ახალი ამბები
ფოთის საკრებულო მუნიციპალიტეტის მერიაზე სუსტ ზედამხედველობას ახორციელებდა - TI-ის ანგარიში
„საერთაშორისო გამჭვირვალობა-საქართველომ” ქალაქ ფოთის მუნიციპალიტეტის საკრებულოს 2020 წლის გაწეული საქმიანობის ანგარიში გამოაქვეყნა. კვლევა ორგანიზაციის დაკვირვებებს, საკრებულოდან გამოთხოვილ და ასევე მის ოფიციალურ ვებგვერდზე არსებულ ინფორმაციასა ეფუძნება.

ანგარიშის მიხედვით, ფოთის საკრებულო აღმასრულებელ ორგანოზე და მუნიციპალიტეტის მიერ დაფუძნებულ პირებზე სუსტ ზედამხედველობას ახორციელებდა. ამასთან, საკრებულო უმეტეს შემთხვევაში ფორმალურად აკონტროლებდა მის წინაშე ანგარიშვალდებულ თანამდებობის პირთა თუ ცალკეულ უწყებათა საქმიანობას.

ორგანიზაციის ძირითადი მიგნებები:


ფოთის საკრებულოს ინტერესთა კონფლიქტის, თანამდებობრივი შეუთავსებლობის, საკრებულოს რეგლამენტის და ეთიკის ნორმების დარღვევის ფაქტები არ გამოუვლენია;
საანგარიშო პერიოდში ფოთის საკრებულოს სხდომათა (22 სხდომა) ნახევარზე მეტი (13 სხდომა) რიგგარეშე იყო;

ფოთის საკრებულოში ქონებრივი მდგომარეობის შესახებ დეკლარაციის შევსების ვალდებულება ჰქონდა 13 თანამდებობის პირს. დეკლარაცია 6-მა არასრულად შეავსო;
ამავე პერიოდში საკრებულოს 6 ფრაქციიდან ინიციატივა არც ერთ ფრაქციას არ ჰქონია;

ფრაქციათა მიერ გაწეული საქმიანობის მინიმალური მაჩვენებლის ფონზე, შეუსაბამოდ დიდია მათ ფუნქციონირებაზე გაწეული ხარჯები, რომელმაც ჯამში 303,016 ლარი შეადგინა;

ფოთის საკრებულოში მუშაობს გენდერული თანასწორობის საბჭო, თუმცა, წინა პერიოდის მსგავსად, საბჭოს არ განუხორციელებია როგორც სამართლებრივ აქტების ანალიზი, ასევე ექსპერტიზა საკანონმდებლო აქტების პროექტებზე. ფოთის 4 საკრებულოში გენდერული თანასწორობის დარღვევის თაობაზე არცერთი განცხადება, დოკუმენტაცია ან სხვა ინფორმაცია არ შესულა.

საკრებულოს წევრებმა ჯამურად საკრებულოს სხდომები 140-ჯერ გააცდინეს, მათ შორის 134-ჯერ არასაპატიო მიზეზით. კომისიების სხდომების გაცდენის 200 შემთხვევა დაფიქსირდა, მათ შორის 195-ჯერ არასაპატიო მიზეზით;

საკრებულოს მოქმედ წევრთა შორის ფრაქცია “ქართული ფესვების” თავმჯდომარის მოადგილე, ზურაბ ჩაჩუა ერთადერთია, რომელსაც საკრებულოს სხდომებზე სიტყვით გამოსვლის უფლებით ერთხელაც არ უსარგებლია. თითოჯერ გამოვიდნენ სიტყვით ფრაქცია “ქართული ოცნების” წევრები აპალონ ბჟალავა და მალხაზ ფოჩხუა;

საკრებულოს 25 წევრიდან 16 წევრი არ გამოსულა მოხსენებით საკრებულოს წინაშე;

საკრებულოს წევრთა შორის ყველაზე მეტი სხდომა (17 სხდომა) არასაპატიო მიზეზით ფრაქცია “კოლხეთის” თავმჯდომარემ მაია ჩხარტიშვილმა გააცდინა, კომისიის ყველაზე მეტი სხდომა (32 სხდომა) კი არასაპატიო მიზეზით ფრაქცია “კოლხეთის” თავმჯდომარის მოადგლემ პაატა ჩაგანავამ გააცდინა. აღსანიშნავია, რომ მაია ჩხარტიშვილი და პაატა ჩაგანავა საკრებულოსა და კომისიის სხდომების არასაპატიო მიზეზით გაცდენების რაოდენობით წინა პერიოდშიც (2017 წლის ნოემბრიდან 2019 წლის ჩათვლით) ლიდერებს შორის იყვნენ;

ქალაქ ფოთის მუნიციპალიტეტის 2020 წლის ბიუჯეტით ფოთის საკრებულოს ხარჯებისთვის 1,293,800 ლარი იყო გათვალისწინებული, საიდანაც სახელფასო ანაზღაურებაზე 973,367 ლარი დაიხარჯა, ზოგიერთ საჯარო მოხელეზე გაიცა საკლასო დანამატი 1,236 ლარის ოდენობით, ასევე შესყიდულ იქნა 68,303 ლარის ოდენობის 16.36 ტონა საწვავი
საკრებულოს მიერ გახარჯული ჯამური საწვავიდან 4 ტონამდე (3,896 ლიტრი) საწვავი (ჯამური ღირებულებით - 9,530 ლარი) ფოთის საკრებულოს თავმჯდომარემ, ბექა ვაჭარაძემ გახარჯა.

“საერთაშორისო გამჭვირვალობა-საქართველომ” ფოთის საკრებულოს საქმიანობა 2020 წელსაც შეაფასა, რომლის საანგარიშო პერიოდი  2017 წლის ნოემბრიდან 2019 წლის ჩათვლით დროის მონაკვეთს მოიცავდა.

Print Email
FaceBook Twitter
დაფინანსებული
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
სტატია
დღის სიახლეები
11 / ივლისი 2025
ტრადიციულ ქართულ ჩაცმულობაში თავსაბურავს ყოველთვის დიდი მნიშვნელობა ეძლეოდა, ბუნებრივია ასე იყო სამეგრელოშიც. რაც უნდა ღარიბი ყოფილიყო ქალი და იმისი საგარეო ჩაცმულობა, ერთი კარგი თავშალი აუცილებლად ექნებოდა.რაც შეეხება ფეხსაცმელებს,არსებობდა სხვადასხვა ტიპის .დღევანდელ გადაცემაში საუბარია თავსაბურავების და ფეხსაცმელების ნაირსახეობაზე, რომლის მასობრივი გამოყენება ხდებოდა სამეგრელოში.
08 / ივლისი 2025
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
03 / ივლისი 2025
ტანსაცმელის დამზადებას და მის მოვლა-პატრონობას სამეგრელოში დიდი ყურადღება ეთმობოდა. ტანსაცმელს ზანდუკ-კიდობნებში ინახავდნენ.ავი თვალის დასაცავად ტანსაცმლის მარცხენა მხარეს, შიგნით "ანგაროზის"(ავგაროზი) დაკერებაც იცოდნენ მას ნათოლეშ წამალს" უწოდებდნენ. ავგაროზი მზადდებოდა ბავშვებისთვის და თვალდაკრული ადამიანებისთვისაც.დღევანდელ გადაცემაში საუბარია როგორ მზადდებოდა ავგაროზი და როგორი იყო მასთან დაკავშირებული რიტუალები.
ოდაბადეშ კინოხონი
დადიანების სასახლეთა საგანძური
ჩვენი თვითმმართველობა
არქივი
«« ივლისი 2025 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.