ახალი ამბები
დე ფაქტო უშიშროება არ გამორიცხავს, რომ მდინარე ენგურზე გადასვლას ადამიანები სავალდებულო კარანტინის გამო ცდილობენ
ენგურის გადმოკვეთისას საქართველოს მოქალაქეების დაღუპვის ფაქტთან დაკავშირებით აფხაზეთის დე ფაქტო რესპუბლიკის უშიშროების სამსახურის სასაზღვრო დანაყოფის უფროსს რუსტამ ლატიპოვს გამოცემა "აფსნიპრესი" ესაუბრა. მისი ინფორმაციით, 6 აპრილს, დილის 05:00 საათზე გალის ოთხმა მცხოვრებმა გამშვები პუნქტის გვერდის ავლით, გალის რაიონის სოფელ თაგილონთან გადაწყვიტა მდინარე ენგურის გადალახვა.

ლატიპოვი ყვება, რომ მათ მდინარის სანაპიროს შორიახლოს დატოვეს ავტოსატრანსპორტო საშუალება და მას შემდეგ, რაც ადგილობრივი მცხოვრებისგან გაიგეს ინფორმაცია იმის შესახებ, რომ რუსეთის უშიშროების ძალები იმ დროისთვის ადგილზე არ იმყოფებოდნენ, დაიწყეს მდინარე ენგურზე გადასვლა. ლატიპოვი ვარაუდობს, რომ მათ ვერ შეაფასეს წყლის დონე და დინებას ვერ გაუმკლავდნენ, რამაც ფატალური შედეგი გამოიწვია.

დე ფაქტო უშიშროების სამსახურის მონაცემებით, დილის 03:00 საათზე ენგურჰესიდან წყალი იყო გაშვებული, რაც მდინარეში წყლის დონის მომატების მიზეზი გახდა.

რუსტამ ლატიპოვი არ გამორიცხავს, რომ სასაზღვრო რეჟიმის მასობრივი დარღვევების და გამშვები პუნქტის გვერდის ავლით, მდინარე ენგურზე გადასვლის მცდელობის მიზეზი ის არის, რომ საქართველოს მიერ კონტროლირებად ტერიტორიაზე გადასვლის შემდეგ ადამიანებს 5-დღიან სავალდებულო კარანტინის გავლა უწევთ.

"გარდა ამისა, მიუხედავად იმისა, რომ კორონავირუსის პანდემიის გამო საზღვარი დაკეტილია, როდესაც გალის რაიონის მცხოვრებლებს საპატიო მიზეზებით აუცილებლად სჭირდებათ საქართველოს ტერიტორიაზე გადასვლა, ჩვენ ვუშვებთ მათ ენგურის გამშვები პუნქტიდან, მაგრამ მათ იქ უწევთ კარანტინის გავლა", - ამბობს ლატიპოვი.

მან აღნიშნა, რომ "საქართველოში გამოხატავენ პროტესტს და მოითხოვენ კარანტინის გაუქმებას". მისი თქმით, "აქციის მონაწილეები ცდილობდნენ საქართველოს ხელისუფლების ყურადღება მიეპყროთ იმისკენ, რომ კარანტინის გავლის ვალდებულება ართულებს მოქალაქეების გადაადგილებას საზღვრის გავლით".

დღეს, 7 აპრილს, ზუგდიდის მუნიციპალიტეტის სოფლებში, მდინარე ენგურის სანაპიროზე ოთხი გარდაცვლილი მოქალაქის ცხედარი იპოვეს.
შს სამინისტროს ცნობით, მომხდარზე გამოძიება სისხლის სამართლის კოდექსის 143-ე თავისუფლების უკანონო აღკვეთისა და 115-ე, თვითმკვლელობამდე მიყვანის მუხლებით მიმდინარეობს.

Print Email
FaceBook Twitter
რ ე კ ლ ა მ ა
ზუგდიდში, ეგრისის ადმინისტრაციულ ერთეულში, ჩიქოვანის ქუჩაზე, მრავალბინიანი საცხოვრებელი სახლების ეზოების კეთილმოწყობის სამუშაოები დაიწყო.
სამეგრელოს კოვიდმიმღებ კლინიკებში ბოლო მონაცემებით 271 ადამიანი მკურნალობს. მძიმეა 17 პაციენტის ჯანმრთელობის მდგომარეობა, რომელიც რუხის საავადმყოფოში
საქართველოს ადგილობრივ თვითმმართველობათა ეროვნულმა ასოციაციამ, ევროკავშირის პროექტის - „ეფექტიანობის და განვითარების ქსელი (N4ED)“ ფარგლებში,
კორონავირუსი
აფხაზეთის დე ფაქტო რესპუბლიკაში, ბოლო მონაცემებით, 236 ადამიანი გამოიკვლიეს, მათგან 36 - ს Covid – 19 დაუდასტურდა, ინფორმაციას
სამეგრელოს კოვიდმიმღებ კლინიკებში ბოლო მონაცემებით 275 ადამიანი მკურნალობს.
აფხაზეთის დე ფაქტო რესპუბლიკის ჯანდაცვის სამინისტროს ინფორმაციით, დღეიდან, 12 მაისიდან, მოსახლეობის ვაქცინაციის პროცესი
საზოგადოება
ევროპის დღესთან დაკავშირებით, საქართველოში ევროკავშირის 19 წევრი ქვეყნის წარმომადგენლები
დღეს მართლმადიდებელი სამყარო უფლის აღდგომის
საქართველოში აშშ-ს ელჩმა კელი დეგნანმა, ზუგდიდში სტუმრობისას, რადიო "ათინათს" ინტერვიუ მისცა. მან ისაუბრა სამეგრელო-ზემო სვანეთში თავისი ამჟამინდელი ვიზიტის მიზნებზე, იმაზე, თუ რა მიმართულებებით გააგრძელებს ამერიკის მთავრობა რეგიონის მხარდაჭერას.
დღის სიახლეები
12 / მაისი 2021
სამეგრელო-ზემო სვანეთის სამხარეო ადმინისტრაციის ადგილობრივ თვითმმართველობის ორგანოებთან ურთიერთობის სამსახურის უფროსის მოადგილე გრიგოლ დაგარგულია გაათავისუფლეს.
12 / მაისი 2021
ფოთში სასწარფო სამედიცინო დახმარების ექთანი, რომელიც კორონავირუსით მეორედ დაინფიცირდა, გარდაიცვალა.
12 / მაისი 2021
ფინანსთა სამინისტროს შემოსავლების სამსახურის თანამშრომლებმა ზუგდიდის რაიონში 550 კოლოფი უაქციზო თამბაქოს ნაწარმი ამოიღეს.
გემრიელი ისტორიები
მთავარი საინფორმაციო გამოშვება
არქივი
«« მაისი 2021 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 9 °C
img
სოხუმი 14 °C
img
ფოთი 12 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.