პოლიტიკა
მარტვილის მერის ყოფილი მოადგილე პოსტიდან მის გადაყენებას მეუფესა და მაჟორიტარს უკავშირებს
მარტვილის მერის უკვე ყოფილი მოადგილე დავით სურმავა თანამდებობიდან მის მოულოდნელ გადაყენებას მეუფე პეტრესა და მარტვილისა და აბაშის მაჟორიტარს ოთარ დანელიას უკავშირებს. სურმავა ამტკიცებს, რომ სწორედ მათი ნება აღასრულა მერმა ალექსანდრე გრიგალავამ.

„მეუფე და ოთარ დანელია მებრძოდნენ და სწორედ მათი დავალებით დაწერა ბრძანება გრიგალავამ. მეუფე 2012 წლიდან იყო ჩემს წინააღმდეგ და დანელია რას მერჩის, არ ვიცი. ფაქტია, რომ ბატონი ალექსანდრე გრიგალავა არაფერ შუაშია. უნდათ, რომ ერთმანეთს დავუპირისპირდეთ, მაგრამ არ მოხდება ეს. ერთად მოვდივართ ჩვენ. ვფიქრობ, რომ მათ დაავალეს გუბერნატორს და გუბერნატორმა გრიგალავას“, - უთხრა რადიო „ათინათს“ სურმავამ.

მისი მტკიცებით, გრიგალავას თანამდებობიდან გათავისუფლების მიზეზი მოადგილისთვის არ უთქვამს, თუმცა ამაზე საუბარი ბოლო სამი დღის განმავლობაში მიმდინარეობდა. სურმავა აღნიშნულ პოსტს, დაახლოებით, წელიწადისა და 4 თვის განმავლობაში იკავებდა.

სურმავას ბრალდებას კატეგორიულად უარყოფს ოთარ დანელია. მაჟორიტარმა რადიო „ათინათს“ უთხრა, რომ შესაძლოა, მას არასწორი ინფორმაცია მიაწოდეს.

„მსგავსი რამ როგორ შეიძლება აზრად მოუვიდეს ადამიანს. ეს ჩვენი კომპეტენცია არ არის და საღ აზრს მოკლებულია. ან მას მიაწოდეს არასწორი ინფორმაცია, რომელიც თქვენ გითხრათ, ან პროვოცირებს. მე მივესალმები ამგვარ ცვლილებებს. სამწუხაროდ, მისი ეს განცხადება არაკომპეტენტურობას უსვამს ხაზს, რადგან, როგორც ჩანს, არ ესმის, ვის რა უფლებამოსილება აქვს, როცა საქმე ეხება ადგილობრივ თვითმმართველობასა და არჩეულ მერს“, - აღნიშნა დანელიამ.

ბრალდებებს უარყოფენ სამხარეო ადმინისტრაციაშიც.

"სახელმწიფო რწმუნებულის და თვითმმართველობის ფუნქციები გაწერილია. მსგავსი გადაწყვეტილების მიღება შეუძლია მხოლოდ მუნიციპალიტეტის მერს. შესაბამისად, ეს არის მერის გადაწყვეტილება და დამატებითი ინფორმაციისთვის შეგიძლიათ მიმართოთ მათ", - უთხრა რადიო "ათინათს" სახელმწიფო რწმუნებულის აპარატის უფროსმა ლევან წულაიამ.

მეუფე პეტრე ჩვენს სატელეფონო ზარებს არ პასუხობს.

სურმავას გათავისუფლების ბრძანებას ხელი მერმა გუშინ 5 აპრილს მოაწერა და ამავე დღეს ახალი მოადგილეები - ვიცე-მერად ალექსადრე ხურცილავა, მეორე მოადგილედ კი აკაკი ხუნწელია დანიშნა.










Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დღის სიახლეები
16 / აპრილი 2024
საქართველოს შსს-ს საინფორმაციო-ანალიტიკური დეპარტამენტის სტატისტიკით, 2019-2023 წლებში სამეგრელო-ზემო სვანეთში ოჯახური ძალადობის მაჩვენებელი 24.3%-ით შემცირებულია.
16 / აპრილი 2024
ზუგდიდის შალვა დადიანის სახელობის თეატრი, რამდენიმე თვეა, სამხატვრო ხელმძღვანელისა და დირექტორის გარეშეა დარჩენილი.
16 / აპრილი 2024
ზუგდიდის მერია განათლების, ძეგლთა დაცვის, კულტურის, სპორტისა და ახალგაზრდულ საქმეთა სამსახურის მიერ დაგეგმილი ღონისძიებების ე.წ ფურშეტისთვის 11 350 ლარს გამოყოფს.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 26 °C
img
სოხუმი 20 °C
img
ფოთი 22 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.