ახალი ამბები
სოხუმი გალელებს საქართველოს კლინიკებში აცრას სთავაზობს
აფხაზეთის დე ფაქტო რესპუბლიკის მთავრობამ დაადასტურა, რომ 5 ივლისიდან ენგურის ხიდის გადაკვეთის გამარტივებული რეჟიმი მოქმედებს. აქედან გამომდინარე, გალის მცხოვრებლებს ვაქცინაცია არა მხოლოდ საცხოვრებელი მისამართის მიხედვით, არამედ სურვილის შესაბამისად შეეძლებათ, წერს "აფსნიპრესი".

"აფხაზეთის მთავარი სანიტარული ექიმის ლუდმილა სკორიკის განცხადებით, საზღვარზე მოწყობილია სამედიცინო პუნქტი, სადაც გადაადგილებულებს აღრიცხავენ. რეჟიმი შემსუბუქებულია, რათა ხალხმა ვაქცინაცია შეძლოს, უკან დაბრუნებულებმა აუცილებლად უნდა შეიარონ სამედიცინო პუნქტში, სადაც ვაქცინირებულები აღირიცხებიან, ასე ყველანი ერთად შევებრძოლებით ამ ინფექციას", - განაცხადა გალის რაიონის ე.წ. ადმინისტრაციის ხელმძღვანელმა კონსტანტინე ფილიამ.

გალის რაიონის მთავარი ექიმის ასტამურ გამგიას თქმით, ენგურის ხიდის გადაკვეთის მსურველთათვის გარკვეული მოთხოვნებია დაწესებული.

"იმის გათვალისწინებით, რომ Covid-19 ძალებს იკრებს, ჩვენ გავხსენით სამედიცინო პუნქტი "ენგური", კონტინგენტის შესასწავლად, რათა შეგვეძლოს სტატისტიკის წარმოება. იმ მოქალაქეებისთვის, ვინც საზღვარს გადაკვეთს, იქნება გარკვეული მოთხოვნები, მათ უნდა წარმოადგინონ ცნობა ვაქცინაციის შესახებ, ან PCR ტესტის შედეგები. მათ კი, ვინც ვირუსი უკვე გადაიტანა, უნდა წარმოადგინონ ანტისხეულების არსებობის დამადასტურებელი ცნობა. ჩამოთვლილთაგან ერთი ცნობის წარმოდგენის საფუძველზე პირს საზღვრის გადაკვეთის უფლება ექნება, გამოკვლევებისა და მკურნალობის მიზნით მიმავალმა მოქალაქეებმაც უნდა წარმოადგინონ ცნობები", - აღნიშნა ექიმმა.

მისივე ინფორმაციით, ცნობების გარეშე გაატარებენ მხოლოდ გადაუდებელი აუცილებლობის მქონე პაციენტებს. საქართველოს კონტროლირებადი ტერიტორიიდან აფხაზეთის დე ფაქტო რესპუბლიკაში 3 დღის შემდეგ დაბრუნებულებს დასჭირდებათ 72 საათით ადრე ჩატარებული უარყოფითი PCR ტესტის პასუხი ან ვაქცინაციის ცნობა.

ენგურის ხიდი მოქალაქეებისთვის დილის 09:00 საათიდან 19:00 საათამდე იქნება ღია.

5 ივლისიდან ენგურის ე.წ. გადასასვლელი ხიდი სრულად გაიხსნა. ინფორმაცია შერიგებისა და სამოქალაქო თანასწორობის საკითხებში სახელმწიფო მინისტრის აპარატმა გაავრცელა. უკვე წელიწადზე მეტია, რაც აფხაზურმა მხარემ ენგურის ხიდი ჩაკეტა. შეზღუდვების ეტაპობრივი მოხსნა 2021 წლის 11 თებერვლიდან მოხერხდა საერთაშორისო ორგანიზაციების მხარდაჭერით გაწეული ძალისხმევის შედეგად, ნათქვამია განცხადებაში.

საქართველოში კოვიდსაწინააღმდეგო ვაქცინაცია 15 მარტს დაიწყო. 6 ივლისის მონაცემებით, სულ აცრილია 272 810 ადამიანი.

რუსული კოვიდსაწინააღმდეგო პრეპარატის "სპუტნიკ V"-ის პირველი პარტია მოსკოვიდან სოხუმში 30 აპრილს ჩაიტანეს. ვაქცინაციის პროცესი 12 მაისს დაიწყო. 26 ივნისის მონაცემებით, აფხაზეთში სულ აცრილი იყო 4682 ადამიანი, მათ შორის 2197 - ორჯერადად.

Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერიამ, პედაგოგებს პროფესიული დღე მიულოცა და ფულადი ჯილდო გადასცა.
ზუგდიდის მუნიციპალიტეტის მერიის განათლების, ძეგლთა დაცვის, კულტურის, სპორტისა და ახალგაზრდულ საქმეთა სამსახურის, ახალგაზრდული პროექტების დაფინანსება/თანადაფინანსების მიზნით შექმნილმა კომისიამ ახალგაზრდული პროექტი “ახალგაზრდები დემოკრატიისთვის“ დააფინანსა.
ანაკლიაში, სასტუმრო "პალმ ბიჩში", კავკასიის მეოთხე საერთაშორისო ლიტერატურულ-ფოლკლორული ფესტივალი "ანაკლია 2022" გაიმართება.
კორონავირუსი
14 აგვისტოდან 21 აგვისტოს ჩათვლით საქართველოში კორონავირუსი 12 595 ადამიანს დაუდასტურდა, მათგან სამეგრელო-ზემო სვანეთში 1158-ს. Covid 19-ით გარდაიცვალა კიდევ 6 პაციენტი.
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
1-ელიდან 8 აგვისტოს ჩათვლით აფხაზეთის დე პარტო რესპუბლიკაში კორონავირუსით ინფიცირების 312 შემთხვევა დადასტურდა.
საზოგადოება
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
დღის სიახლეები
06 / ოქტომბერი 2022
ენგურის ხიდთან, გალის რაიონის სოფელ ჭუბურხინჯში Duty Free  (უბაჟო) მაღაზიის გახსნის ნებართვა მიიღო კომპანიამ "Куазан МБТ". შესაბამისი განკარგულება აფხაზეთის დე ფაქტო რესპუბლიკის მთავრობამ გამოსცა. მას ე.წ. პრემიერ-
06 / ოქტომბერი 2022
სამეგრელო-ზემო სვანეთის პოლიციის დეპარტამენტის თანამშრომლებმა განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვის ბრალდებით 1983 წელს დაბადებული მ.ქ. დააკავეს.
06 / ოქტომბერი 2022
საქართველოს საგარეო უწყების ცნობით, ჟენევაში გაიმართა საერთაშორისო მოლაპარაკებების 56-ე რაუნდი. საქართველოს დელეგაციას საგარეო საქმეთა მინისტრის პირველი მოადგილე ლაშა დარსალია ხელმძღვანელობდა. უწყების
დილის ჩართვა
მთავარი საინფორმაციო გამოშვება
არქივი
«« ოქტომბერი 2022 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 15 °C
img
სოხუმი 17 °C
img
ფოთი 18 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.