ახალი ამბები
ბაჩანა შენგელია: იუსტიციის სამინისტრომ სანოტარო საქმიანობა ფეისბუქ-პოსტების გამო შემიზღუდა
ნოტარიუსი ბაჩანა შენგელია, სოციალურ ქსელში იუსტიციის სამინისტროს გენერალური ინსპექციის 24 ივნისით დათარიღებულ წერილს აქვეყნებს, რომელიც, როგორც თვითონ განმარტავს, მას 29 ივნისს ჩაბარდა. დოკუმენტით ირკვევა, რომ შენგელიას მიმართ დისციპლინური წარმოება ფეისბუქზე გამოქვეყნებული შეხედულებების გამო არის დაწყებული. 

“გენერალური ინსპექციის სამსახურებრივი შემოწმების სამმართველოს თანამშრომლის მიერ გადამოწმდა თქვენი, როგორც ნოტარიუს ბაჩანა შენგელიას facebook გვერდზე საჯაროდ გამოქვეყნებული ინფორმაცია (შემოწმდა ბოლო ერთთვიანი პერიოდი). შედეგად დადგინდა, რომ თქვენ – ნოტარიუსი ბაჩანა შენგელია საჯარო სოციალური გვერდის მეშვეობით ახორციელებდით მიკერძოებული პოლიტიკური შეხედულების საჯაროდ გამომჟღავნებას და აკეთებდით პოლიტიკურ შეფასებებს”,- ნათქვამია იუსტიციის სამინისტროს წერილში. 

როგორც ბაჩანა შენგელიამ რადიო "ათინათს" უთხრა, მან არ იცის სოციალურ ქსელში გამოქვეყნებულ რომელ მის პოსტზეა საუბარი. ამავდროულად ის მიიჩნევს, რომ იუსტიციის მინისტრის მიერ დისციპლინური პასუხისმგებლობის დებულებაში შეტანილი ცვლილება, რომლის მიხედვითაც, ნოტარიუსს დისციპლინურ გადაცდომად ეთვლება პოლიტიკური ნეიტრალიტეტის პრინციპის დარღვევა, სწორედ მას  უკავშირდება.

"ხელისუფლებამ, როგორც ჩანს, გადაწყვიტა ჩემი სამსახურიდან გათავისუფლება. აღმოჩნდა, რომ ერთი თვეა მიმდინარეობს მონიტორინგი და ჩათვალეს, რომ არ ვარ პოლიტიკურად ნეიტრალური. შესაბამისად, ეს წერილიც უკვე დაწყებული დისციპლინური წარმოების გაგრძელებაა, რომლის საბოლოო მიზანიც არის ერთი - უკვე პოლიტიკურად აშკარად მოტივირებული, იმიტომ, რომ თვითონვე უწერიათ, რომ პოლიტიკურად არ მოეწონათ რაღაცეები. თუ კანონით დავიწყებთ საუბარს, რა თქმა უნდა კონსტიტუციით და დისკრიმინაციის ყველა ფორმის აღმოფხვრის შესახებ კანონით არ შეიძლება ჩემი პოლიტიკური შეხედულების გამო რამე სახის დევნა ან სამსახურებრივი პრობლემის შექმნა. ერთადერთია ბრძანება იუსტიციის მინისტრის, რომელიც ვხედავ რა მიზნითაც მიიღეს ერთი თვის უკან და ჩაწერეს, რომ პოლიტიკური ნეიტრალიტეტის პრინციპის დარღვევა ითვლება ნოტარიუსის დარღვევად. ჩემი სახელობის ბრძანებაა, ჩემზე გათვლილი, სამწუხაროდ შეიძლება ასე ითქვას. თუმცა, პოლიტიკური ნეიტრალიტეტი რას ნიშნავს ეს ერთი არავინ იცის, მეორე დარღვევა რაში გამოიხატა, რადგან სამსახურებრივ საქმიანობაში არაფერი გამომივლენია და რაღაცეებზე ჩემი შეხედულება თუ მაქვს და არჩევნებში ხელისუფლებას არ ვაძლევ ხმას - ეს არ ნიშნავს, რომ მე პოლიტიკურად არანეიტრალური ვარ. ასე რომ, სამართლებრივი საფუძველი თავისივე ბრძანება არის, იუსტიციის მინისტრის, თუმცა კონსტიტუცია და კანონი, რა თქმა უნდა, საწინააღმდეგოს ამბობს, - გვითხრა შენგელიამ.

მანამდე, 19 ივნისს, მისი ინფორმაციით, წინასწარი გაფრთხილების გარეშე, იუსტიციის სამინისტრომ ქსელიდან გამორთო პროგრამა, რომლითაც ის სანოტარო საქმიანობას ახორციელებდა. ბაჩანა შენგელია აღნიშნულ გადაწყვეტილებას მისი დედის, ზუგდიდის მე-6 საჯარო სკოლის გარდაცვლილი დირექტორის ია კერზაიას საქმეს უკავშირებს, რომელზეც სარჩელი სტრასბურგის სასამართლოში აქვს გაგზავნილი.















Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერია, ზაზა გოგოხიას ოთხსულიან ოჯახს საცხოვრებელ სახლს აუშენებს.
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
კორონავირუსი
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში დღეის მონაცემებით 102 პირი იმყოფება.
ზუგდიდის საზოგადოებრივი ჯანდაცვის ცენტრის ინფორმაციით, ინფექციური საავადმყოფოს ლაბორატორიაში გასული 24 საათის განმავლობაში 185 პირის ბიოლოგიური ნიმუში გამოიკვლიეს.
ზუგდიდის საზოგადოებრივი ჯანდაცვის ცენტრის ინფორმაციით, გუშინ ინფექციური საავადმყოფოს ლაბორატორიაში 255 პირის ბიოლოგიური ნიმუში გაიტესტა. მათ შორის არიან რეგიონში არსებული ცხელების კლინიკების პაციენტები, მედპერსონალი,
საზოგადოება
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
2020 წლის ერთიანი ეროვნული გამოცდები 6 ივლისს დაიწყება და 25 ივლისს დასრულდება. დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების შესაბამისად,
დღის სიახლეები
06 / ივლისი 2020
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი სვანეთში, ხაიშის თემის სოფელ იდლიანში იმყოფება, სადაც უკვე მეორე დღეა ტყეში გაჩენილი ხანძრის სალიკვიდაციო
06 / ივლისი 2020
საოკუპაციო ძალების მიერ 3 ივლისს დაკავებული 21 წლის ახალგაზრდა გაათავისუფლეს. მისი ოჯახის ინფორმაციით,
06 / ივლისი 2020
მესტიის სოფელ იდლიანში, ტყეში გაჩენილი ხანძარი თანდათან დასახლებულ ტერიტორიას უახლოვდება და საკარმიდამო ნაკვეთებამდე 200-300 მეტრია დარჩენილი.
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 23 °C
img
სოხუმი 25 °C
img
ფოთი 25 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.