ფოთში ძლიერი წვიმის შედეგად დატბორილ ქუჩებზე გადაადგილება უჭირთ, როგორც ქვეითად მოსიარულეებს, ისე მსუბუქ ავტომობილებს.
ადგილობრივების ინფორმაციით, წყალმა სახლებშიც შეაღწია და ეს პრობლემა ყოველი უხვი ნალექის დროს იჩენს თავს.
![](/images/temp/2020/07/10/71b2aece3592f310d780e14510ca2e46.jpg)
„როგორც კი ძლიერად მოწვიმს, მაშინვე იტბორება გარშემო ყველაფერი. გადაადგილება პრაქტიკულად შეუძლებელია. არაერთხელ მივმართეთ მერიას, მაგრამ როგორც
ხედავთ ამ დრომდე არაფერი გაკეთებულ“, - ამბობენ ადგილობრივები.
„წლებია ეს პრობლემა დგას და ამ დრომდე ვერ გვარდება. ყოველი უხვი ნალექის მოსვლას შიშით ველოდებით. ხელისუფლებამ ეს საკითხი ოდესღაც ხომ უნდა გადაჭრას?“- აცხადებს ერთ-ერთი ადგილობრივი.
მერიაში ამბობენ, რომ ყველა სატუმბი სადგური უწყვეტ რეჟიმში მუშაობს და ქუჩების დატბორვა უხვმა ნალექმა გამოიწვია.
მასალის გამოყენების პირობები