გაეროს განვითარების პროგრამამ სოხუმში ჰუმანიტარული დახმარების მორიგი, მეოთხე პარტია ჩაიტანა. ამჯერად, ეს არის 940 დამცავი კომბინეზონი, 920 სამედიცინო ხალათი,

900 წყვილი ნიტრილის ხელთათმანი, 4 500 სამედიცინო ჩაჩი, 1 000 ბახილი და 180 ლიტრი სადეზინფექციო ხსნარი. ტვირთი გუდაუთის საავადმყოფოს გადასცეს, რომელშიც კოვიდინფიცირებულ პაციენტებს მკურნალობენ, წერს "აფსნიპრესი".

"პაციენტების Covid – 19 გან უსაფრთხო მკურნალობისთვის აუცილებელია დამცავი საშუალებების მნიშვნელოვანი მარაგი. გამომდინარე იქიდან, რომ გუდაუთის ჰოსპიტალი Covid-19 - ის შემთხვევებზე რეაგირების ცენტრშია, გაეროს განვითარების პროგრამა მზადაა დააკმაყოფილოს სამედიცინო დაწესებულება საჭირო მარაგით, ასევე გადაანაწილოს ჰიგიენის საშუალებები მაღალი რისკის ჯგუფებში ვირუსის შემდგომი გავრცელების თავიდან ასაცილებლად ", - თქვა  საქართველოში გაეროს განვითარების პროგრამის მუდმივმა წარმომადგენელმა ლუიზა ვინტონმა.

ამავე ცნობით, პანდემიის დასაწყისიდან დღემდე ოკუპირებული აფხაზეთისთვის გაეროს განვითარების პროგრამის დახმარებამ 103 000 აშშ დოლარი შეადგინა.


ამავე თემაზე:

გაეროს განვითარების პროგრამამ სოხუმში 40 000 ევროს ღირებულების ჰუმანიტარული ტვირთი ჩაიტანა