სოხუმში, ზღვაში კანალიზაციის ჩადინება შეწყდა, წერს გამოცემა „აფსადგილ ინფო“. ამავე ცნობით, პრობლემის გადაჭრა მას შემდეგ მოხერხდა, რაც შეკეთდა სატუმბი, რომელიც საკანალიზაციო ნარჩენების გამწმენდ ნაგებობაში გადაქაჩვას უზრუნველჰყოფდა.

„ჩამოიტანეს ტუმბო, რომელიც კრასნოდარში შეაკეთეს, ჩვენ ის უკვე დავამონტაჟეთ, რის შედეგადაც შეწყდა ნარჩენების ავარიული ჩადინება ზღვაში და ახლა მთელი ნაკადი ქვემო ეშერის გამწმენდ ნაგებობაში გადაიქაჩება“ , - აღნიშნა ქალაქის წყალკანალის მთავარმა ინჟინერმა მერაბ ანქვაბმა.

მისივე თქმით, სექტემბრის შუა რიცხვებში ჩამოოიტანენ სარეზერვო ტუმბოს, რომელიც მოქმედის მწყობრიდან გამოსვლის შემთხვევაში ამოქმედდება.

საკანალიზაციო ნარჩენები ზღვაში, დაახლოებით, ერთი თვის განმავლობაში ჩაედინებოდა.

ამავე თემაზე:

სოხუმის სანაპიროზე ზღვაში კანალიზაცია ავარიულად ჩაედინება