ მოუწოდებენ
ევროპარლამენტის 6 პარტიის თერთმეტმა დეპუტატმა ზუგდიდის მეექვსე სკოლის გარდაცვლილი დირექტორის ია კერზაიას საქმის გამოძიების მოთხოვნით პრემიერ-მინისტრს მამუკა ბახტაძეს წერილით მიმართა. წერილში მოყვანილია საქმესთან დაკავშირებული რამდენიმე გარემოება, მათ შორის, სამინისტროს მიერ 2018 წლის ნოემბერში, საარჩევნო პერიოდში ჩატარებული ინსპექტირებები, ასევე ISFED-ის ანგარიშში მოცემული ინფორმაცია. ევროპარლამენტარების შეშფოთებას იწვევს ეუთო/ოდირის საარჩევნო სადამკვირვებლო მისიის მიერ გამოქვეყნებული ანგარიში იმის შესახებ, რომ "ოდირის" საარჩევნო სადამკვირვებლო მისიის არაერთი წევრი აცხადებდა, რომ მმართველი პარტია ამ მექანიზმს ზეწოლითა და დაშინებით იყენებდა, განსაკუთრებით საჯარო სექტორში დასაქმებული ადამიანებისა და სახელმწიფო დახმარებაზე მყოფი ჯგუფების მიმართ".

„ჩვენ, ქვემოთ ხელისმომწერი ევროპარლამენტის წევრები, წინამდებარე წერილით გაცნობებთ, რომ ველით დაუყოვნებლივ და საფუძვლიან გამოძიებას პოლიტიკური ზეწოლის საქმეზე, რომელიც ეხება ზუგდიდის მე-6 საჯარო სკოლის დირექტორს ქ-ნ ია კერზაიას, იმ მიზნით, რომ გაირკვეს, თუ რამ გამოიწვია მისი გარდაცვალება 2018 წლის 9 დეკემბერს. როგორც ჩვენთვის ცნობილია, რომ სანამ ქალბატონ კერზაიას ინსულტი განუვითარდებოდა, რამაც მისი მოულოდნელი სიკვდილი გამოიწვია, მან საჯაროდ განაცხადა და ასევე საქართველოს სახალხო დამცველსაც აცნობა, რომ მასზე ხორციელდებოდა ინტენსიური ზეწოლა არჩევნების პროცესში ჩართვის მოთხოვნით, მაშინდელი მმართველი პარტიის მიერ მხარდაჭერილი კანდიდატის და ამჟამინდელი პრეზიდენტის სალომე ზურაბიშვილის სასარგებლოდ... გულწრფელად გვჯერა, რომ საქართველოს მთავრობა ყურადღებით მოეკიდება OSCE/ODHIR-ის საბოლოო ანგარიშში მითითებულ ყველა გამოვლენილ ხარვეზს და ასევე გვჯერა, რომ საქართველოს საუკეთესო ინტერესებისა და მისი დემოკრატიული მომავლისთვის ქ-ნი კერზაიას საქმე სრულად და დროულად იქნება გამოძიებული ქვეყნის პროკურატურისა და სასამართლო ორგანოების მიერ და დამნაშავეები წარდგებიან მართლმსაჯულების წინაშე. ამასთან, საქართველოს განათლების, მეცნიერების, კულტურისა და სპორტის სამინისტრომ კონკრეტულად უნდა ჩამოაყალიბოს სკოლების ინსპექტირების სტანდარტები და მეთოდოლოგია და თავი შეიკავოს წინასაარჩევნო პერიოდში ასეთი მექანიზმის გამოყენებისგან.

ჩვენ, საქართველოს მეგობრები ევროპარლამენტში, ვიმედოვნებთ, რომ საქართველოს მთავრობა უზრუნველყოფს იმას, რომ არც ერთი საჯარო მოხელე აღარ გახდეს არანაირი ზეწოლის მსხვერპლი მომავალი საარჩევნო კამპანიისას და ჩვენ ვფიქრობთ ამ თვალსაზრისით ქ-ნ კერზაიას საქმესთან დაკავშირებული გარემოებებისთვის ნათელის მოფენა უაღრესად მნიშვნელოვანია“, - აღნიშნულია წერილში, რომელიც კერზაიას შვილმა ბაჩანა შენგელიამ ფეისბუქ გვერდზე გამოქვეყნა და მას ხელს ანა გომესი (S&D), მაიკლ გალერი (EPP), რებეკა ჰარმსი (Greens, EFA), ნატალი გრისბეკი (ALDE), ჯული უორდი (S&D), ალინ სმითი (Greens, EFA), ტანია გონსალეს პენია (GUE/NGL), ხოსე ინაციო ფარია (EPP) და ჟან ლამბერტი (Greens, EFA) აწერენ.

წერილი ასევე გაეგზავნა ევროკავშირის საგარეო საქმეთა და უსაფრთხოების პოლიტიკის უმაღლეს წარმომადგენელს და ევროკომისიის ვიცე-პრეზიდენტ ფედერიკა მოგერინის.

ამავე თემაზე:

პროკურატურა: კერზაიას სიკვდილის მიზეზად დანაშაულებრივი ქმედება უნდა გამოიკვეთოს, დაზარალებულად ნათესავი რომ ვცნოთ





Print Email
FaceBook Twitter
რ ე კ ლ ა მ ა
26 მაისს, ზუგდიდში, საქართველოში ყველაზე დიდი აუთლეტ კონცეფციის მაღაზიათა ქსელი "ნავნეს" ახალი ფილიალი გაიხსნა.
ზუგდიდში, სოციალური სახლები ახალი დიზაინით აშენდება.
ზუგდიდში, საქართველოს დამოუკიდებლობის დღისადმი მიძღვნილი ღონისძიებები გაიმართა.
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
დღის სიახლეები
29 / მაისი 2023
აფხაზეთის დე ფაქტო რესპუბლიკის "პრეზიდენტი" ასლან ბჟანია სოხუმის აეროპორტის აღდგენის გეგმების კომენტირებისას რუსეთსა და საქართველოს შორის საჰაერო მიმოსვლის აღდგენას გამოეხმაურა. ამის შესახებ "ეხო კავკაზა" წერს.
29 / მაისი 2023
უკრაინაში რუსეთის მხარეს მებრძოლი აფხაზი მოხალისის დაურ ჭყონიას ცხედარი აფხაზეთში გადაასვენეს. ინფორმაციას დე ფაქტო რესპუბლიკის "საგანგებო სიტუაციების სამინისტრო" ავრცელებს. 35 წლის მამაკაცი
29 / მაისი 2023
26 მაისს, ზუგდიდში, საქართველოში ყველაზე დიდი აუთლეტ კონცეფციის მაღაზიათა ქსელი "ნავნეს" ახალი ფილიალი გაიხსნა.
მთავარი საინფორმაციო გამოშვება
არქივი
ამინდი
ზუგდიდი 27 °C
img
სოხუმი 23 °C
img
ფოთი 24 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.