ახალი ამბები
USAID-მა წალენჯიხელი ფერმერისგან შეძენილი ვარდები მედპერსონალს გადასცა (ფოტო/ვიდეო)
ამერიკის შეერთებული შტატების საერთაშორისო განვითარების სააგენტოს თანამშრომლებმა წალენჯიხის სოფელ ფახულანში მდებარე სათბურიდან, რომელიც სწორედ USAID -ის ფინანსური მხარდაჭერით დაფუძნდა, რამდენიმე ასეული ვარდი შეიძინეს.

ორგანიზაციის განმარტებით, ამ სახით მათ მხარი დაუჭირეს სათბურის მფლობელს, ნიაზ შონიას, რადგან მისი საქმიანობა, ისევე როგორც ბევრი სხვა ბიზნესი, კორონავირუსის პანდემიის გამო პრობლემის წინაშე აღმოჩნდა. კამპანიის ფარგლებში ნაყიდი ყვავილები სასწრაფო-გადაუდებელი დახმარების თანამშრომლებს, ასევე ზუგდიდის ინფექციური საავადმყოფოს, რეფერალური ჰოსპიტალისა და რუხის მულტიფუნქციური კლინიკის მედპრესონალს გადაეცა.

"USAID-მა ეს ლამაზი ვარდები სამეგრელოში მდებარე სათბურიდან შეიძინა, რომლიც USAID-ის პროგრამა “ზრდა”-ს მიერ მხარდაჭერილი ბიზნესია. ამ პროგრამის ფარგლებში ხელს ვუწყობთ სოფლის ეკონომიკურ გაძლიერებას საქართველოში. მრავალი სხვა ბიზნესის მსგავსად, ეს ბიზნესიც ეკონომიკური გამოწვევების წინაშე დადგა კორონავირუსის პანდემიის დროს. USAID-ი ამ ლამაზ ვარდებს ზუგდიდის საავადმყოფოების სამედიცინო პერსონალს ჩუქნის, სადაც დღე და ღამე მუშაობენ ექიმები და მედდები, რათა უმკურნალონ კორონავირუსით დაავადებულებს და ასევე სხვა პაციენტებს. ამ ვარდებით მადლობას ვუხდით არამარტო ზუგდიდის საავადმყოფოების სამედიცინო პერსონალს, არამედ ყველა ექიმს მთელ საქართველოში. ჩვენი პარტნიორობის ფარგლებში საქართველოში, სხვადასხვა სახის მხარდაჭერას ვახორციელებთ, მათ შორის გადაუდებელ სამედიცინო დახმარებას. ვემზადებით პანდემიის შემდგომ პერიოდისთვისაც და ეკონომიკის აღდგენისთვის მთელს საქართველოში, რაც მარტო თბილისს, ბათუმს და სხვა დიდ ქალაქებს არ მოიცავს. 90-იანი წლებიდან, უკვე თითქმის 30 წელია გრძელდება USAID-ის პარტნიორობა საქართველოსთან - მთავრობასთან, კერძო სექტორთან, სამოქალაქო საზოგადოებასა და რაც ყველაზე მნიშვნელოვანია საქართველოს მოსახლეობასთან. პარტნიორობა გრძელდება დღესაც, როცა საქართველოს მოსახლეობას კორონავირუსის პანდემიასთან გამკლავებაში ვეხმარებით და გაგრძელდება და გაიზრდება მომავალშიც. კიდევ ერთხელ, ვსარგებლობთ რა დღევანდელი შესაძლებლობით, გვსურს დიდი მადლობა გადავუხადოთ საქართველოს სამედიცინო პერსონალს", - აღნიშნა USAID-საქართველოს მისიის დირექტორმა პიტერ ვიბლერმა.
ამერიკის შეერთებული შტატების საერთაშორისო განვითარების სააგენტო საქართველოში 1992 წლიდან მუშაობს. USAID-ის პროგრამები ხელს უწყობს ეკონომიკის ზრდას, დემოკრატიული ინსტიტუტების განვითარებას, ენერგო უსაფრთხოების გაძლიერებას, კლიმატური ცვლილებების შემცირებას, განათლების სისტემის გაუმჯობესებას, უმცირესობების და ხელმოკლე მოსახლეობის, მათ შორის ეთნიკურ და გეოგრაფიულ საზღვრებთან მცხოვრებ პირთა საზოგადოებაში ინტეგრაციას.



Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
21 / ივნისი 2024
ძლიერი წვიმის შედეგად  წალენჯიხის რამდენიმე უბანში დაიტბორა საკარმიდამო მიწის ნაკვეთები და ჩამოირეცხა შიდა საუბნო გზები.
21 / ივნისი 2024
ხელოვნებისა და ტურიზმის განვითარების ცენტრ "ოდიშის" ორგანიზებით ზუგდიდში ფესტივალი "არტ-კოლხი" ჩატარდება.
21 / ივნისი 2024
ზუგდიდში, მუნიციპალიტეტის სკოლამდელ სააღმზრდელო დაწესებულებათა მართვის ცენტრს დაქვემდებარებულ ბაღებში აღსაზრდელების რეგისტრაცია 1 აგვისტოდან დაიწყება და 15 სექტემბერს დასრულდება. ამის შესახებ ინფორმაცია
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 21 °C
img
ფოთი 22 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.