წალენჯიხაში, ფახულანი - საბერიოს ადმინისტრაციულ საზღვართან სამოქალაქო მოძრაობა "ხმას" ორგანიზებით აქცია გაიმართა. მისი მონაწილეები რუსულ ოკუპაციას აპროტესტებენ და ქართველი ექიმის ვაჟა გაფრინდაშვილის გათავისუფლებას ითხოვენ. აქციის ერთ-ერთი ორგანიზატორის ირაკლი ქარჩავას თქმით, ახალგაზრდები აქ იმიტომ შეიკრიბნენ, რომ დაგმონ ის რეჟიმი, რომელიც საქართველოს მოქალაქეებს საკუთარ ქვეყანაში სჯის და ასამართლებს.

აქციის მონაწილეებს ხელში ეჭირათ ევროკავშირისა და საქართველოს დროშები და ტრანსპარანტები შემდეგი წარწერებით: " „სოლიდარობა ვაჟა ექიმს!" "აფხაზეთი - საქართველოა!", "რუსეთი ოკუპანტია!" და სხვ. სამოქალაქო აქტივისტებმა საზღვართან მცხოვრებ ბავშვებს საჩუქრებიც დაურიგეს.

აქციის მონაწილეებმა ფახულანიდან საბერიომდე ველომარათონი მოაწყეს.