„საქართველოს რკინიგზა“  მგზავრთა გადაყვანის შეჩერებასთან დაკავშირებით განცხადებას ავრცელებს. უწყების ცნობით, მოქალაქეებმა სალაროებში წინასწარ შეძენილი ბილეთები დღეს უნდა დააბრუნონ. მათივე ინფორმაციით, ის მგზავრები, რომლებიც სამგზავრო დოკუმენტის დაბრუნებას დღეს ვერ მოახერხებენ, ამას სალაროების გახსნისთანავე შეძლებენ.

„2020 წლის 26 ნოემბრის #699 დადგენილების თანახმად, 28 ნოემბრიდან 24 დეკემბრამდე, ასევე 3 იანვრიდან 31 იანვრამდე საქალაქთაშორისო გადაადგილება იზღუდება. შესაბამისად, საქართველოს რკინიგზის სამგზავრო გადაყვანები დროებით ჩერდება.

საქალაქთაშორისო ტრანსპორტი, იმუშავებს 24 დეკემბრიდან 2 იანვრის ჩათვლით. ამ პერიოდში განახლდება საქართველოს რკინიგზის სამგზავრო გადაყვანები.

რაც შეეხებათ, იმ მგზავრებს რომლებსაც წინასწარ სალაროში ჰქონდათ ბილეთები შეძენილი, გთხოვთ დღეს დააბრუნოთ ბილეთები, რადგან ხვალიდან სალარო დაიხურება და გაიხსნება სამგზავრო გადაყვანების განახლების შემდეგ. ვინც დღეს ვერ მოახერხებთ ბილეთის დაბრუნებას, მოგვიანებით სალაროს გახსნისთანავე შეძლებთ ბილეთის დაბრუნებას და თანხის სრულად ანაზღაურებას. ხოლო, მათ ვისაც ონლაინ აქვთ ბილეთი შეძენილი, უახლოეს დღეებში შეძლებენ ონლაინ ბილეთის დაბრუნებას“, - ნათქვამია ინფორმაციაში.

უწყებათაშორისი საკოორდინაციო საბჭოს გადაწყვეტილებით,  ქვეყანაში დამატებითი შეზღუდვები 31 დეკემბრამდე იმოქმედებს.