ახალი ამბები
ქეთევან ციხელაშვილი ენგურის ხიდის ჩაკეტვაზე: ახლა მთავარი პრიორიტეტია, რომ მოსახლეობა არ დაზარალდეს
შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, ამ ეტაპზე, მთავარი პრიორიტეტია, რომ ენგურის ხიდზე მიმოსვლის შეზღუდვის გამო მოსახლეობა არ დაზარალდეს და შეზღუდვა მაქსიმალურად მოკლე ვადებში მოიხსნას. მინისტრი განმარტავს, რომ ამისთვის სახელმწიფო უწყება უკვე მუშაობს.

„ახლა მთავარ პრიორიტეტს წარმოადგენს იმ ადამიანების ინტერესზე ზრუნვა, ვინც ყველაზე მეტად ზარალდება. ინტენსიურ რეჟიმში ყველა სტრუქტურასთან ერთად ჩართული ვართ, რომ უკანონო შეზღუდვა მოკლე ვადებში მოიხსნას მაქსიმალურად, რომ არ დაზარალდეს მოსახლეობა, ვმუშაობთ ყველა ფორმალური თუ არაფორმალური არხით ამ საკითხთან დაკავშირებით. ყველაზე მძიმე გამოწვევა და წუხილი, რაც ჩვენს მოსახლეობას აქვს, უკავშირდება ახალგაზრდების გადადგილებას, მათ მონაწილეობას ეროვნულ გამოცდებში. განათლების სამინისტროსთან ერთად ვმუშაობთ იმ სქემაზე, რომ არ ჰქონდეთ პრობლემა გალელ სტუდენტებს საქართველოს კონტროლირებად ტერიტორიაზე უმაღლეს სასწავლებლებში წვდომაზე. მინდა დავაიმედო და დავარწმუნო ყველა, რომ ნამდვილად ყველა ნაბიჯი განსაზღვრული იქნება მათი ინტერესების მიხედვით, მაქსიმუმს გავაკეთებთ, რომ დავეხმაროთ. პოლიტიკურ შეფასებებს გავაკეთებ მოგვიანებით“, - აღნიშნა ციხელაშვილმა.

ოკუპირებულ აფხაზეთში მცხოვრებლებს აფხაზეთის მიმართულებით ენგურის ხიდის გადაკვეთა განსაკუთრებული შეზღუდვების გარეშე შეუძლიათ. გალელები ამბობენ, რომ მათ მოძრაობა მხოლოდ ცალმხრივად შეუძლიათ. ენგურის ხიდზე მიმოსვლა გუშინ საღამოს შეიზღუდა. აფხაზეთის დე ფაქტო რესპუბლიკის სახელმწიფო უსაფრთხოების სამსახურში ამბობენ, რომ ეს ზომები საქართველოში, მათ შორის, ზუგდიდში მიმდინარე საპროტესტო აქციების გამო მიიღეს.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 16 °C
img
ფოთი 17 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.