ახალი ამბები
გალის შეხვედრები რაც შეიძლება სწრაფად უნდა განახლდეს - ჟენევის საერთაშორისო მოლაპარაკებების თანათავმჯდომარეები
ჟენევის საერთაშორისო მოლაპარაკებების 53-ე რაუნდის მონაწილეების ინფორმაციით, განიხილეს მთელი რიგი საკითხები, მათ შორის, დაკავებები და გადაადგილების თავისუფლება. ამავე ცნობით, შეხვედრა ორ ცალკეულ ჯგუფად გაიმართა, რომელიც ფოკუსირებული იყო უსაფრთხოებასა და ჰუმანიტარულ საკითხებზე.

"უსაფრთხოების კუთხით, ადგილზე არსებული ვითარება საერთო ჯამში შეფასდა როგორც შედარებით მშვიდი და სტაბილური, თუმცა მონაწილეებმა ყურადღება გაამახვილეს რამდენიმე საკითხზე, მათ შორის დაკავებებზე, უგზოუკვლოდ დაკარგულ პირებზე, გადაადგილების თავისუფლებასა და კონკრეტულ ადგილებში უსაფრთხოების საკითხებზე.

განსაკუთრებული ყურადღება დაეთმო დღის წესრიგის მთავარ საკითხს, რომელიც ეხებოდა ძალის გამოუყენებლობასა და საერთაშორისო უსაფრთხოების ზომებს. მოლაპარაკების დროს მხარეებმა ასევე განიხილეს შესაძლო ერთობლივი ძალისხმევა პოსტპანდემიური საჭიროებების მოსაგვარებლად. ამასთან დაკავშირებით თანათავმჯდომარეებმა აღნიშნეს მონაწილეებს შორის კონსტრუქციული თანამშრომლობა.

თანათავმჯდომარეები მიესალმნენ ინციდენტების პრევენციისა და მათზე რეაგირების მექანიზმის მუშაობას ერგნეთში და აღნიშნეს, რომ აუცილებელია ინციდენტების პრევენციისა და მათზე რეაგირების მექანიზმის რეგულარული შეხვედრები გალში რაც შეიძლება სწრაფად განახლდეს“,- ნათქვამია თანათავმჯდომარეების განცხადებაში.


მათივე ცნობით, რამდენიმე მონაწილის მიერ მოლაპარაკებების დატოვების გამო, იძულებით გადაადგილებულ პირთა და დევნილთა საკითხზე არსებითი დისკუსია ვერ შედგა.

„თანათავმჯდომარეებმა კვლავ მოუწოდეს ყველა მხარეს, ნდობის აღდგენის ძალისხმევა გაზარდონ, მოაგვარონ უსაფრთხოების ყველა ელემენტი და უზრუნველყონ საერთაშორისო ჰუმანიტარულ და ადამიანის უფლებათა ორგანიზაციებთან კონსტრუქციული თანამშრომლობა,” - აღნიშნულია დოკუმენტში.

მომდევნო შეხვედრები 2021 წლის 12 და 13 ოქტომბერს ჩაინიშნა.

Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
19 / მაისი 2024
სამეგრელო-ზემო სვანეთის პოლიციის დეპარტამენტის თანამშრომლებმა სენაკში მკვლელობის ბრალდებით 2003 წელს დაბადებული ლ.ს. დააკავეს.
19 / მაისი 2024
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს.
19 / მაისი 2024
სენაკში, ქალაქის ერთ - ერთ ქუჩაზე, გუშინ ღამით მკვლელობა მოხდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 8 °C
img
სოხუმი 12 °C
img
ფოთი 13 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.