ახალი ამბები
TI: სენაკში საკრებულოს ხელახალი არჩევნები „ქართული ოცნების“ ინტერესებშია
„საერთაშორისო გამჭვირვალობა - საქართველო“ ეხმიანება საპარლამენტო უმრავლესობის წევრების მიერ ინიცირებულ ცვლილებებს საქართველოს საარჩევნო კოდექსსა და ადგილობრივი თვითმმართველობის კოდექსში. აღნიშნული ცვლილებები ახლებურად არეგულირებს საკრებულოს შუალედურ არჩევნებში არჩეული წევრის უფლებამოსილების საკითხს, ორგანიზაციის შეფასებით კი, ისინი მხოლოდ მმართველი პარტიის ინტერესებზეა მორგებული.

„საპარლამენტო უმრავლესობის წევრების მიერ ინიცირებული კანონპროექტის თანახმად, საკრებულოს შუალედურ არჩევნებში მაჟორიტარული წესით არჩეული წევრი საკრებულოს მიერ უფლებამოსილების ცნობის გარეშე შეძლებს სადეპუტატო საქმიანობის დაწყებას, ცესკოს ოფიციალურ ვებგვერდზე არჩევნების საბოლოო შედეგების შემაჯამებელი ოქმის გამოქვეყნებიდან მე-11 დღეს. ცვლილებების პროექტი მხოლოდ შუალედური არჩევნების შედეგებით არჩეული წევრების უფლებამოსილების ცნობის პროცედურას ეხება.

“ქართული ოცნება”, როგორც ჩანს, ცდილობს, საკანონმდებლო ცვლილებების შედეგად უმრავლესობა მოიპოვოს ბათუმის საკრებულოში, სენაკის საკრებულოში არსებული ჩიხური ვითარება კი შეინარჩუნოს და ხელახალი არჩევნების მიღწევით იქაც მყარი უმრავლესობა მიიღოს. საჭიროა, რომ წარმოდგენილი კანონპროექტი შეიცავდეს დებულებებს, რომლებმაც არსებული ხარვეზები უნდა გამოასწოროს“, - ვკითხულობთ TI-ის შეფსებაში.

ორგანიზაციაში ასევე განმარტავენ, რომ სენაკის საკრებულო „ქართული ოცნების“ ბოიკოტის გამო ვერ იკრიბება.

„2021 წლის 3 დეკემბერს პირველივე სხდომაზე პარტია “საქართველოსთვის” პროპორციული სიით არჩეულმა ილია ახალაიამ საკრებულო დატოვა და შედეგად მმართველი პარტიისა და ოპოზიციის ჯამური წარმომადგენლობა გათანაბრდა - თითოეულს 16-16 წევრი ჰყავს, სხდომის გასამართად კი 17 წევრის დასწრებაა საჭირო. სწორედ ამ მომენტიდან „ქართული ოცნების“ ბოიკოტის გამო ვერ ხერხდება საკრებულოში ილია ახალაიას ადგილმონაცვლის, ნიკოლოზ შამათავას უფლებამოსილების ცნობა.

ამ კრიზისის დაძლევა „ერთიანი ნაციონალური მოძრაობისა” და პარტია „საქართველოსთვის” წარმომადგენლებმა იმის მტკიცებით სცადეს, რომ 3 დეკემბრის სხდომა დახურულად არ გამოცხადებულა და ამდენად, მის შემდგომ გაგრძელებაზე კვორუმის საჭიროება არ იყო; მათ 9 თებერვალს ხმის დამთვლელი კომისია შექმნეს, ნიკოლოზ შამათავას უფლებამოსილება ცნეს, 23 თებერვალს კი საკრებულოს თავმჯდომარედ „საქართველოსთვის” წარმომადგენელი, ირაკლი კაჭარავა აირჩიეს. ეს გადაწყვეტილებები „ქართული ოცნების“ სარჩელის შედეგად სენაკის სასამართლომ დროებით შეაჩერა, თუმცა საბოლოო გადაწყვეტილება ჯერ არ გამოუტანია. სენაკის საკრებულოში შექმნილი ჩიხური სიტუაცია გარკვეულწილად კანონმდებლობის გაუმართაობის გამო წარმოიშვა, თუმცა წარმოდგენილი კანონპროექტი მის გამოსწორებას არ ითვალისწინებს.

