ახალი ამბები
გიგა ფარულავა: ჩვენმა წევრმა კანდიდატურა ზეწოლის შედეგად მოიხსნა
„საქართველოსთვის“ ზუგდიდის ოფისის წარმომადგენლები, „ქართული ოცნების“ მხრიდან, მათ კანდიდატებზე განხორციელებულ ზეწოლაზე საუბრობენ. გახარიას პარტიის საარჩევნო შტაბში დღეს გამართულ ბრიფინგზე პოლიტსაბჭოს წევრმა, გიგა ფარულავამ განაცხადა, რომ მათი სიის მე-19 ნომერმა, გიორგი ჯოჯუამ კანდიდატურა ზეწოლის შედეგად მოიხსნა. მისივე მტკიცებით, მუქარა უშუალოდ ჯოჯუას მიმართ განხორციელდა.  

„ეს მოცემულობა კიდევ ერთხელ ცხადყოფს, რომ „ოცნება“ არის შეშინებული  და ძალაუფლებას ჩაბღაუჭებული პარტია. მათ უკვე გადაკვეთეს ყოველგვარი წითელი ხაზები, რომელთა აპელირებითაც ისინი ხელისუფლებაში მოვიდნენ 2012 წელს. „ქართული ოცნება“ მიმართავს გაუგონარ მეთოდებს კანდიდატების წინააღმდეგ. ამ შემთხვევაში ისინი მოქმედებენ ახალგაზრდა, პერსპექტიული კანდიდატის წინააღმდეგ და მათთვის არანაირი მნიშვნელობა არა აქვს ადამიანის პროფილს და საქმიანობას“, - თქვა ფარულავამ.

გარდა ამისა, ის ამბობს, რომ ფოთში მათი კანდიდატების მოსყიდვის მცდელობა იყო.

„კანდიდატებს შესთავაზე სოლიდური თანხა, რათა მოეხსნათ კანდიდატურები. ეს არის როგორც დანაშაული, ასევე  სახიფათო ქვეყნის დემოკრატიული განვითარებისთვის“, - აღნიშნა ფარულავამ

დაშინებას უარყოფს თავად გიორგი ჯოჯუა და შექმნილი უხერხულობისთვის პარტია „საქართველოსთვის“ წევრებს ბოდიშს უხდის.

„მე არ წავსულვარ მხოლოდ "გახარია -საქართველოსთვის" პარტიიდან, ზოგადად, არ ვიქნები პოლიტიკურად აქტიური. აქედან გამომდინარე, სხვა მიზეზი არ არსებობს. მე მინდა ვისარგებლო თქვენი მედიასაშუალებით და ბოდიში მოვუხადო პარტია „საქართველოსთვის“ ზუგდიდის ოფისის წევრებს, რადგან ეს გადაწყვეტილება ჩემი გუნდელებისთვის არ შემითანხმებია. მე დიდ პატივს ვცემ თითოეულ მათგანს და ვუსურვებ წარმატებებს“, - უთხრა „ათინათს“ ჯოჯუამ.

თავის მხრივ, გახარიას პარტიის ბრალდებებს უარყოფენ მმართველი პარტიის საარჩევნო შტაბში. ისინი აქცენტს ბოლო დროს მედიით გავრცელებულ ინფორმაციებზე აკეთებენ, რომლის მიხედვით „საქართველოსთვის“ რიგებს პარტიის წევრები ტოვებენ.

„მე მესმის ამ ადამიანების, ეს არ არის სხვისი პრობლემა, ეს არის უშუალოდ ამ პარტიის და მისი პოლიტიკის პრობლემა. რა ზეწოლაზეა საუბარი, როდესაც ეს ადამიანები ღიად და საჯაროდ აფიქსირებენ მათ პოზიციებს. იმდენი ადამიანი გაექცათ ახლა სურთ, რომ ტყუილებით გადაფარონ მათი პოლიტიკის მარცხი. კონკრეტულად გიორგი ჯოჯუა ჯერ კიდევ 25 აგვისტოს სოციალურ ქსელში წერდა, რომ უარს ამბობდა პოლიტიკაში ყოფნაზე და ეს გადაწყვეტილება ამცნო თავის ფეისბუქ აუდიტორიას, თუმცა მიუხედავად ამისა მაინც შეიყვანეს სიაში“, - ამბობს „ქართული ოცნების“ საარჩევნო შტაბის წევრი ლაშა გვასალია.

ინფორმაციისთვის, ქვეყანაში თვითმმართველობის არჩევნები 2 ოქტომბერს გაიმართება.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 10 °C
img
ფოთი 12 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.