მათი განმარტებით, საორგანიზაციო ჯგუფს მცდელობა არ დაუკლია დაკავებულთა დასახმარებლად. რადიო „ათინათი“ ფესტივალის გუნდის განცხადებას უცვლელად გთავაზობთ.

საჭიროდ მიგვაჩნია, ფესტივალმა დააფიქსიროს საკუთარი პოზიცია 22-იდან 25 აგვისტოს ჩათვლით ფესტივალის ტერიტორიაზე და მიმდებარედ დაკავებული 16 ადამიანის (3 ძარცვის შემთხვევა, 13 ნარკოტიკულ ნივთიერებებთან დაკავშირებული შემთხვევა) საკითხთან დაკავშირებით. მათგან 13 უკვე გათავისუფლდა. სრული პასუხისმგებლობით ვაცხადებთ, რომ Echowaves-ის საორგანიზაციო ჯგუფს მცდელობა არ დაუკლია დაკავებულთა დასახმარებლად და, გარკვეულ შემთხვევებში, შედეგიანადაც. ფესტივალის გუნდი თანადგომას უცხადებს დაკავებულ 3 ადამიანს. რაც შეეხება ამ დროისათვის წინასწარი დაკავების იზოლატორში მყოფთა დასახმარებლად სოციალურ მედიაში მიმდინარე კამპანიას: წინასწარი დაკავების იზოლატორში მყოფთ არ გააჩნიათ საკმარისი ფინანსური რესურსები გირაოს გადასახდელად. თუკი გსურთ, დაეხმაროთ დაკავებულებს, შეგიძლიათ თანხა გაიღოთ შემდეგ ანგარიშის ნომრებზე: საქართველოს ბანკი: GE42BG0000000047075900GEL თიბისი ბანკი : GE28TB7880845061100086 Paypal: This e-mail address is being protected from spambots. You need JavaScript enabled to view it პირადი ნომერი: 60001147134 მიმღები პირი: ზურა ნიჟარაძე დანიშნულებაში მიუთითეთ, თუ ვის ურიცხავთ თანხას. #გუგასთვის #გიორგისთვის #თაკოსთვის მითითების გარეშე ჩარიცხული თანხა თანაბრად გაიყოფა სამივე დაკავებულზე“, - ნათქვამია გავრცელებულ განცხადებაში.

შს სამინისტროს ინფორმაციით, ფესტივალის მიმდებარედ, სხვადასხვა დანაშაულისთვის 16 პირი დააკავეს, მათ შორის 13  ნარკოტიკული საშუალების უკანონოდ შეძენა-შენახვის, ხოლო 3 - ქურდობის ბრალდებით.