ახალი ამბები
სერგეი შამბამ კიდევ ერთხელ განმარტა საკუთარი პოზიცია თბილისთან მოლაპარაკებების შესახებ
აფხაზეთის დე ფაქტო რესპუბლიკის "უსაფრთხოების საბჭოს მდივანმა" სერგეი შამბამ კიდევ ერთხელ განმარტა საკუთარი პოზიცია თბილისთან მოლაპარაკებების შესახებ, წერს "აფსნიპრესი".

პარლამენტში სიტყვის გამოსვლისას, მან განაცხადა: "ალბათ არასწორი იქნება, სხვადასხვა ქვეყნებთან ურთიერთობაზე მსჯელობა, თუკი მეზობელ საქართველოსთან ურთიერთობებზე არ ვისაუბრებთ. აფხაზეთის რესპუბლიკის საგარეო პოლიტიკის კონცეფციაში" ნათლად არის ნათქვამი, რომ "აფხაზეთის რესპუბლიკასა და საქართველოს შორის ურთიერთობების აღდგენა შესაძლებელია მხოლოდ სუვერენიტეტის ორმხრივი აღიარების, პატივისცემისა და ერთმანეთის შიდა საქმეებში ჩაურევლობის საფუძველზე." რა საფრთხეები შეიძლება არსებობდეს ამასთან დაკავშირებით, არ ვიცი? ", - აღნიშნა შამბამ.

მისი თქმით, სიმართლეს არ შეესაბამება ოპოზიციური პოლიტიკური ძალების განცხადება იმის თაობაზე, რომ კონცეფცია აუქმებს ჟენევის საერთაშორისო დისკუსიებს.

"ასეთი რამ ტექსტში არ არის. ჟენევის პროცესი ძალაში რჩება. მაგრამ აქვე უნდა აღვნიშნო, რომ 2008 წლამდე ჩვენ სხვადასხვა დონეზე გვქონდა მოლაპარაკებები საქართველოსთან, რომლებიც შემდეგ შეჩერდა, "- თქვა აფხაზმა პოლიტიკოსმა.

შამბამ გაიხსენა 2008 წლის მოვლენები, როდესაც ის თვითაღიარებული რესპუბლიკის საგარეო საქმეთა მინისტრი იყო.

"კარგად მახსოვს, როგორ ვითარდებოდა ეს პროცესი, რადგან მთელი ღამე ნიუ იორკთან ვიყავი ხაზზე. 2008 წლის მოვლენების შემდეგ ჩვენ განვაცხადეთ, რომ ფორმულა "აფხაზეთი, საქართველო" არ უნდა იქნას გამოყენებული გაეროს დოკუმენტებში, რადგან რუსეთმა, რომელიც გაეროს უშიშროების საბჭოს მუდმივი წევრია, აღიარა აფხაზეთი. მე შევთავაზე სხვადასხვა კომპრომისული ფორმულირებები, მაგრამ გაერო არ ეთანხმებოდა ამას. ამით დასრულდა მთელი ეს მასშტაბური პროექტი, "- განაცხადა მან.

მან ყურადღება გაამახვილა იმ ფაქტზე, რომ აფხაზეთში ხშირად გამოთქვამდნენ სკეპტიკურ მოსაზრებებს ჟენევის დისკუსიების შესახებ.

"კარგად მახსოვს, როდესაც ჟენევის დისკუსიებში ვმონაწილეობდით, ბევრი თვლიდა, რომ ის არაეფექტური იყო და მასზე უარი უნდა გვეთქვა. მე ყოველთვის მხარს ვუჭერდი მის შენარჩუნებას, რადგან 2008 წლის შემდეგ ეს იყო ერთადერთი პლატფორმა, სადაც მაღალ დონეზე შეიძლებოდა შეხვედრების გამართვა ", - თქვა შამბამ.

შამბა არ ეთანხმება მათ, ვინც თვლის, რომ "აფხაზეთის საგარეო პოლიტიკის კონცეფცია"კულუარად დაამტკიცეს.

