ახალი ამბები
"მაქსიმალურ ძალისხმევას ვახორციელებთ, რათა სრულფასოვნად აღდგეს თავისუფალ გადაადგილებაზე წვდომა" - მინისტრი
შერიგებისა და სამოქალაქო თანასწორობის საკითხებში სახელმწიფო მინისტრი ენგურის ხიდზე იმყოფებოდა. თეა ახვლედიანი აფხაზეთიდან გადმოსულ მოსახლეობასა და სხვადასხვა უწყების წარმომადგენლებს შეხვდა, რომლებიც ადგილზე მოქალაქეებისთვის საჭირო სერვისების მიწოდებას უზრუნველყოფენ. სახელმწიფო მინისტრმა ოკუპირებული აფხაზეთიდან გადმომსვლელთათვის სოფელ რუხში ენგურის ხიდთან განთავსებული სამედიცინო ინფრასტრუქტურა დაათვალიერა და ე.წ. გამშვებ პუნქტზე მოქალაქეების ტესტირების პროცესს გაეცნო.  

"ოკუპირებულ აფხაზეთში მოსახლეობის მძიმე ჰუმანიტარული და უფლებრივი მდგომარეობის შემსუბუქება ჩვენი ყოველდღიური საქმიანობის და საქართველოს ხელისუფლების ერთ-ერთი უმთავრესი ამოცანაა. ბუნებრივია, ამ კონტექსტში განიხილება საოკუპაციო ხაზზე თავისუფალი გადაადგილების უფლების სრულფასოვნად აღდგენა. ამ მიმართულებით, როგორც ცნობილია, ჩვენ გადავდგით არაერთი ქმედითი ნაბიჯი და განვახორციელეთ მნიშვნელოვანი ინიციატივები, ჩვენს ხელთ არსებული არაფორმალური კომუნიკაციის არხების გამოყენებით, მათ შორის საერთაშორისო პარტნიორების შუამდგომლობით. გასულ სექტემბერს ორგანიზებულად მოხერხდა 1000-ზე მეტი სტუდენტის, მოსწავლის და მათი თანმხლები პირების გადმოყვანა კონტროლირებად ტერიტორიაზე, განათლების პროცესის შეუფერხებლად გაგრძელების მიზნით. მოგვიანებით კი, საერთაშორისო პარტნიორების შუამდგომლობით შესაძლებელი გახდა ხანდაზმულთათვის პენსიის შეუფერხებლად აღება. დღესდღეობით, როგორც ცნობილია, თავისუფალი გადაადგილება შეუზღუდავია პენსიონერებისთვის, სოციალურად დაუცველი და მრავალშვილიანი ოჯახებისთვის ასევე შეზღუდული შესაძლებლობების მქონე პირებისთვის. ჩვენ მაქსიმალურად ვახორციელებთ ძალისხმევას, რათა სრულფასოვნად აღდგეს თავისუფალ გადაადგილებაზე წვდომა მთელი მოსახლეობისთვის. ამ ეტაპზე ასევე აღსანიშნავია, რომ მთელი ამ პროცესის განმავლობაში არ შეფერხებულა სპეციალური საჭიროების და გადაუდებელი ჯანდაცვის მიზნით მოქალაქეთა გადმოსვლა კონტროლირებად ტერიტორიაზე. ადგილზე დღეს გავეცანი შესაბამისი უწყებების მიერ განთავსებულ ინფრასტრუქტურას, მის შეუფერხებლად მოქმედებას და დავრწმუნდი, რომ მოქალაქეებს მიეწოდებათ სერვისები სრულფასოვნად. დღეში რამდენიმე ასეული ადამიანი კვეთს საოკუპაციო ხაზს და როგორც აღვნიშნე, საქართველოს ხელისუფლება მაქსიმალურ ძალისხმევას აგრძელებს იმისათვის, რომ სრულფასოვნად აღდგეს თავისუფალი გადაადგილების უფლება საოკუპაციო ხაზზე", - თქვა თეა ახვლედიანმა. 

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი გუშინ გიგა ოთხოზორიას საფლავზე იმყოფებოდა. გარდა ამისა, თეა ახვლედიანი აფხაზეთში მცხოვრებ სტუდენტებს შოთა მესხიას სახელობის ზუგდიდის სახელმწიფო უნივერსიტეტში შეხვდა


Print Email
FaceBook Twitter
რ ე კ ლ ა მ ა
ტერაბანკმა მცირე და საშუალო ბიზნესის მხარდასაჭერად კიდევ ერთი ახალი ინიციატივა წამოიწყო და ბიზნესკლიენტებისთვის, რომლებიც სხვადასხვა მიმართულებით საქმიანობენ, ფეისბუქზე ონლაინმაღაზია შექმნა.
ორგანიზაციამ „შშმ ქალთა გაძლიერების ცენტრი“ ახალი პროექტის -  "ანკეტირება, როგორც შშმ პირთა საჭიროებების ამსახველი საუკეთესო საშუალება” განხორციელება დაიწყო.
სამომხმარებლო სესხები და საკრედიტო ბარათები განსაკუთრებული პირობებით — ტერაბანკი ახალ აქციას იწყებს.
კორონავირუსი
აფხაზეთში 1036 ადამიანი გამოიკვლიეს და მათგან 538 - ს კორონავირუსი დაუდასტურდა.
საქართველოშიგამოვლინდა ვირუსით ინფიცირების 15 762 ახალი დადასტურებული შემთხვევა.
საქართველოში გასულ 24 საათში ჩატარებული 35 082 ტესტირებიდან დადასტურებულია კორონავირუსით ინფიცირების 7 947 შემთხვევა.
საზოგადოება
იანვრიდან მთელი წლის განმავლობაში ელექტროენერგიის ნამატი დაუსუბსიდირდება მიზნობრივ ჯგუფებს. ამის შესახებ ეკონომიკისა და მდგრადი განვითარების მინისტრმა
მთავრობა სათამაშო ბიზნესს ახალ რეგულაციებს უწესებს. პრემიერ-მინისტრმა ირაკლი ღარიბაშვილმა მთავრობის სხდომაზე განმარტა,
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
დღის სიახლეები
25 / იანვარი 2022
შინაგან საქმეთა სამინისტროს გენერალურმა ინსპექციამ ზუგდიდში გადაღებულ ვიდეოსთან დაკავშირებით სამსახურებრივი შემოწმება უკვე დაიწყო.
25 / იანვარი 2022
აფხაზეთის დე ფაქტო რესპუბლიკის პრეზიდენტს ასლან ბჟანიას რუსეთის ერთ-ერთ კლინიკაში თირკმელზე ოპერაცია ჩაუტარდა. ინფორმაციას აფხაზი ლიდერის პრესსამსახური ავრცელებს.
25 / იანვარი 2022
მოძრაობა "დროას" ადგილობრივი ორგანიზაციის ხელმძღვანელი მარიამ სიჭინავა სოციალურ ქსელში ვიდეოს აქვეყნებს, სადაც პოლიციის ფორმაში ჩაცმული მამაკაცი ქალს ქუჩაში სცემს.
გემრიელი ისტორიები
მთავარი საინფორმაციო გამოშვება
არქივი
ამინდი
ზუგდიდი 2 °C
img
სოხუმი 4 °C
img
ფოთი 3 °C
img
მესტია -8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.