ზუგდიდში, აღმაშენებლის ქუჩაზე მანქანა ქვეითად მოსიარულეს დაეჯახა.
თვითმხილველების განმარტებით, მიღებული დაზიანებების შედეგად კაცი გარდაიცვალა. მათივე თქმით, მანქანის მძღოლი შემთხვევის ადგილიდან მიიმალა.
ადგილზე ექსპერტ-კრიმინალისტები მუშაობენ.
შინაგან საქმეთა სამინისტროში რადიო ,,ათინათს'' განუცხადეს, რომ მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
მასალის გამოყენების პირობები