ახალი ამბები
სოხუმმა შესაძლოა ჟენევის დისკუსიების თანათავმჯდომარეთა რიგებიდან ეუთოს გარიცხვა მოითხოვოს
აფხაზეთის დე ფაქტო რესპუბლიკის საგარეო საქმეთა სამინისტრო ეუთოში საქართველოს მეგობართა ჯგუფის ქვეყნების მიერ 4 დეკემბერს გაკეთებულ განცხადებას გამოეხმაურა, რომელშიც დაგმობილია რუსული ოკუპაციის შედეგები და დადასტურებულია მხარდაჭერა საქართველოს სუვერენიტეტისა და ტერიტორიული მთლიანობის მიმართ. უწყება ეუთოს მიკერძოებულ და ცალმხრივ პოზიციასა და თბილისის ნებისმიერი ქმედების მხარდაჭერაში ადანაშაულებს.

"ამ პირობებში, ეუთოს წევრ სახელმწიფოებს უნდა მოესმინათ უფრო მნიშვნელოვანი და დაბალანსებული შეფასება რეგიონში შექმნილი ვითარების შესახებ, კონფლიქტის ყველა მხარის შეხედულების გათვალისწინებით. მიუკერძოებელი მიდგომა, რომელიც შეიძლება ჩანდეს ეუთოს რიტორიკასა და ქმედებებში, ეს იქნებოდა მნიშვნელოვანი ნაბიჯი რეგიონში პოლიტიკური რეალობის ადეკვატური აღქმისკენ. თუმცა, სინამდვილეში, გაბატონებულია ცალმხრივი პოლიტიზებული პოზიცია...", - ნათქვამია განცხადებაში.

აქედან გამომდინარე, მიუხედავად იმისა, რომ ეუთო ჟენევის საერთაშორისო დისკუსიის თანათავმჯდომარეა, აფხაზური მხარის განცხადებით, მას არ აქვს ამ საერთაშორისო ორგანიზაციის მიმართ ნდობა და უფლებას იტოვებს მოითხოვოს თანათავმჯდომარეთა რიგებიდან ეუთოს გარიცხვა.

ჟენევის საერთაშორისო დისკუსიის ფორმატი 2008 წლის აგვისტოს ომის შემდეგ შეიქმნა და მისი თანათავმჯდომარეები არიან ევროკავშირის, ეუთოს და გაეროს სპეციალური წარმომადგენლები. ჟენევის ფორმატით, მოლაპარაკებაში მონაწილეობენ საქართველოს ხელისუფლების, ოკუპირებული ცხინვალის და აფხაზეთის დე ფაქტო მთავრობების, რუსეთის და აშშ-ის წარმომადგენლები. რუსეთს უკვე წლებია ეუთოში დაბლოკილი აქვს აფხაზეთის და ცხინვალის რეგიონებში ამ საერთაშორისო ორგანიზაციის მისიის მუშაობა.



Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
21 / მაისი 2024
ზუგდიდის რაიონული სასამართლოს გადაწყვეტილებით, აღკვეთის ღონისძიების სახით პატიმრობა შეეფარდა სენაკში, გორის ქუჩაზე მომხდარი მკვლელობისთვის დაკავებულ 21 წლის მამაკაცს.
21 / მაისი 2024
გარემოსდაცვითი ზედამხედველობის დეპარტამენტის ინფორმაციით, ხობის მუნიციპალიტეტის სოფელ ქვალონში 1 უკანონო სახერხი საამქრო გამოავლინეს.
21 / მაისი 2024
სამეგრელო-ზემო სვანეთის სამხარეო ადმინისტრაციამ, 26 მაისს, საქართველოს დამოუკიდებლობის დღეს გასამართი ღონისძიებების განრიგი გამოაქვეყნა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 20 °C
img
სოხუმი 20 °C
img
ფოთი 19 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.