ახალი ამბები
"ენგურჰესის" ტურისტული ცენტრის მოწყობა იწყება - ჰყავს თუ არა პროექტს ინვესტორი
ენგურჰესის თაღოვანი კაშხლის მიმდებარე ტერიტორიის ტურისტულ ზონად ქცევის პროცესი დაიწო. ამის შესახებ რადიო "ათინათს" შპს "ენგურის ტურისტული ცენტრის" ახლად დანიშნული ხელმძღვანელი ნიკოლოზ ანთიძე ესაუბრა. მისივე თქმით, პროექტის რეალიზაცია პრემიერ-მინისტრის გადაწყვეტილებით იწყება და ობიექტი პირველ დამთვალიერებელს წელსვე მიიღებს.

"ეს გულისხმობს იმას, რომ წელსვე შეიძლება გავხსნათ პირველი ტური და ადამიანებს ჰქონდეთ შესაძლებლობა ისეთ ადგილებში მივიდნენ, რომელიც აქამდე ჩვეულებრივი ვიზიტორებისთვის დახურული იყო. მომზადდება საინფორმაციო ბანერები და სატენდერო დოკუმენტაციები, რომ მომავალი წლის დასაწყისიდანვე გარკვეული ინფრასტრუქტურული სამუშაოები დაიწყოს და ამის პარალელურად მიმდინარეობს პროცესი, რომელიც გულისხმობს ინვესტორების მოძიებას. ეს არის მომგებიანი პროექტი და აუცილებელია აქ სახელმწიფოს გვერდში დადგეს  კერძო ფონდები თუ ბიზნესორგანიზაციები. აქ საუბარია არა მხოლოდ ქართული, არამედ უცხოური ინვესტორების მოძიებაზე. აი, ეს პროცესი დაიწყო უკვე და ნელ-ნელა დაიქოქება. ერთ წელიწადში ასევე შეიძლება მოეწყოს ზიპლაინი, ნავებით გასეირნებაც მალე დაიწყება და რაც მთავარია, ვიზიტორებს წელსვე ექნება შესაძლებლობა ორგანიზებულად დაათვალიერონ  უნიკალური საინჟინრო თვისებების მქონე ნაგებობა, გვირაბები, სხვადასხვა ადგილები და ა.შ", - განმარტავს ანთიძე.

ჩვენს კითხვაზე, ამ ეტაპისთვის დაინტერესებულია თუ არა პროექტით რომელიმე ინვესტორი, ანთიძემ გვიპასუხა, რომ ჯერჯერობით არა, თუმცა დარწმუნებულია, რომ პროცესის დაწყების შემდეგ დაინტერესებული მხარეები გამოჩნდებიან.

"აი, ამ ეტაპზე არ გვყავს ნამდვილად, საზოგადოებას ვერ შევიყვანთ შეცდომაში, მაგრამ მე დარწმუნებული ვარ პროცესებს, რომ დავძრავთ გვექნება შესაძლებლობა ფართოდ გავიდეთ ინვესტორების გარკვეულ ჯგუფზე. ის, რაც ახლა იწყება არის ამ ტურისტული ობიექტის პოპულარიზაცია. ყველა ინვესტორი უყურებს იმას თუ რას აკეთებს პროექტის ხელმძღვანელობა. ინვესტორი დაინტერესდება იმ შემთხვევაში, როდესაც კონკრეტული მოქმედებები დაიწყება", - აღნიშნა ანთიძემ.

ინფორმაციისთვის, ენგურის ტურისტული ცენტრის დეტალური პროექტი ესტონურმა კომპანიამ "KOKO arhitektid OÜ" მოამზადა. ის თაღოვანი კაშხლის მიმდებარედ აღმოჩენათა ცენტრის, გადასახედი მოედნების, 180 მეტრი სიმაღლის ლიფტის, სანაოსნო ინფრასტრუქტურისა და ექსტრემალური კომპონენტების შემცველი რამდენიმე ატრაქციის ინფრასტრუქტურულ მოწყობას გულისხმობს. პროექტის განხორციელებას 30 მილიონი ევრო დასჭირდება, თუმცა ბიუჯეტი შესაძლოა დაკორექტირდეს.

ენგურჰესის თაღოვან კაშხალს საქართველოს მთავრობის დადგენილებით ეროვნული კატეგორიის ძეგლის სტატუსი 2015 წლის 4 სექტემბერს მიენიჭა.


ამავე თემაზე:

„ენგურჰესი - მსოფლიო დონის ატრაქცია“ - პროექტირება დასრულებულია (ვიდეო)




Print Email
FaceBook Twitter
რ ე კ ლ ა მ ა
ორგანიზაციამ „შშმ ქალთა გაძლიერების ცენტრი“ ახალი პროექტის -  "ანკეტირება, როგორც შშმ პირთა საჭიროებების ამსახველი საუკეთესო საშუალება” განხორციელება დაიწყო.
სამომხმარებლო სესხები და საკრედიტო ბარათები განსაკუთრებული პირობებით — ტერაბანკი ახალ აქციას იწყებს.
ზუგდიდის მერიის ინფორმაციით, დღეს, 31 დეკემბერს დილის 7:00 საათიდან საღამოს 02:00 საათამდე საზოგადოებრივი ტრანსპორტით გადაადგილება ყველა მიმართულებით უფასო იქნება.
კორონავირუსი
აფხაზეთის დე ფაქტო რესპუბლიკაში 364 ადამიანი გამოიკვლიეს და მათგან 166 - ს კორონავირუსი დაუდასტურდა. ინფორმაციას ადგილობრივი ოპერატიული შტაბი ავრცელებს.

სამეგრელო-ზემო სვანეთის სამხარეო ადმინისტრაციის ინფორმაციით, ამ ეტაპისთვის, რეგიონის კოვიდმიმღებ დაწესებულებებში 260 პაციენტი მკურნალობს, მძიმეა 14 პირის მდგომარეობა.

Stopcov.ge-ზე გამოქვეყნებული მონაცემების თანახმად, საქართველოში გასული დღე-ღამის განმავლობაში გამოვლინდა კორონავირუსით ინფიცირების 9 696 ახალი დადასტურებული შემთხვევა.
საზოგადოება
იანვრიდან მთელი წლის განმავლობაში ელექტროენერგიის ნამატი დაუსუბსიდირდება მიზნობრივ ჯგუფებს. ამის შესახებ ეკონომიკისა და მდგრადი განვითარების მინისტრმა
მთავრობა სათამაშო ბიზნესს ახალ რეგულაციებს უწესებს. პრემიერ-მინისტრმა ირაკლი ღარიბაშვილმა მთავრობის სხდომაზე განმარტა,
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
დღის სიახლეები
23 / იანვარი 2022
აფხაზეთში დისლოცირებული რუსული ბაზის სამხედრო მოსამსახურეებმა კონკურსისთვის "სამხედრო დაზვერვის ფრიადოსნები"
23 / იანვარი 2022
წიაღის ეროვნულმა სააგენტომ მესტიის სოფლებში, ღვებალდისა და გვალდერის მიმდებარე ტერიტორიაზე, მდინარე ენგურის ქვიშრობული ოქროს შესწავლა-მოპოვებაზე აუქციონი გამოაცხადა.
23 / იანვარი 2022
აფხაზეთის დე ფაქტო რესპუბლიკაში 364 ადამიანი გამოიკვლიეს და მათგან 166 - ს კორონავირუსი დაუდასტურდა. ინფორმაციას ადგილობრივი ოპერატიული შტაბი ავრცელებს.
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 4 °C
img
სოხუმი 6 °C
img
ფოთი 8 °C
img
მესტია -5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.