"კონცეფციის პროექტი გადაეგზავნა პარლამენტს. ის განიხილეს უსაფრთხოების საბჭოს სხდომაზე და ერთხმად მიიღეს . რაც შეეხება პარლამენტის სპიკერის ვალერი კვარჩიას წინადადებას, ტექსტიდან "მრავალდონიანი მოლაპარაკებების" ფორმულირების ამოღებას, ამით დოკუმენტი თავის მნიშვნელობას არ კარგავს და სავსებით მისაღებია ", - დააზუსტა შამბამ.

მან საქართველოსთან მოლაპარაკებების მაგალითები მოიყვანა, რომლებიც ადრეც ტარდებოდა და დღესაც იმართება სხვადასხვა დონეზე.

"ჩვენ ვიცით, რომ დღეს მოლაპარაკებები მიმდინარეობს სხვადასხვა დონეზე, უწყებრივ დონეზე, როდესაც "ჩერნომორენერგო" ესაუბრება თავის ქართველ კოლეგებს, რეგიონალურ დონეზე. მოლაპარაკებები სხვადასხვა დონეზე მიმდინარეობდა. მოლაპარაკებების იყო სხვადასხვა დონეზე ვლადისლავ არძინბას, ასევე სერგეი ბაღაფშის დროს. დამსწრეთაგან ბევრი იგივე შლაინინგის და ირვაინის პროცესების მონაწილეა. იყო საერთაშორისო ორგანიზაციების მიერ ორგანიზებული ბევრი სხვა შეხვედრაც", - განაცხადა სერგეი შამბამ.

4 დეკემბერს აფხაზეთის დე ფაქტო რესპუბლიკის პრეზიდენტმა ასლან ბჟანიამ ხელი მოაწერა ბრძანებულებას "აფხაზეთის რესპუბლიკის საგარეო პოლიტიკის კონცეფციის დამტკიცების შესახებ". დოკუმენტის ერთ- ერთი პუნქტის თანახმად, შესაძლებელი გახდება ქართულ მხარესთან ორმხრივი ინტერესების დაცვით, იმ საკითხების განხილვა, რომელთა გადაწყვეტა შეუძლებელია ჟენევის საერთაშორისო მოლაპარაკებების ფარგლებში.

აფხაზური ოპოზიცია თბილისთან მოლაპარაკებების ახალი ფორმატის წინააღმდეგ გამოდის. ისინი თვლიან, რომ ეს პუნქტი, "მისი განხორციელების შემთხვევაში, დაჩრდილავს ჟენევის დისკუსიებს, რომლებიც მიმდინარეობს მედვედევ-სარკოზის შეთანხმებების შესაბამისად". ისინი მიიჩნევენ, რომ სანამ საქართველოში მოქმედებს კანონი" ოკუპირებული ტერიტორიების შესახებ ", არავინ დაელაპარაკება უშუალოდ აფხაზეთს თანაბარი პირობებით". გარდა ამისა, ოპოზიციონერები შიშობენ, რომ "აფხაზეთი დაკარგავს საერთაშორისო შუამავლებს და ჟენევაში მოლაპარაკებების პროცესში მაღალ სტატუსს".

Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
22 / მაისი 2024
23 - летняя Марика Джалагония изучает архитектуру и урбанную регенерацию в университете Сапиенца, в Риме. После окончания бакалавриата она решила углубить свои знания, пройдя годичную стажировку в Грузии, после чего задумалась о необходимости получения международного опыта.
22 / მაისი 2024
მომავალ კვირაში ზუგდიდის საკრებულო ოპოზიციონერი თავმჯდომარის, მოადგილეებისა და თანამდებობის პირების გადაყენებას განიხილავს; ეკატერინე ბებია უვადო მოსამართლედ გაამწესეს - სასამართლოს გუშაგი; აფხაზეთში აბონენტების ჯერ მხოლოდ 10% - ია გამრიცხველიანებული - „ჩერნომორენერგო“,- ამ და სხვა ამბებს მოისმენთ მთავარ გამოშვებაში.
22 / მაისი 2024
2024 წლის 21 მაისს იუსტიციის უმაღლესმა საბჭომ უვადოდ დანიშნა 21 მოსამართლე, მათ შორისაა ზუგდიდის რაიონული და ფოთის საქალაქო სასამართლოს მოსამართლეები ეკატერინე ბებია და გიორგი თუნაური.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 20 °C
img
სოხუმი 20 °C
img
ფოთი 19 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.