ახალი ამბები
"ათინათმა" ფოტოკონკურსის გამარჯვებულები გამოავლინა
რადიო "ათინათის" კონკურსი "ზაფხული აფხაზეთში - ფოტოები საოჯახო არქივიდან" დასრულდა. გამარჯვებულები ორ კატეგორიაში გამოვლინდნენ. კონკურსის პირობების შესაბამისად, მთავარი პრიზის მფლობელი მადონა მენაღარიშვილი გახდა და მას საჩუქრად ფულადი პრიზი - 500 ლარი გადაეცემა.

"ათინათის" ხშირი მსმენელი ვარ, ყოველთვის ვადევნებ თვალს მის ფეისბუქ გვერდსაც. როდესაც გამოაქვეყნდა ფოტოკონკურსის შესახებ პოსტი, მაშინვე დავინტერესდი. მე აფხაზეთიდან ვარ და იქ გადაღებული ბევრი ფოტო მაქვს არქივში. სურათი, რომელიც გამოვაგზავნე, გადაღებულია ჩემს მშობლიურ ქალაქ სოხუმში. ფოტოზე ვართ მე, დაახლოებით,7-8 წლის, ჩემი ძმა, დედა, მამა და ჩვენი ნათესავი. ეს სურათი მახსენებს მთელს ჩემს ბავშვობას, რომელიც გავატარე სოხუმში. ახლა, როცა აფხაზეთიდან დევნილი გავხდი, მხოლოდ ეს ფოტოები დამრჩა, რომელიც ჩემთვის ძალიან ძვირფასია. თქვენი ფოტოკონკურსის შესახებ რომ გავიგე, ხელახლა გადავათვალიერე ალბომი. უღრმესი მადლობა ამ ძალიან საინტერესო იდეისთვის. გადავავლე თვალი სხვა მონაწილეების ფოტოებსაც, რომლებმაც თბილად გამახსენა ადრეული წლები", - აღნიშნა მანანა მენაღარიშვილმა.

რაც შეეხება "ათინათის" რჩეულ კონკურსანტს, ის ლუკა ჯღარკავა გახდა, რომელიც 200 ლარს და სასტუმრო "ლეთოს" მიერ დაწესებულ პრიზს მიიღებს. 

"ფოტოკონკურსის შესახებ რადიოს გვერდიდან გავიგე, ("ათინათის" ნიუსებს დიდი ხანია აქტიურად ვადევნებ თვალს და ვენდობი). მე აფხაზეთიდან ვარ და გავეცანი თუ არა კონკურსის წესებს, გადავწყვიტე, მონაწილეობა მიმეღო, ბედი მეცადა და თან ჩემი ოჯახის პატარა ისტორიაც გამეცნო საზოგადოებისათვის. ასევე, რა თქმა უნდა, წამახალისა პრიზებმაც. ვიცოდი, რომ ჩემი ოჯახი ხშირად დადიოდა გაგრაში, სოხუმში, ბიჭვინთაში და რამდენიმე ისეთი ფოტო, რომელიც კონკურსის შესაბამისი იყო, ჩემს საოჯახო ალბომში აუცილებლად მოიძებნებოდა. შევარჩიე მათგან, ჩემი აზრით, საუკეთესო - მამისა და მამიდის სურათი გაგრაში, ზღვის ხედით... ძალიან ბავშვური, ფერადი, ნოსტალგიური, ისეთი, როგორიც ბევრს ახსოვს აფხაზეთი. როცა მამას და მამიდას ამის შესახებ ვუთხარი, ძალიან გაუხარდათ და მგულშემატკივრობდნენ. მინდა ვისარგებლო შემთხვევით და მადლობა გადავუხადო რადიო "ათინათს", რადგან საშუალება მოგვცა ადამიანური გრძნობების გამომჟღავნებისა და ძველი ნაცნობების პოვნის. კონკურსის მიმდინარეობისას ძალიან ბევრმა ნაცნობმა, ნათესავმა, მამის და მამიდის მეგობარმა მომწერა და გაიხსენა ძველი წლები. ვფიქრობ, ალბათ, ერთ-ერთი მიზანი ამ ფოტოკონკურსის სწორედ ეს იყო და "ათინათს" ეს მშვენივრად გამოუვიდა", - ამბობს ლუკა ჯღარკავა.

კონკურსი რადიო "ათინათის" ფეისბუქ გვერდზე ერთი თვის განმავლობაში გრძელდებოდა და მასში მონაწილეობა 40-მდე კონკურსანტმა მიიღო.

ფოტოკონკურსის სპონსორები იყვნენ ბენზინგასამართი სადგურების ქსელი "გეკო", მიკროსაფინანსო ორგანიზაცია "ლაზიკა კაპიტალი", ბუტიკ-სასტუმრო "ლეთო", თხილის გადამამუშავებელი ქარხანა "ჯეო-ნათსი", კომპანია "ლაზური პური", საკანცელარიო მაღაზია "პილოტი", არასამთავრობო ორგანიზაცია "საუნჯე". რადიო "ათინათი" მადლობას უხდის ყველა პარტნიორ ორგანიზაციას მხარდაჭერისთვის.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 19 °C
img
ფოთი 17 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.