ახალი ამბები
მესტიაში შშმ პირთათვის სარეაბილიტაციო ცენტრი გაიხსნა (ვიდეო)
მესტიაში შეზღუდული შესაძლებლობის მქონე პირთათვის სარეაბილიტიო ცენტრი გაიხსნა, რომელიც 100-ზე მეტ ბენეფიციარს მოემსახურება.

გახსნის ცერემონიალს საქართველოში იაპონიის ელჩი ტადაჰარუ უეჰარა, მესტიის მუნიციპალიტეტის მერი კაპიტონ ჟორჟოლიანი და ორგანიზაცია "ერთად რეალური ცვლილებებისთვის" გამგეობის თავმჯდომარე ნანა ლომაძე, ადგილობრივ მოსახლეობასთან ერთად ესწრებოდნენ.
ნანა ლომაძის თქმით, აღნიშნულ ცენტრში ბენეფიციარები სხვადასხვა მომსახურებას მიიღებენ.

"ჩვენი ცენტრი მომსახურებას მიაწოდებს ადგილობრივ ბენეფიციარებს ხუთი მიმართულებით. ესენია: ადრეული დღის ცენტრის პროგრამა, აბილიტაცია, რეაბილიტაციის პროგრამა, ზრდასრულების რეაბილიტაცია და შინმოვლა. თითქმის ყველა სეგმენტი, ყველა შეზღუდვის მქონე პირია გათვალისწინებული ჩვენს სერვისში. ეს პროექტი არის ძალიან მნიშვნელოვანი, რადგან არ მოხდეს მაღალმთიანი რეგიონებიდან მოსახლეობის გადინება იმის გამო, რომ ბავშვს სჭირდება გარკვეული სერვისი, ამიტომ, ადგილზევე მოვიტანეთ ეს სერვისები. კადრებიც არის მაღალკვალიფიციური, უკვე ექვსი თვეა გადამზადებას გადიან. სვანეთი შევარჩიეთ სახალხო დამცველის თხოვნით. გვთხოვეს გავცნობოდით სიტუაციას და მიგვექცია ყურადღება ამ რეგიონისთვის. მოგეხსენებათ, ჩვენი ორგანიზაცია ორიენტირებულია რეგიონების გაძლიერების კუთხით. ინფრასტრუქტურული პროექტი დაფინანსებულია იაპონიის საელჩოს მიერ. რაც შეეხება შიდა აღჭურვას და კადრების გადამზადებას, ბულგარეთის საელჩომ დააფინანსა", - აღნიშნა ლომაძემ.

არასამთავრობო ორგანიზაცია "ერთად რეალური ცვლილებებისთვის" პროექტის განხორციელებაში გარდა იაპონიისა და ბულგარეთის საელჩოებისა, ადგილობრივი ხელისუფლებაც დაეხმარა.

საქართველოში იაპონიის ელჩის ტადაჰარუ უეჰარას განცხადებით, გრანტი, რომელიც იაპონიამ გამოყო, რეგიონების განვითარებას ემსახურება.

„ძალიან დიდ მადლობას გიხდით და ბედნიერი ვარ, რომ აქ სვანებთან ერთად ლამაზ გარემოში, ღია ცის ქვეშ ვიმყოფები. იაპონელი ხალხის მიერ წარმოდგენილი გრანტი ემსახურება საქართველოს რეგიონების განვითარებას და ადგილობრივების ცხოვრების გაუმჯობესებას. მე ამაყი და ბედნიერი ვარ, რომ ამ მცირე საჩუქრის გადაცემის საშუალება მომეცა სვანეთის მოსახლეობისთვის. ეს არის რეაბილიტაციის პირველი ცენტრი სვანეთის რეგიონში და იმედი მაქვს, რომ კარგად მოემსახურება ადგილობრივ მოსახლეობას. მინდა კიდევ ერთხელ აღვნიშნო და მადლიერება გამოვხატო მესტიის მერის კაპიტონ ჟოჟოლიანისა და ნანა ლომაძის მიმართ, რადგან მათ მცდელობამ წარმოშვა ეს პროექტი. მე იმედი მაქვს, რომ მომავალშიც გავაგრძელებთ ნაყოფიერ თანამშრომლობას“, - ამბობს ტადაჰარუ უეჰარა.

