ახალი ამბები
ლაშა გვასალია: გუბერნიიდან გახარიასთან მეგობრობის მიზეზით გამათავისუფლეს
სამეგრელო-ზემო სვანეთის სამხარეო ადმინისტრაციის აპარატის უფროსი ლაშა გვასალია თანამდებობიდან მხარის გუბერნატორმა გადააყენა. ამის შესახებ ჟურნალისტებს გვასალიამ დღეს განუცხადა. მისი ინფორმაციით, მალხაზ თორიამ ადმინისტრაციის უკვე ყოფილ ხელმძღვანელს უთხრა, რომ ეს დავალება გვასალიას გიორგი გახარიასთან მეგობრობისა და თანამშრომლობის გამო მიიღო. ლაშა გვასალია გადაწყვეტილების გასაჩივრებას აპირებს.

"მე წუთის წინ გახლდით სამეგრელო-ზემო სვანეთის სამხარეო ადმინისტრაციის აპარატის უფროსი. დღეს დამიბარა გუბერნატორმა და სხვათაშორის, პირველად ვნახე ასეთი გაოგნებული, ასეთი გამშრალი და ფერდაკარგული მალხაზ თორია. მას აშკარად ეტყობოდა, რომ იყო ზეწოლა ვიღაცეებისგან. მიზეზი ხომ უნდა ეთქვა, მაგრამ არანაირი დარღვევა არ მქონია. ვიყავი ყოველთვის მოწინავე და გამორჩეული. ვიძახი, როგორც მოხელე. ვიყავი ყოველთვის გამარჯვებული, წარმატებული საარჩევნო შტაბის უფროსი. სხვათაშორის მე ბიძინა ივანიშვილმა გამომიშვა 2012 წელს სამეგრელოში, ქართული ოცნების გასაძლიერებლად და გარკვეული საქმეების გასაკეთებლად. ერთ-ერთი ადამიანი, რომელსაც მე ცუდად არასოდეს შევეხები, ვიქნები მადლიერი და ყოველთვის გადავუხდი მადლობას, არის ბიძინა ივანიშვილი. დანარჩენს მე მივხედავ აუცილებლად... იმიტომ, რომ მომექცნენ აბსოლუტურად გაუგებრად, გაოგნებული ვარ, ასეთი რაღაცეები არ უნდა ხდებოდეს. მითხრეს, რომ მე იმიტომ მიშვებენ სამსახურიდან, რომ ვარ გახარიას მეგობარი და მაქვს მასთან ურთიერთობა. თუ მეგობრობაზეა საუბარი, გასაგებია, სხვა რა ურთიერთობა მქონდა, ბატონ გიორგის ჯერ პარტია არა აქვს, პოლიტიკურად არ აქტიურობს, მაგრამ ეს ჩაფიქრებული ჰქონდათ. ჩემი მოშორება უნდოდათ. მე არ ვარ ხელწამოსაკრავი კადრი ქართული ოცნებისთვის, თუ მათ ჭკუა აქვთ ზემოთ. ვერც დიტო და ვერც ვერავინ განსაზღვრავს იმას, თუ რა გამიკეთებია ქართული ოცნებისთვის, არამარტო მე ,მთლიანდ მთელს ოჯახს. ბრძანებაში მუხლებია მითითებული, არაჯეროვნად შევასრულე სამსახური. თითიდან გამოწოვილი ბრალდებებია",-აღნიშნა გვასალიამ.

თავის მხრივ, გუბერნიის ადმინისტრაციაში აცხადებენ, რომ ლაშა გვასალია სამსახურებრივ მოვალეობათა არაჯეროვნი შესრულებისთვის გათავისუფლდა დაკავებული თანამდებობიდან, სახელმწიფო რწმუნებულის განკარგულების საფუძველზე. გვასალია სამეგრელო-ზემო სვანეთის სამხარეო ადმინისტრაციაში წლების განმავლობაში მუშაობდა, იყო "ქართილი ოცნების" საარჩევნო შტაბის ხელმძღვანელიც. რაც შეეხება იმას, ვიხილავთ თუ არა მას ყოფილი პრემიერის გუნდში, ამბობს, რომ ამ საკითხზე, შესაძლოა, იფიქროს. 
Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
დღის სიახლეები
23 / აპრილი 2024
24-25 აპრილს, ღამის საათებში თბილისი–სენაკი–ლესელიძის საავტომობილო გზის 143-ე კმ-ზე მდებარე რიკოთის საავტომობილო გვირაბში შეზღუდვები დაწესდება.
23 / აპრილი 2024
"საქართველოს რკინიგზის" ინფორმაციით, 2-დან 6 მაისის ჩათვლით, თბილისი - ფოთის მიმართულებით დამატებითი რეისები შესრულდება.
23 / აპრილი 2024
"ზუგდიდში UEFA-ს სტანდარტების შესაბამისი ცენტრალური სტადიონის მშენებლობა 2015 წელს დაიწყეს და 2017-ში უნდა დასრულებულიყო, თუმცა დღემდე არ გახსნილა", - ამის შესახებ ინფორმაცია ორგანიზაცია "ფლანგვის დეტექტორმა"
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 11 °C
img
სოხუმი 16 °C
img
ფოთი 14 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.