ზუგდიდში უკრაინაში დაღუპული ქართველი მებროლების ხსოვნას პატივი მიაგეს. მოქალაქეები, ზვიად გამსახურდიას ძეგლთან შეიკრიბნენ და  ფოტოებით, ყვავილებითა და სანთლებით დაღუპული გმირები გაიხსენეს.

აქციაზე იმყოფებოდნენ სამოქალაქო ატივისტები და ოპოზიციური პარტიის წევრები.

"დღევანდელი აქციის მიზანი იყო ის რაც ევალებოდა საქართველოს მთავრობას, რომ ამ ბიჭებისთვის მიეცა გმირის წოდება და მათი ოჯეხებისთვის მინიმუმ მიესამძიმრებინა. მაგრამ ეს არ გააკეთეს. ოპოზიციური პარტიის წევრები აქ მოვედით იმისთვის, რომ ამ გმირი ბიჭებისთვის მიგვეგო სათანადო პატივი, აგვენთო სანთლები და გვეთქვა სათქმელი საზოგადოებისთვის, რომ ისინი არინ გმირები, რომლები შეეწირნენ რუსეთის იმპერიის დანგრევის იდეას",- თქვა "დროას" ოფისის წარმომადგენელმა მარიამ სიჭინავამ.

აქციის კიდევ ერთი მონაწილე ცაბუნია ვართაგავა ამბობს, რომ რუსთის დამარცხება პირდაპირ კავშირშია ჩვენს გამარჯვებასთან.

,,დღევანდელი აქციის მიზანი იყო, პატივი მიგვეგო იმ ადამიანებისთვის ვინც დაიღუპნენ რუსეთთან ბრძოლაში. ეს ორი ქართველი არის ახლა მსხვერპლი მას შემდეგ რაც ახლა დაიწყო უკრაინა- რუსეთ შორის ომი, თორემ ვიცით რომ 2014 წლუდან არაერთი ქართველი მეომარი შეეწირა უკრაინის ტერიტორიაზე რუსეთთან ბრძოლას. ეს ადამიანები იაზრებდნენ, რომ ეს არ არის მარტო უკრაინასთნ ბრძოლა, ეს არის ჩვენი ბრძოლაც იმიტომ, რომ რუსთის დამარცხება პირდაპირ კავშირშია ჩვენს გამარჯვებასთან’’, - განაცხადა მან.

ინფორმაციისთვის, უკრაინაში რუსი ოკუპანტების წინააღმდეგ ბრძოლაში ორი ქართველი მებრძოლი გია ბერიაშვილი და დავით რატიანი დაიღუპა. ისინი საქართველოს შეიარაღებული ძალების ყოფილი წევრები იყვნენ და უკრაინაში მოხალისედ იბრძოდნენ.