ფრაქცია “ევროპული საქართველოს” თავმჯდომარე ბათლომე შელია ზუგდიდის მერიას საჯარო მოხელეებისთვის ხელფასების ზრდიასთან დაკავშირებით, აკრიტიკებს და ამბობს, რომ ეს გადაწყვეტილება არასწორია. ის მერიის თანამშრომლების ნაწილს "ქართული ოცნების" აქტივისტებს უწოდებს და თვლის, რომ მერია მათ ხელფასებს სწორედ ამის გამო უზრდის.

"არასწორია, რომ პირველ რიგში ხელფასები ეზრდებათ არა, მაგალითად, ბაღის თანამშომლებსა და აღმზრდელებს, არამედ, მერიის თანამშრომლებს, რომელთა უმეტესობა “ქართული ოცნების” აქტივისტია.  ამ ხალხის უმრავლესობა მხოლოდ საარჩევნოდაა მობილიზებული. თქვენ შემცირება უნდა დაიწყოთ სწორედ ასეთი ხალხის”,- აღნიშნა შელიამ.

ოპოზიციონერი დეპუტატის შენიშვნებს ზუგდიდის მერმა გიორგი შენგელიამ უპასუხა.

“მე არ მინდა ამავე პათოსით გიპასუხოთ. ააიპ-ების თანამშრომლების შრომის პირობების მიმართულებით მუშაობა არის შემდგომი ეტაპი. დავიწყებთ რეორგანიზაციის პროცესს და აგვისტოში მსხვილი ააიპ-ებიდან დავიწყებთ”, - აღნიშნა შენგელიამ.


ამავე თემაზე:

წოწერია: მივიღეთ გადაწყვეტილება, არ მოვუმატოთ ხელფასი პოლიტიკური თანამდებობის პირებს