ახალი ამბები
წალენჯიხის საკრებულოს თავმჯდომარეს პატიმრობა შეეფარდა
წალენჯიხის საკრებულოს თავმჯდომარეს თემურ ღვინჯილიასა და საკრებულოს აპარატის წევრს მათე ღვინჯილიას აღკვეთის ღონისძიების სახით პატიმრობა შეეფარდა. აღნიშნული გადაწყვეტილებით მოსამართლემ გაიზიარა პროკურატურის შუამდგომლობა. რაც შეეხება დაკავებულების უფლებადამცველებს, მათ სასამართლოს 100 ათასი ლარის ოდენობით გირაოს შეფარდების შუამდგომლობით მიმართეს.

"სასამართლომ გაიზიარა ბრალდების მხარის პოზიცია სრულად, ბრალდებულების მიმართ პატიმრობის გამოყენების შესახებ. დასაბუთებული და მითითებული იყო საფრთხეებზე, რაც გულისხმობს ერთის მხრივ დანაშაულის ჩადენას მომავალშიც, მტკიცებულებათა განადგურების საფრთხეზე მივუთითეთ, ასევე გამოუცხადებლობასა და ბრალდებულების შესაძლო მიმალვაზე, რაც გამომდინარეობდა საქმეზე შეკრებილი მტკიცებულებებით და დასაბუთებული ვარაუდის საფუძველზე. გამოძიება გრძელდება და მიმდინარეობს იმ კუთხითაც, რომ დადგინდეს როგორც მომწოდებლები, ასევე ის პირები, ვისთანაც უნდა მოეხდინათ რეალიზაცია", - უთხრა ჟურნალისტებს პროკურორმა მირანდა წერეთელმა.

ბრალდებულების ადვოკატი ანჟელა ჯობავა მოსამართლის გადაწყვეტილებას არ ეთანხმება და ამბობს, რომ სასამართლომ უკიდურესი ზომა მხოლოდ იმის გამო გამოიყენა, რომ დაკავებულები საჯარო მოხელეები არიან. 

ფინანსთა სამინისტროს საგამოძიებო სამსახურმა თემურ და მათე ღვინჯილიები ჯგუფურად, მარკირებას დაქვემდებარებული განსაკუთრებით დიდი ოდენობით უაქციზო სიგარეტის გადაზიდვის ფაქტზე დააკავა.

გამოძიება საქართველოს სისხლის სამართლის კოდექსის მე-200 მუხლის მე-2 და მე-3 ნაწილებით მიმდინარეობს, რაც სასჯელის სახით ითვალისწინებს თავისუფლების აღკვეთას ექვსიდან რვა წლამდე ვადით.

თემურ ღვინჯილია დანაშაულს არ აღიარებს და ამბობს, რომ ის სამსახურებრივი მანქანით კონტრაბანდული სიგარეტის გადაზიდვის შესახებ ინფორმირებული არ იყო. ამასთან, მისი ადვოკატის განმარტებით, საკრებულოს თავმჯდომარე მას უყვება, რომ მანქანა თანმხლებს, ამჟამად ამავე ბრალდებით დაკავებულ საკრებულოს აპარატის თანამშრომელს ათხოვა და ორივე სოფელ ფახულანში, უკანა გზაზე სამართალდამცავებმა აიყვანეს.

Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
24 / ივნისი 2024
დააკავეს ფსოუს ე.წ. საგუშაგოსთან მომხდარ მკვლელობაში ეჭვმიტანილები ფსოუზე, ე.წ. საგუშაგოს ზონასთან მომხდარ მკვლელობაში ეჭვმიტანილები დააკავეს, ინფორმაციას ოკუპირებული აფხაზეთის ე.წ. პროკურატურა ავრცელებს.
24 / ივნისი 2024
გარემოს ეროვნული სააგენტოს ინფორმაციით, 25 ივნისის დღის ბოლოდან 26 ივნისის დღის ბოლომდე საქართველოში მოსალოდნელია დროგამოშვებით წვიმა ელჭექით და დასავლეთის მიმართულების ძლიერი ქარი.
24 / ივნისი 2024
გაგრის “პროკურატურამ” სისხლის სამართლის საქმე აღძრა ფსოუს ე.წ. საგუშაგოს ზონასთან რუსეთის მოქალაქის მკვლელობის საქმეზე. რუსული „ტასი“ იუწყება ამის შესახებ, დე ფაქტო რესპუბლიკის „გენერალურ პროკურატურაზე“ დაყრდნობით.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 30 °C
img
სოხუმი 28 °C
img
ფოთი 26 °C
img
მესტია 21 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.