მესტიის მერის პირველი მოადგილის ნელი ნავერიანის თქმით, მუნიციპალიტეტისთვის ცენტრის არსებობა მნიშვნელოვანია და დახმარებას მომავალშიც გააგრძელებენ.

„ძალიან მნიშვნელოვანია, რომ ჩვენს რეგიონში გაიხსნა სარეაბილიტაციო ცენტრი. ჩვენ ამაყები ვართ, რომ პირველად ჩვენთან გაიხსნა ასეთი მნიშვნელობის მქონე ცენტრი და ზოგადად, ვფიქრობ, რომ ერის კულტურა განისაზღვრება იმით, თუ როგორ ზრუნავს  შეზღუდული შესაძლებლობების მქონე პირებზე. მერია უზრუნველყოფს კომუნალური გადასახადის გადახდას და მომსახურე პერსონალის ხელფასების თანადაფინანსებას. ვფიქრობთ, რომ ამ ეტაპზე რისი გაკეთებაც შეგვეძლო, გაკეთებულია, თუმცა დახმარება გაგრძელდება ბიუჯეტის ზრდასთან ერთად, ბუნებრივია. ცენტრის მიმდებარედ იგეგმება ატრაქციონების მოწყობა“ - თქვა ნავერიანმა.

„გრასრუტების საგრანტო პროგრამა“ დახმარებას უწევს შედარებით მცირემასშტაბიან პროექტებს და მიზნად ისახავს საქართველოს მოსახლეობის ცხოვრების დონის გაუმჯობესებას და განათლებისა და კულტურის ხელშეწყობას. საგრანტო პროგრამა ხორციელდება ისეთ სფეროებში, როგორებიცაა საზოგადოებრივი ჯანდაცვა, განათლება, სოციალური დაცვა, სოფლის მეურნეობა, გარემოს დაცვა, სიღარიბის დაძლევა და კულტურა. 1998 წლიდან დღემდე, ამ პროგრამის ფარგლებში, საქართველოში დაფინანსდა 170 პროექტი, რომელთა საერთო ღირებულებამ 17 171 529 აშშ დოლარი შეადგინა.



Print Email
FaceBook Twitter
რ ე კ ლ ა მ ა
საქველმოქმედო ჰუმანიტარული ცენტრი "აფხაზეთი" (CHCA) 28 ოქტომბერს ზუგდიდში, ბოტანიკური ბაღის მიმდებარე ტერიტორიაზე დასაქმების ფესტივალს გამართავს.
ცქვიტიშვილების უბანში საავტომობილო გზის რეაბილიტაცია დაიწყო. პანდემიის მიუხედავად ჩხოროწყუს მუნიციპალიტეტში საგზაო ინფრასტრუქტურის მოწყობა არ შეჩერებულა.
ჩხოროწყუს მუნიციპალიტეტში კორონავირუსის გავრცელების პრევენციის მიზნით სადეზინფექციო სამუშაოები გრძელდება.
კორონავირუსი
რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 223 ნიმუშებიდან 66-ზე დადებითი პასუხია.
დღეს ქუთაისის ინფექციურ საავადმყოფოში კორონავირუსით ინფიცირებული ორი პაციენტი გარდაიცვალა.
მოსწავლეებისა და მასწავლებლის დაინფიცირების გამო ზუგდიდის აკაკი წერეთლის სახელობის პირველი საჯარო სკოლა სწავლების ონლაინ რეჟიმზე გადავიდა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
22 / ოქტომბერი 2020
შინაგან საქმეთა მინისტრმა "საქართველოს ბანკის" ზუგდიდის ფილიალზე შეიარაღებული თავდასხმის შესახებ ისაუბრა.
22 / ოქტომბერი 2020
საქართველოს შინაგან საქმეთა მინისტრმა ზუგდიდში "საქართველოს ბანკზე" თავდასხმის საქმესთან დაკავშირებით, ჟურნალიტების კითხვებს უპასუხა. ვახტანგ გომელაურის თქმით,
22 / ოქტომბერი 2020
საქველმოქმედო ჰუმანიტარული ცენტრი "აფხაზეთი" (CHCA) 28 ოქტომბერს ზუგდიდში, ბოტანიკური ბაღის მიმდებარე ტერიტორიაზე დასაქმების ფესტივალს გამართავს.
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 21 °C
img
ფოთი 21 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.