თუკი 2022 წლის 3 ივნისამდე სენაკის საკრებულო ვერ შეიკრიბება, ეს მისი უფლებამოსილების ვადამდე შეწყვეტის საფუძველი გახდება, რაც „ქართული ოცნების“ ინტერესებშია", - ამბობენ „საერთაშორისო გამჭვირვალობა - საქართველოში“.

ორგანიზაციაში მიიჩნევენ, რომ აუცილებელია კანონმდებლობაში შევიდეს ცვლილება, რათა საკრებულოში პროპორციული წესით არჩეული წევრის ან/და მისი ადგილმონაცვლის უფლებამოსილების ცნობის საკითხი საკრებულოს გადაწყვეტილებაზე აღარ იყოს დამოკიდებული, რის შემდეგაც სენაკში ხელახალი არჩევნების გამართვა აღარ იქნება საჭირო.

TI მოუწოდებს პარლამენტს, არ მოარგოს საკანონმდებლო ცვლილებები მხოლოდ მმართველი პარტიის ინტერესებს ბათუმის საკრებულოში და აქცენტი გააკეთოს ადგილობრივი თვითმმართველობის ორგანოების დაკომპლექტების ერთიანი სტანდარტის შემუშავებასა და დამკვიდრებაზე.

„საერთაშორისო გამჭვირვალობა - საქართველოს” პოზიციით, საკრებულოს წევრის უფლებამოსილების ცნობას არცერთ შემთხვევაში არ უნდა სჭირდებოდეს საკრებულოს თანხმობა, იმის მიუხედავად იგი საყოველთაო არჩევნებშია გამარჯვებული, შუალედურ მაჟორიტარულ არჩევნებში თუ პროპორციული წესით არჩეული წევრის ადგილმონაცვლეა.


ამავე თემაზე:

სენაკის საკრებულოში ხელოვნური კრიზისი მოქალაქეების არჩევანის შესაცვლელად გრძელდება, - სიჭინავა

სენაკში "ქართულმა ოცნებამ" საკრებულოს გადაწყვეტილების გაუქმების მოთხოვნით სასამართლოს მიმართა

სენაკის საკრებულოს თავმჯდომარედ გახარიას პარტიის წევრი აირჩიეს






Print Email
FaceBook Twitter
რ ე კ ლ ა მ ა
29 ნოემბერს, ქალთა მიმართ ძალადობის წინააღმდეგ ბრძოლის გლობალური კამპანიის ფარგლებში, ქალთა ფონდი „სოხუმის“ ახალი მონიტორინგის ანგარიშის - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ პრეზენტაცია გაიმართა.
ზუგდიდის ცენტრალურ ბიბლიოთეკაში წიგნების სერიის "ჩემი მეგრული ჯადოსნური ზღაპრების" პირველი წიგნის "კაჟანდიი ქერქუუს არიკის" პრეზენტაცია გაიმართა.
ქალთა ფონდი „სოხუმმა“ ახალი მონიტორინგის ანგარიში - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ გამოაქვეყნა.
საზოგადოება
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
დღის სიახლეები
04 / დეკემბერი 2022
ზუგდიდში ოჯახი და ახლობლები 24 წლის საბა კვირკვიას მესამე დღეა ეძებენ. რადიო “ათინათის” ინფორმაციით, ის ბოლოს პარასკევს, დღის პირველ ნახევარში ნახეს, რის შემდეგაც მისი კვალი იკარგება.
04 / დეკემბერი 2022
ზუგდიდის სოფელ ჩხორიაში ერთ-ერთი ადგილობრივის საცხოვრებელი დაიწვა. ადგილობრივების ინფორმაციით, სახლში შუახნის მამაკაცი ცხოვრობს,
04 / დეკემბერი 2022
უკრაინაში, ბახმუტთან სარაკეტო თავდასხმის შედეგად დაღუპული აფხაზეთიდან დევნილი მებრძოლების ოჯახების სურვილი მხოლოდ ის არის,
დილის ჩართვა
მთავარი საინფორმაციო გამოშვება
არქივი
«« დეკემბერი 2022 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 5 °C
img
სოხუმი 7 °C
img
ფოთი 9 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.